Día a Día

Un parrulo de goma de cor azul marca a diferencia nunha fábrica de patiños de goma onde todos son amarelos. Esta é a historia que Caramuxo Teatro presenta ás oito desta tarde no Teatro Municipal de Tui. Está inspirada no clásico do “Parrulo Feo” de Andersen dirixida por Laura Sarasola e interpretada por Juan Rodríguez. Esta montaxe valeulles o ano pasado o premio Marías Casares ao Mellor Espectáculo Infantil.

Este domingo, 5 de marzo, celébrase o Enterro do Bacallau en Tui. Sairá ás 19.30h dende a praza de San Fernando para rematar na traseira da Área Panorámica.

Este venres arranca oficialmente Saborea Tui, o roteiro de petiscos por 23 establecementos de Tui. Co obxectivo de dinamizar e potenciar o sector hostaleiro, os diferentes establecementos ofrecen petiscos creativos de balde xunto coa consumición. A promoción ten lugar durante os venres e sábados de marzo entre as 19h e as 23h. Juan Carlos Blanco é o presidente de ACITUI.

Este sábado, 4 de marzo ás 19:00 horas, a Sala Félix da Área Panorámica, acollerá a charla informativa “Stop Velutina”, organizada pola concellería de Medio Ambiente do Concello de Tui e a Asociación Galega de Apicultura.

A VI BTT da Eurocidade que se celebrará o domingo 12 de marzo pola mañá ten vistas de converterse nun éxito de participación rachando con tódolos récords históricos. Esperase superar o milleiro de participantes nalgunha das dúas modalidades. O prazo de inscrición está aberto até o 6 de marzo.

O Paseo da Corredoira de Tui acolle este domingo, 5 de marzo, de 10.30h a 21h a II Feira San Carnaval organizada polo Concello de Tui coa colaboración de Ppartmin Creativas con carácter solidario a beneficio de SOS Tomiño Baixo Miño e a protectora de animais de Tui Aloia. Na mesma participarán máis de 50 postos de artesanía, antigüidades, produtos ecolóxicos, sobremesas, coiro, bixutería, segunda man...

Como cada ano o Festival Internacional de Cine Documental de Tui abre as portas para o voluntariado. Os mozos e mozas que queiran participar como voluntarios na organización do festival deben poñerse en contacto a través de [email protected]. Unha experiencia que lles permitirá coñecer dende dentro como funciona un evento destas características. Pablo Comesaña é o productor de Play Doc.

Dende o pasado venres e ata o 14 de marzo podemo visitar na Sala de Exposicións Municipal na Área Panorámica a exposición “Hilo, conexiones de norte a sur”. Na mesma cinco artistas afincados en Cadiz presentan a súa obra, da mesma falaban en declaracións á Radio Municipal de Tui. Escoitamos a Inés Gontad, Carmen Guerrero, Carlos Laíñez, Cecilio Chaves e Pepe Palacios.

O Concello de Tui comeza a traballar na creación do arquivo de imaxe municipal co obxectivo de reunir o maior número de fotografías relacionadas con Tui. Búscase facelo dun xeito ordenado, catalogando todas as imaxes para, no futuro, poder poñelas a disposición do público en xeral. Por isto, o Concello fai un chamamento á colaboración dos veciños e veciñas para que aporten ao arquivo todas aquelas imaxes que consideren de interese.

O Entroido chega tamén dende hoxe á Asociación cultural Betún. Hoxe a partir das 22h terán unha Jam Session Especial Carnaval, e despois a música correrá por conta Sutta Enki Dub. Mañá sábado dende ás 23h será a quenda de DJGramola.