Día a Día

Este domingo 7 de maio celebrarase na ribeira de Caldelas, Tui, a Festa do Meixón. O prezo da ración en venda anticipada nas tendas TelmoImport é de 26€ , e o propio día na festa 30€. Manuel Alonso Pereira é un dos organizadores.

Dobre proposta esta fin de semana na Asociación Cultural Betún. Hoxe ás 22h dendê CAdiz chegan Mystic Queen para presentar o seu novo álbum Seis Gritos Al Sol, no que fusionan Rock, Funk, Psicodelia e Jazz. E mañá sábado, tamén ás 22h, dende Granada chega unha noite de flamenco da man do dúo Diego Molina & Alberto Maezo. Os dous días a entrada é de 3€. Contonolo hoxe Carlos Lima.

Mañá ás 12h será inaugurada a XXI Feira de Artesanía de Tui que se vai celebrar na rúa Ordóñez, Porta da Pía, praza do Concello e de San Fernando con 41 postos de exhibición e venda así coma da Residencia San Telmo, a Asociación Protectora de Animais Aloia, e SOS Tomiño Baixo Miño. Así apuntou o concelleiro de Comercio, Miguel Capón, quen apuntou tamén o interese de que en Tui se cree unha Asociación de Artesáns.

O mediador Juan Manuel Señoráns de Media-cción achegounos un novo eido no que a mediación está a ser empregada, coma son caso dos accidentes de tráfico.

Este domingo 7 de maio celébrase o Trilho da Fortaleza dentro do circuíto de Andainas Saudables da Eurocidade. Sairá ás 10 hora Española da Porta do Sol na Fortaleza para facer un percorrido polas murallas da Fortaleza de Valença, e rematará cunha degustación en Sabores da Aldeia para probar algúns dos pratos tradicionais portugueses. Marina Carvalho de Celtas do Minho deunos todos os detalles desta andaina para a que é preciso inscribirse. O prezo é de 5€ adultos, e 3€ os menores de 12 anos.

O alcalde de Tui, Enrique Cabaleiro, e a subdelegada do goberno na provincia de Pontevedra, Ana Ortiz, presidirán mañá ás 9.30h a reunión da Xunta Local de Seguridade en Tui. Unha reunión de traballo á que asistirán tamén os máximos responsables da Policía Local, a Garda Civil, e a Policía Nacional. O obxectivo principal será como abordar o ocio nocturno. Así o explicou o alcalde, Enrique Cabaleiro.

Tui acolle este venres unhas xornadas sobre mobilidade transfronteiriza organizada pola Deputación de Pontevedra. Elixiron precisamente Tui por ser a fronteira con maior fluxos de vehículos entre España e Portugal. Así o explicaba esta mañá na nosa sintonía o deputado de cooperación tranfronteiriza, Uxío Benítez.

O director xeral do IGAPE, Juan Cividanes, visita esta mañá a empresa Utingal no polígono de Areas. Ás 10.30h está prevista a súa chegada ás instalacións da empresa dedicada ao sector aeronáutico, coñecerá as súas instalacións, e lle serán presentados os proxecto a realizar na compañía, xunto a evolución do desenvolvemento da industria 4.0.

O xerente de Utingal Jesús González López explicou esta mañá presentarán ao director do IGAPE os novos proxectos nos que traballan.

Este domingo ás 20h celebrarase no Auditorio do Rosal un concerto co gallo do 31ª Aniversario da Agrupación Musical do Rosal. Participarán a propia Agrupación Musical do Rosal, a Coral da banda e a Coral San Telmo de Tui. No programa predominará a zarzuela e a ópera. Iván Diego é o presidente da Agrupación Musical do Rosal

Levada libre celebra este domingo con diversos actos a instauración da II República. Este ano van homenaxear aos guerrilleiros/fuxidos, antifascistas da guerra civil do 36.