Día a Día

A próxima semana comezan en augas do río Miño en Tui cursos de iniciación á vela organizado polo Club de Vela Tui, Animatui e AlAgua. Juanjo España e Brais Acevedo explicaron que van dirixidos a nenos de 7 a 14 anos, serán tres días cun máximo de 5 nenos por curso. Os interesados poden acadar máis información no 667 486 633.

Balance positivo da I Xornada Arqueolóxicas e do Patrimonio Concello de Tui celebradas a pasada pasada. Así o explicaron hoxe os seus directores os arqueólogos Nieves Veiga e Patxi Pérez tanto pola acollida coma polos resultados iniciais das intervencións arqueolóxicas.

Tamén nos explicaron os resultados das intervencións realizadas. Nieves Veiga deu conta dos achádegos nas catas realizadas no exterior da igrexa. Destacaba que a necrópole se estende extramuros e máis extensa do que pensaban inicialmente.

Patxi Pérez revisou a intervención realizada por Chamoso Lamas nos anos 70 e recuperou os restos óseo da necrópole que estaban en mal estado. Recuperaron tres cráneos así coma pezas dentais.

Consideran que logo destas primeiras intervencións coa estensión da necrópole extramuros e a cimentación dunha antiga planta, a zona ten potencial para novas excavacións.

O CEIP nº2 de Tui contará o próximo curso escolar cun comedor máis amplo no edificio anexo ao centro que ata o de agora ocupaba a sede do CRA Mestra Clara Torres.

A Deputación concedeu ao Concello Tui 104.697,06 € para o acondicionamento deste inmoble. Así o explicou a concelleira de Ensino e Cultura de Tui, María José González, quen sinalou que debido á tramitación administrativa é posible que non se poida pór en marcha no inicio do curso pero sí no primeiro trimestre. O cambio de emprazamento do comedor obedece á ampla demanda deste servizo

Por outra parte as vacacións estivais serán aproveitadas para acometer obras de mantemento nos distintos centros.

Os tudenses Iván Alonso e Diego Piña proclamáronse onte Campións de Europa de Piragüismo en Maratón no k2 en Pontevedra. Hoxe falaron desta regata no programa Día a Día, e tamén das próximas citas competitivas que teñen en calendario. En setembro buscarán o título Mundial en Brandenburgo.

Onte en pleno foi aprobada de xeito definitivo a modificación da ordenanza de regulamento do tráfico no conxunto hº de Tui. O punto contou cos únicos votos a favor do equipo de goberno e a abstención dos grupos da oposición.

Recollemos un fragmento das intervencións de Carmen Núñez, concelleira de Patrimmonio, Antonio Fernández Rocha do PP, Carlos Vázquez Padín de C21, Manuel González de CsT, José Manuel Sousa de APTUI. e Enrique Cabaleiro, alcalde de Tui.

O próximo luns SOS Tomiño-Baixo Miño comeza a súa actividade no Concello do Rosal. Atenderá os luns e xoves de 10.30h a 12.30h no Centro Social Polivalente.

Dende ás 17h en Salceda celébrase a II Feira Histórico Medieval, con cea medieval esta noite e diversas actividades ata o domingo segundo explicou Rosa Mª Fernández Covelo, da organización.

Todo está preparado na Guarda para celebrar dende mañá a XXVI Festa da Lagosta e da Cociña Mariñeira segundo explicou a concelleira de Turismo, Montserrat Magallanes. Gastronomía, música, feira de artesanía, visitas guiadas, forma parte da oferta nunha completa fin de semana.

Hoxe ás 20 horas comeza a segunda edición de “Diálogos en Educación” no Colexios dos xesuítas na Pasaxe, en Camposancos, na Guarda. Coordinados polo profesor Xosé Manuel Malheiro Gutiérrez, da Universidade da Coruña, celebraranse os xoves ata o mes de setembro.

Hoxe abre estas xornadas Antonio Vara Coomonte, profesor titular da Facultade de Ciencias da Educación da Universidade de Santiago que falará de “Educación, cuestións preliminares”.

Mañá ás 21.30h na Sala Félix Rodríguez da Área Panorámica será presentado o libro “Un cesto de mazás. Memoria dás vítimas do 36 e do tempo que veu” da escritora e xornalista, Montse Fajardo. Nesta publicación recóllense 16 historias de representación durante a Guerra Civil e nos primeiros anos da ditadura. A propia Montse Fajardo falounos hoxe da súa obra.

O acto está organizado por Levada Libre amais da autora contará coa resenza de Luís Bará, investigador da Memoria Histórica, Manuel Vázquez de la Cruz, membro de Levada Libre, e María José González, concelleira de Ensino e Cultura de Tui.