Día a Día

En 2001 creouse o club de fútbol sala A Quinta de Tui que na temporada que agora remata contou con 9 equipos federados, dous seniors e sete de base, e máis dun centenar de persoas adestrando. Do estado do club e dos obxectivos para a próxima temporada faláronnos hoxe Rigo, o seu presidente, e Xacobe Morais, coordinador e adestrador. Agora pensan xa na próxima temporada na que fixan coma obxectivo contar tamén cun equipo senior feminino e outro de base. Para iso este sábado terán unhas xornadas de portas abertas para mozas nadas entre 2003 e 2011 no pavillón novo de Tui.

Ata este sábado pode visitarse na Sala de Exposicións Municipal de Tui unha exposición colectiva de Basilio Calzado de San Salvador de Tebra, Emilio Cabeiras de Santa Mª de Tebra, Luís Oliveira e Libia Domínguez de Goián, o gondomareño afincado en Pinzás Iago Riera, e a canguesa Violeta Vilas. Basilio Calzado Emilio Cabeira faláronnos desta mostra que reúne distintas técnicas e estilos.

Jorge Fernandes de Casa Di Mamma de Valença logrou o cuarto posto no Campionato Mundial da Pizza en Parma cunha pizza “Tres nacións”. Hoxe falounos desta creación. Este mesmo mes acudirá a Italia a outro campionato.

Balance positivo é o que realiza a concelleira de Patrimonio do Concello de Tui da primeira fin de semana de peonalización do conxunto histórico. Ao longo deste mes da primeira fase solucionaranse os pequenos problemas que poidan xurdir, e propotas de mellora, e en xullo agardan polo en marcha de forma definitiva en xullo.

A tudense Belén Sousa traballa no departamento de animación e rotomation da empresa Trister en Munich. Nos últimos meses ten traballado en animación para películas coma Guardianes de la Galaxia e Capitán América. Hoxe falounos do seu traballo, e do que en breve para a animación para Black Panther.

O pontareán Juan Pino explicounos hoxe con detalle o dispositivo que inventou para aumentar a seguridade nos coches. O seu invento permite que a terceira luz de freno emita unha cadencia distinta para alertar de frenazos bruscos, e outras incidencias avisando así ao coche que vai detrás para evitar posibles colisións.

Este domingo ás 18.30h preséntase no Colexio Maristas de Tui o libro-cd "Los tambores hablan" promovido pola ONGD SED. As letras foron compostas polo irmán marista Aureliano García e son intepretadas por Víctor Manuel, Rozalén, Antonio Carmona, Ana Belén, Miguel Ríos, Andrés Suárez, Adrián Martín, Inma Serrano, Javier Vargas, Pasión Vega, David San José, Tontxu, José Sacristán, Fran Fernández, La Shica, Juan Valderrama, Javier Álvarez, Ondina, Pedro Guerra, Edgar Oceransky e Julián Maeso. Esta publicación coincide cos 25 anos de SED.

O betuneiro Carlos Lima deunos conta da programación desta fin de semana con tres citas no Betún na rúa Cuenca.

Hoxe ás 22h Jam Sessions con entrada de balde. Mañá ás 23h sesión de Javi Pelón con vinilos e unha escollha de Funk, rock, pop, soul, electro... Entrada 3€. Por último o domingo ás 20h en concerto MINTA & THE BROOK TROUT, banda lisboeta formada por Francisca Cortesão e Mariana Ricardo. Entrada 3€

Seis acordeóns, violín,gaita, baixo eléctrico e batería conforman o grupo Argonat Band que realiza versións de clásicos de rock&roll e pop. O seu director Juan Bande presentounos hoxe ao grupo.

A Xunta de Galicia vai investir 1 millón de euros no arranxo do firme en varias estradas do Baixo Miño. Esta semana publicou no DOG a licitación destas obras. O delegado territorial da Xunta, José Manuel Cores Tourís detallaba os traballos a acometer.

Amais coma membro do PP falaba da situación do partido en Tui, onde fixan coma obxectivo a reunificación do centro-dereita.