Día a Día

O concelleiro de Seguridade do Concello de Tui, José Ramón Magán, falou hoxe do control do tráfico na Cabalgata de Reis que se celebra esta tarde, logo de que 6 dos 8 axentes se negarán a facer horas extras esta tarde. Tamén da situación da Policía Local.

Melchor, Gaspar e Baltasar percorrerán dende ás 18h as rúas de Salceda xunto co carteiro Real para ir ata a Praza do Concello, onde recibirán a todos nenos e nenas que queiran achegarse a saudalos. Teresa Pérez, concelleira de Cultura, deunos conta dos pormenores.

A concelleira de Cultura de Tui, Mª José González da conta dos horarios e percorrido da cabalgata de Reis Magos.

Tras varios anos sen celebrarse hoxe os Res Magos volven percorrer Oia na súa Cabalgata que saiu xa ás 11h dende Mavia. Rematarán ás 17h no pavillón do colexio Mestre Manuel García

Ás 16.30h sae do Alivio ata a Praza do Seixo a Cabalgata de Reis. Logo recepción, entrega de agasallos e reparto de papeletas para o sorteo dunha bici, tablet, patíns, drons... Cristina Martínez é a concelleira de Cultura de Tomiño.

Ás 18h sairá dende a Alameda da Guarda a Cabalgata de Reis para realizar un percorrido polas rúas guardesas que os levará ata a praza do Reló. A continuación terá lugar a recepción real na Casa dos Alonsos. Deunos todos os detalles a concelleira de Cultura da Guarda, Elena Baz.

A Asociación Cultural Betún acolle o sábado 7 de xaneiro ás 21.30h a inauguración da exposición de María Galán, e a continuación concerto de Radón. Contounolo Jorge Aldir.

No Rosal os Reis Magos foron os máis madrugadores da comarca porque xa antes das 10h visitaban aos nenos da Escola Infantil. Dende aí iniciaron un percorrido por todo o municipio que rematará ás 17h na Praza do Calvario onde estarán Mickey e Minie Mouse, e haberá chocolate. E coma novidade os cativos terán un agasallo dos Bolechas.

Manuel Vázquez de la Cruz fixo hoxe na nosa sintonía unha lembranza de Tante.

Excelentes datos os do Camiño de Santiago, en todos os percorridos, os rexistrados ano longo de 2016. Uns datos que valoraba o xerente do Xacobeo, o tudense Rafael Sánchez Bargiela.

Arestora traballan no mantemento e sinalización de todos os camiños.