As rúas da Guarda serán engalanadas mañá á noite con alfombras florais e de sal nas que os alfombristas levan xa semanas traballando. De forma paralela hoxe comeza en vinte esetablecementos guardeses a ruta de tapas Tapearte. A concelleira de Turismo da Guarda, Montserrat Magallanes, deunos conta destas actividades.

A empanada de mexillóns é unha das novidades que presenta este domingo a XX Festa da Empanada de Estás. Haberá tamén doutros recheos a un prezo de 5€ a ración, e tamén se poderán degustar outros produtos. A música do grupo Virxe do Alivio, e a festa da bicicleta a primeira hora completa o programa festivo previsto, do que nos deu conta Esteban González. Porán á venda máis de 700 racións de empanada.

A previsión de choiva para mañá á noite fai que a alfombra floral que se ía elaborar inicialmente na praza de San Fernando se vai a realizar no interior do claustro da Catedral. Hoxe continuan cos traballos previos de preparación do verde e da flor, tal e coma contaba Mila González, unha das persoas que leva a cabo a alfombra.

Debido as previsións de choiva para mañá sábado foi aprazada a I Festa da Árbore e do Medio Ambiente organizada polas comunidades de montes de Randufe, Areas, Pexegueiro e Malvas.Polo momento non teñen nova data e probablemente quedará para despois do verán segundo explicaba hoxe Ramón Martínez, un dos organizadores.

Ferretería Cortegoso e Millasur realiza mañá venres unha xornada de portas abertas en maquinaría forestal e de xardín na Macoca de 11 a 13h e de 16 a 18h. Ás 12h haberá unha charla sobre mantemento de maquinaria e ofertas especiais en máquinas e accesorios. Contounolo César González, que explicou que realizan estas xornadas polo dez anos que levan traballando xuntos estas dúas empresas.

Falamos con Elías Vieiro, presidente do Tyde horas antes de que él e os 12 rapaces seleccionados do equipo suban ao avión que lles levará ao Torneo Internacional de Fútbol 7 de Versmold (Alemaña).

Unha das últimas superproduccións norteamericanas contou co traballo da tudense Belén Sousa. Experta en animación, participou no filme de Capitán América. Sousa explícanos cómo conseguiu formar parte do equipo.

Esta fin de semana celébrase a cuarta edición do Triatlón Tui-Porriño. Con saída dende Tui, os participantes chegarán a O Porriño. Unha edición que este ano espera chegar ao límite máximo de 350 atletas. Contábanolo o concelleiro de deportes do Porriño, Manuel Carrera, que apuntaba ademais, a importancia das actividades deportivas para a mocidade.

O Concello de Tui abrirá o vindeiro mércores 1 de xuño o prazo de inscrición para os campamentos de verán. Nesta ocasión celebraranse dúas quendas a un prezo de 30€ cada unha. Tódolos requisitos e documentos necesarios pódense consultar na web do Concello, concellotui.org ou fisicamente na secretaría do mesmo.

Mañá ás 18h a Sala Félix Rodríguez da Área Panorámica acollerá a charla “Educación sexual e a educación en igualdade” a cargo de Encarnación Sueiro Domínguez, doutora en psicoloxía e licenciada en pedagoxía, e psicóloga clínica do Centro de Orientación Familiar “Nóvoa Santos” do SERGAS