O libro sobre o Plan Director da Catedral de Tui estivo coordinado polo historiador tudense Suso Vila, quen hoxe nos falou precisamente do seu papel nesta publicación

Este libro supón, en palabras de Suso Vila, a primeira gran monografía da Catedral de Tui.

A capela de San Telmo na Catedral de Tui acollerá mañá ás 18.30h a presentación do libro do Plan Director da Catedral de Tui. Iago Seara, arquitecto, explicou que se presentará o libro tanto en papel coma en formato dixital. O Plan director sinalou que recolle as actuación prioritarias no templo, parte delas xa realizadas, e tamén os plans de futuro. Para Iago Seara hai que dar un salto cualitativo con novas instalacións para o Arquivo Diocesano e o Museo Catedralicio.

Onte visitou a empresa tudense Establecementos Cholo o delegado territorial da Xunta en Pontevedra, José Manuel Cores Tourís, co gallo de coñecer as melloras realizadas en canto ós equipos e zonas de traballo na empresa.

Segundo apuntou Nerea Alamancos, adxunta á xerencia da empresa, con estas axudas procedentes da Consellería de Medio Rural puideron ampliar a capacidade do conxelador. Ademais, tamén adquiriron maquinaria nova, como un levador de carne para a máquina picadora, unha carretilla, xunto cunha nova furgoneta para transporte de mercancías.

Un produto tan sinxelo e abundante en Galicia como é a resina de piñeiro está a ser moi demandada, o que fai que haxa unha oportunidade de mercado moi valiosa para o monte e para a nosa comunidade. Os seus usos son moi variados, para gomas de mascar, perfumes, vernices, entre outros, sendo unha solución de carácter natural ao contrario que o petróleo. Así o expresou José Antonio Rodríguez Puga, cofundador da AREGA, a Asociación de Resineiros de Galicia.

O Espazo Xove de Tui planifica para estes primeiros meses do ano unha xornada de contacontos e un curso de blogues, para os que non hai datas fixadas polo momento. O que si está confirmado é o curso de composición musical, que se desenvolverá 4 xoves, o 18 e 25 de febreiro, e o 3 e 10 de marzo. O prazo de inscrición está aberto até o 15 deste mes.

A Comunidade de Montes de Mougás en Oia está a buscar alternativas para o aproveitamento do monte e facelo así máis rendible, e pensaron levar a cabo plantacións de aguacate e de castaños de froito. Venancio Miniño, presidente da Comunidade de Montes de Mougás explicou que ata agora se estiveron dedicando á venda de madeira, pero a súa falta de rendibilidade fai que dende a Asociación procuraran outras solucións.

Hai uns días Alejandro Da Cuña, autor do libro “Receitas con historia”, fixo entrega ás asociacións de Síndrome de Rett e de Delección Ip36 do cheque coa recadación da venda deste libro que vai xa pola súa terceira edición. Cada asociación recibiu 3.500 euros.

Alejandro Da Cuña explicou na nosa sintonía que ás vendas superaron todas as expectativas, sobre todo durante a campaña de Nadal. Venderon máis de 1000 mil libros.

La Casa Taller na Guarda organiza distintas para este mes tal e coma nos contou Gemma Marqués. Por unha banda continúan cos cursos de Arte teóricos e prácticos. Amais o próximo día 20 terán un Guateque e o 28 un recital de poesía con Marcos de la Fuente, de Vigo, Macky Chuka de Argentina e outros poetas. www.lacasataller.net

Máis de 40 xogadores van participar a próxima semana nas Xornadas Formativas de Balonmán que organiza o Club Balonmán Tui. Diego Pons, presidente do Club, explicou que están xa cubertas as prazas.

No Liceo Casino van celebra mañá o Entroido cunha festa infantil de disfraces a partir das cinco da tarde e cunha cea baile dende ás dez e media da noite. Para a cea é preciso inscribirse na conserxería do Casino. Contounolo a súa presidenta, Eva Iglesias.