Día a Día

Empresarios, autónomos e emprendedores son os destinatarios da xornada sobre a iniciativa SmartPeme da Deputación de Pontevedra que ás 10h comeza na Aula Cemit da Área Panorámica.

Mercedes Oliveira abordará mañá o tema "Igualmente diferentes" no segundo dos Faladoiros de Educación que se van celebrar na Sala Félix Rodríguez ás 18h. O 25N estará de fondo na súa charla, con cómo abordar dende a Educación a violencia de xénero, e dende a perspectiva deles.

O próximo 1 de decembro comeza un novo curso na aula tudense da UNED baixo o título “Criminal profiling”. No mesmo farase unha introdución a unha técnica de gran relevancia na investigación criminolóxica coma é a perfilación criminal. No mesmo abordaranse cómo levar a cabo un perfil criminal, as distintas técnicas, análises, e repaso aos distintos perfís criminais e análise de casos prácticos. O curso consta de 20 horas lectivas que se impartirán os xoves de 16.30h a 20.30h ata o 15 de decembro. Ana del Valle Couto, licenciada en Dereito e criminoloxía, postgrao en criminalística, infoanálises e técnicas avanzadas en ciencias forenses (UAB), é unha das poñentes.

O Nadal chegará a Tui o primeiro fin de semana de decembro co Mercadiño de Nadal de comercio e artesanía. Este ano cambia de ubacación cara ao paseo da Corredoira onde se instalarán 60 postos. Por primeira vez participará BANTA que presentará e venderá o seu calendario para o 2017 ademais de recoller tapóns.

Ás 10:30 desta mañá terá lugar o acto anual de sinatura de recoñecemento da fronteira entre España e Portugal nas beiras do Miño en Tui. Como novidade este ano esta sinatura simbólica farase no propio río a bordo das embarcacións españolas e portuguesas, segundo apuntou o Comandante Naval do Miño, Enrique García.

Nin un neno sen xoguetes. Esa é a premisa da II Campaña de recollida de xoguetes do Café Museu de Tui na que este ano esperan superar os 1.100 xoguetes. A premisa principal é a de intercambiar un xoguete por un café, pero ademais este ano sortearase un tratamento termal. A campaña desenvolverase entre o 7 e o 22 de decembro e pódense entregar xoguetes novos ou usados, sempre que estean en bo estado.

Triple proposta para esta fin de semana na Asociación Cultural Betún no conxunto histórico de Tui. no conxunto histórico de Tui. Ademais da exposición de Mariana Oliveira, hoxe ás dez da noite actuará o cantautor Yomelo Montosolo e mañá sábado soarán os tangos dende ás 22h con Libertango.

Catorce quilómetros entre Tui e Valença nunha ruta nocturna será os que realizan os participantes na Urban Trail Night prevista para o sábado 26 de novembro na Eurocidade Tui-Valença. O prazo de inscrición está aberto ata o mércores 23. Tamén haberá unha andaina de 10 quilómetros. Deunos todos os detalles da proba, Serafín Martínez, organizador. www.urbantrailnight.com.

O enxeñeiro tudense Juan Font está detrás da programación de Politibot, un robot conversacional para Telegram que está operativo dende as eleccións do pasado 26J. Forma parte dun equipo multidisciplinar de oito persoas que levaron adiante este innovador proxecto que vén de recibir unha axuda á investigación de Google. Este achega permitiralles converterlo en multiplataforma e proseguir co seu desenvolvemento. Así nolo explicou Juan Font, quen arestora traballa coma enxeñeiro de software no departamento de tecnoloxía da información na Axencia Espacial Europea.

Os representantes do Sindicato Unificado da Policía de Galicia, presentaron no Concello de Tui un escrito denunciando o que consideran como “lamentable estado de conservación” do Centro de Cooperación Policial e Aduaneiro de Tui. O SUP denuncia as humidades e deficiencias múltiples do edificio, que é de titularidade estatal.