A Aula da UNED de Tui acolle hoxe e mañá un simposio sobre enfermidades crónicas cutáneas titulado “Panorámica actual, prevención e educación sanitaria en pacientes con enfermidades crónicas cutáneas”. Está organizado pola doutora Carmen Rodríguez Cerdeira, e contarán con destacados relatores a nivel nacional e internacional, entre os que se encontra Roberto Arenas Guzmán, xefe de sección de dermatoloxía e membro da Sociedade Mexicana de Dermatoloxía.

A Sala Félix Rodríguez da Área Panorámica acolle hoxe luns ás 17h a ponencia "Aspectos emocionais da Enfermidade de Parkinson. A sintomatoloxía non motora" a cargo de María Lens Villaverde, psicóloga. Está organizada pola Asociación Parkinson Baixo Miño, que a continuación celebrará a súa asemblea anual.

Preto de 70 postos haberá este domingo na Feira de Entroido que se vai celebrar no Paseo da Corredoira dende ás dez da mañá. Artesanía ou antigüidades serán algunhas das propostas presentes. Ás que se sumarán ás 12h a actuación do grupo de gaitas de Pazos de Reis e inchables gratuítos para nenos. Así nolo contaron hoxe Laureano Alonso, concelleiro de Turismo, e Belén Guisande de PPart.

Mañá sábado a partir 18.30h o mago Cayetano Lledó presenta un espectáculo de maxia teatralizada titulado “Máxico Circus Cabaret”. Está dirixido a público familiar.

As entradas están á venda en www.culturatui.info ata mañá sábado ás 12h ou o sábado pola tarde dende ás 17h no despacho de billetes da Área Panorámica ao prezo de 3,5€ e 2,5€.

Tui celebra este domingo ás 17h o Desfile-Concurso de Entroido. Participarán 14 comparsas que sumarán 1.200 persoas participando. Será polas Compostela e Casal Aboy. Contounolo a concelleira de Cultura de Tui, María José González.

O Teatro Municipal de Tui acolle mañá ás 21h a estrea en Galicia de “Impresións e paisaxes, como primeiro libro de Lorca” do músico tudense Samuel Diz. A cita será ás 21h. As entradas están á venda en en www.culturatui.info ata este venres 19 ás 12h ou o venres dende ás 19.30h no despacho de billetes ao prezo de 4€ e 3€..

Hoxe remata a Semana da Educación en Tomiño. A última ponencia comezará ás 18.30h no Auditorio de Goián onde David Bueno i Torrens falará de “Éxito académico ou éxito persoal? Unha cuestión de motivación, benestar e calidade”. A continuación, o conferenciante impartirá un obradoiro de emocións, razoamento e sociabilidade. Hoxe mantivemos unha ampla conversa con el.

A Sala de Exposicións Municipal acolle esta unha xornada de maxia solidaria

Ás sete e media desta tarde ten lugar na Sala de Exposicións Municipal, na Área Panorámica, a I Xornada de Maxia Solidaria. En concreto vai actuar o mago Paco González cun espectáculo de maxia familiar para nenos e maiores, Amais presentará o documental ‘’Un lugar llamado la Moskitia’’. A entrada, para fins solidarios, ten un prezo de 3€. Esta I Xornada de Maxia Solidaria organizada polos Misioneiros Seglares Vicencianos, MISEVI. Desta actividade falamos con Mónica Villar e Paco González.

Os actos programados para celebrar a festividade de San Teotonio, xunto ao calendario deportivo da Eurocidade que comeza este sábado, foron dous dos asuntos tratados na conversa mantida co vareador de Cultura e Deporte de Valença, José Monte.

A Eurocidade Tui-Valença, o proxecto de demolición do edificio de Cam-Fran na Avenida da Concordia para polo a dispor da Xunta libre de cargas para a construción da sede xudicial de Tui, as obras do novo centro de saúde ou a apertura da rúa Ourense, foron algúns do temas abordados esta mañá co alcalde de Tui, Enrique Cabaleiro.