O punto limpo do Concello de Tui é só para uso de particulares e non de empresas. Así o explicou hoxe o concelleiro de Medio Ambiente do Concello de Tui, José Martínez Tato. Deu conta tamén da limpeza das praias do Penedo en Caldelas, e de Areeiros en Guillarei, onde se instalarán baños nos próximos días. Tamén avanzou que a comezos de xullo procederán ao desbroce tanto das parroquias coma no casco urbano ao comezar nos próximos días dez persoas neste servizo. E alertou aos que vaia facer fogueiras de San Xoán, que se non contan con autorización poderán ser sancionados.

Este mediodía o conselleiro de Economía, Emprego e Industria, Francisco Conde, e o alcalde de Tui, Enrique Cabaleiro, visitaron as instalación da empresa de granito instalada en Tui EuroCKP co motivo do seu vinte aniversario. A compañía, especializada na transformación e comercialización de granito, celebra este aniversario cun crecemento do 50% en volume de negocio nos últimos anos até facturar 16 millóns de euros no 2015.

Esta fin de semana celébranse en augas do río, no Porto Deportivo de Tui, a Copa Galega de Promoción de Slalom e o Campionato Nacional Portugués de esperanzas de slalom de piragüismo organizados polo Club Tea e o Darque Kaiak. Haberá un centenar de participantes con idades entre os 6 e os 14 anos. Mañá sábado serán os adestramentos e o domingo a competición. Deunos todos os detalles Manuel Freiría, director técnico da Federación Portuguesa de Piragüismo.

Mañá ás 11h no novo pavillón de Tui terá lugar a clausura das escolas deportivas de judo impartidas polo Judo Club Tudense en diferentes colexios tudenses reunindo a máis dun centenar de nenos. David Morais é o presidente e adestrador do club.

Ás 21.30h na Sala Félix Rodríguez dentro do ciclo “Cantos de preto e de lonxe” promovido pola Deputación de Pontevedra concerto da cantautora Alba María. Estará acompañada por Felipe Villar na guitarra, Manuel Díaz no contrabaixo, e Carlos Freire na batería.

Esta mañá visitounos o terceiro grupo de nenas e nenos da escola infantil Galiña Azul de Tui.

Esta mañá visitounos o terceiro grupo de nenas e nenos da escola infantil Galiña Azul de Tui.

Este venres 17 de xuño ás 21h, terá lugar na Casa dos Alonsos, na Praza do Reló, o Concerto presentación do Obradoiro de Canto “Cantares do Brueiro”. Esta é unha iniciativa que comezou a principios do mes de xaneiro de 2014 e na que un grupo de persoas realiza canto tradicional co obxectivo de dignificar a canción popular. Todo isto baixo a dirección do cantor e músico popular guardés Tino Baz.

O sábado o organo da Catedral de Tui soará dende ás 12 do mediodía a cargo de Alejandra Escolante, quen ven de rematar o grao profesional ne órgano no Conservatorio de Ourense. O concerto, totalmente de balde, permitirá gozar da música da organista nun escenario único coma o da Catedral.

O pavillón municipal de Tui acollerá este domingo a terceira edición do Campionato Ibérico de Kung Fu. A cita, comezará as 10:30 da mañá e participarán en torno a 340 deportistas de España e Portugal.