Día a Día

Aínda quedan prazas dispoñibles para o curso de “Crea coas artes escénicas” que imparte o Espazo Xove de Tui. Comezará o vindeiro luns 24 de outubro e impartirase tódolos luns de 18:30 a 20:00 durante 13 sesións, até o 30 de xaneiro. Está destinado para mozos de entre 14 a 35 anos e como explica a actriz a cargo do mesmo, Laura Villaverde, non é un curso de teatro ao uso.

Catro compoñentes da Coral San Telmo pasaron esta mañá polos micrófonos da Radio Municipal de Tui onde fixeron balance do ano a vez que animaron aos tudenses a participar na coral. Arestora son 38 os membros activos e buscan sumar, polo menos, 7 novos participantes para chegar aos 45.

Hai xa unhas semanas que comezou o novo curso 2016/17 no Conservatorio Profesional de Música de Tui no que se incrementou o número de alumnos no grao profesional. Amais continúan a traballar para o próximo curso poder ofercer tamén o grao elemental no Conservatorio. Por outra banda deu conta do concerto inauguración do curso previsto para este xoves ás 20h no centro.

Xunto as actividades de Risoterapia, que ten lugar os martes pola tarde no Centro Sociocomunitario, e de estimulación cognitiva, que se imparte os luns pola mañá no edificio da Área Panorámica, a Asociación Párkinson Baixo Miño pon en marcha este venres a actividade de Psicoloxía e Fisoterapia que terá lugar na mañá dos venres no edificio da Área Panorámica.

No día de hoxe, a Cruz Vermella vén de presentar na Guarda a campaña “En Familia por Dereito”. Dende hoxe e até o venres, unha exposición de 8 paneis representará a experiencia de nenos e nenas que foron acollidos, e tamén das familias acolledoras, que explican qué significou para elas esta medida de coidado alternativo baseado na solidariedade.

O coro Mistura Vocal ofrecerá este domingo ás 19.30 na Igrexa de San Domingos en Tui un concerto organizado pola asociación cultural Trisquel e Medulio, contando coa colaboración do Concello de Tui - concellalía de Cultura, Amigos da Catedral, Adegas Val Miñor e Escola de Música e Danza Maison.

Como cada domingo o jazz volve ao Betún no último día da semana a partir das 20:30 horas para pechar a fin de semana coa mellor selección de artistas deste xénero musical. Este domingo será o cangués Iago Fernández quen presente o seu novo traballo “Brisa”. Un disco que a diferenza dos dous anteriores, caracterizase polo seu minimalismo.

Un espectáculo para público familiar é o que poderemos disfrutar mañá venres, 14 de outubro, no Teatro Municipal de Tui. A cita será ás 20h con Odaiko e a obra "Invención". Música para repasar os inventos da humanidade con Juan Collazo, Antonio Ocampo, Félix Rodríguez e Francisco Troncoso. O público terá tamén moito protagonismo. As entradas están á venda na web www.culturatui.info ata mañá venres ás 12h ou mañá venres dende ás 18.30h no despacho de billetes ao prezo de 3,5€ e 2,5€.

O Baixo Miño é unha zona segura. Así o explicou o capitán da Garda Civil Gerardo Calvo, quen hoxe visitou os nosos estudos co gallo dos actos que teñen programados para mañá 12 de outubro. Resaltou tamén o esforzo que están a facer para a prevención de delincuencia.

Dar resposta ás necesidades das mulleres e dos menores residentes en Tui é o obxectivo do Servizo de Apoio Municipal a Menores e Mulleres (S.A.M.MM) que volve atender os martes de 16:00 a 20:00 horas no Concello de Tui. Paula Guerreiro, técnica de servizos sociais, así o explicou.indicando que tratan a mulleres ante casos de: violencia de xénero, violencia no fogar, inadaptación de menores fronte a casos de separación e fracaso escolar a causa de conflitos na familia.

Este é o terceiro ano en que se pon en marcha este servizo tras detectar a necesidade do mesmo. O ano pasado atenderon a 22 menores.