Ata o próximo mércores, 17 de agosto, está aberto o prazo de inscrición para a II Carreria de San Bartolomé que se celebra o sábado 20. Serán 3.300 metros para as categorías superiores. Ramón Fontán e Cristian Lago, organizadores da proba, déronnos hoxe todos os detalles.

De xeito paralelo a Festa do Miño o club Tideo organiza durante este sábado un espectáculo de Waterline, ou equilibrismo sobre as auga. O campión mundial desta disciplina, Alejandro Gimeno, buscará cruzar os 314 metros que separan as dúas beiras do Miño soamente subido sobre unha corda de 4 centímetros de ancho. A cinta estará situada na vella ponte internacional.

O río Miño é o gran protagonista da festa que este sábado se celebra en Tui e na que se agardan miles de persoas ao longo da xornada. Deporte, gastronomía, música son só tres dos ingredientes da Festa do Miño que cumpre a súa sexta edición.

Na tarde de onte catro mil douscentos bombeiros traballaban na extinción dos máis de 155 incendios que consumían o monte portugués. As altas temperaturas, superiores aos 30 grados e a falta de chuvias están a ser os ingredientes perfectos para a tormenta de lumes que vive o país luso.

Hoxe marcha cara Río o tudense Óscar Carrera que participará nos Xogos Olímpicos formando parte do k4 español que competirá sobre a distancia de 1000 metros. Ilusionado afronta a súa participación nesta destacada cita deportiva, así nolo contouno na Radio Municipal de Tui.

O palangreiro “Alemar Primeiro”, pertencente a Organización de Palangreros Guardeses, ORPAGU, continúa retido en Santo Tomé despois de ser levado a terra polas autoridades locais. Segundo confirmou a xerente de ORPAGU, Juana Mª Parada, o barco conta con tódalas autorizacións pertinentes e esperan que poida saír para Galicia no día de hoxe.

Está xa desactivada a lerta 2 no incendio de Mondariz que arestora, segundo informa Medio Rural, atópase xa estabilizado. O Lume iniciouse na parroquia de Queimadelos en torno as 22:15 da noite de onte e por mor da súa virulencia obrigou a cortar un tramo da N-120 entre Mondariz e Ponteareas e a decretar a alerta 2.

Hoxe arrancan oficialmente as Festas do Monte da Guarda que inaugura hoxe a semana grande até o vindeiro luns día 15. As 20:00 terá lugar o pregón a cargo dos vocalistas da orquesta Olympus. Unhas festas que buscan continuar o traballo feito ao longo dos anos.

Tras finalizar o IKFEM a finais de Xullo e o Música no Claustro onte domingo, chega agora a quenda para o Curso de Verán “Tamara Brooks” a Tui que regresa á cidade este sábado. Un curso de canto, técnica vocal e coro, pero que tamén quere facer fincapé na súa vocación instrumental a vez que se busca divulgar e democratizar esta práctica. Explicábao esta mañá o director de Camerata Ad Libitum, Julio Domínguez.

O alcalde de Tui, Enrique Cabaleiro, explicou hoxe na nosa sintonía cales son os dous temas que máis lle preocupan coma rexedor nestes momento: o baixo nivel de ingresos do Concello de Tui e a situación de abandono do conxunto histórico . Amais deu conta doutros temas coma a apertura do novo centro de saúde, a situación do Camiño de Santiago, ou a apertura da rúa Ourense.