Día a Día

Mañá xoves arranca un curso de tres días na Aula Uned de Tui de introdución á Historia da Arte a través do patrimonio da Eurociudade. Tratase de coñecer o importante patrimonio histórico-artístico de Tui e Valença co obxectivo de diferencias os diferentes estilo.

O goberno local de Tui fai unha aposta de futuro na ubicación das atraccións durante as festas de San Telmo trasladándoas a un novo emprazamento, que dista 200 metros do actual, o que permitirá unha mellor ordenación dos distintos postos, así coma poder contar co aparcamento da traseira da Área Panorámica durante uns días de gran afluencia á cidade coma son os festexos patronais. A decisión obedece a distintos motivos que detallaba hoxe Miguel Capón, tenente alcalde, e José Ramón Magán, concelleiro de Seguridade.

Este venres, ás 17:30h, cuarta xornada do programa Enredos no Espazo Xove de Tui. Esta semana, tratará sobre o liderado e traballo en equipo, explicarase a mozos e mozas cales son as destrezas e competencias necesarias para enfrontarse os retos actuais e tamén se resolverán dúbidas sobre todos os programas da dirección xeral de Xuventude.

Mañá mércores ás 20h a Sala Féliz Rodríguez da Área Panorámica acolle a charla “Que podemos facer na prevención do cancro”. Está organizada polo Concello de Tui e correrá a cargo do equipo de investigación sobre Quimioprevención do Cancro da área de Vigo. Jorge Cameselle é o director do grupo de investigación en Oncoloxía Clínica de ADICAM.

Co obxectivo de dar a coñecer a Asociación Parkinson Baixo Miño e as actividades que organizan, co gallo do Día Mundial do Parkinson, a asociación celebra unha xornada festiva este sábado. Terá lugar ás 19h no Liceo Casino de Tui cunha charla sobre os beneficios do exercicio físico, a cargo da fisioterapeuta Nuria Peláez e a posterior actuación da agrupación musical Acordeóns Mascarenhas. Así mesmo, a asociación sorteará in cadro de Fina Sáa para o que está a vender rifas benéficas que lle permitan continuar coa súa actividade de apoio ás familias.

O alcalde de Tui, Enrique Cabaleiro, falou hoxe do remanente de tesourería que ten arestora o concello de Tui con 8.700.000 €, dos que 3.400.000€ correspondente ao último exercicio. Deu conta dos proxectos aprobados a pasada semana en pleno, e do traballo que queda por diante.

A Asociación 1Máis organiza para este domingo, 2 de abril, Día de Concienciación do Autismo unha festa para celebrar a diversidade e a ruptura de barreiras, na que contan coa colaboración do Concello de Tui. Está dirixida aos seus socios e todos os interesados. A cita será no CEIP nº2 ás 17h onde haberá inchables, xogos, merenda...

No Betún na rúa Cuenca de Tui hai dobre concerto esta fin de semana. Hoxe ás 22h actuará na Asociación Cultural Betún Javier Navas Quartet. O cuarteto liderado por Javier Navas achega un repertorio jazzístico auténtico e cheo de modernidade. A entrada é de 4€.

Mentres mañá sábado, tamén ás 22h, actuará á Pequeña Gran Compañía. A entrada ten un prezo de 3€.

Este sábado celébrase o III Encontro Minho-Galiza, un debate sobre a música galego-portuguesa e das palabras que transporta para a interculturalidade e a identidade da lingua, organizado pola Universidade do Minho (Braga) co apoio do Concello de Tomiño, Xunta de Galicia, Radio Municipal de Tui e Radio Universitaria do Minho.

Emilio Vilar fai balance do SaboreaTui e explica o petisco feito polo Café Museu de Tui. Ademais, Juan Carlos Blanco, presidente de Acitui da conta dos gañadores da campaña do día do pai.