Mañá sábado ás 21.30h celébrase o II Encontro de Bandas de Gaitas Cidade de Tui. En princiopio está previsto na Praza de San Fernando, pero se chove realizarase na igrexa de Santo Domingo. Participarán a Banda de Gaites LaKadarma de Asturias, a banda de gaitas Nova Fronteira de Ourense e a Banda de Gaitas San Xoán de Paramos, que organiza o encontro.

Cinco pistas de slot, scalextric, están xa montadas no pavillón do IES San Paio, por parte do club MosSlot que esta fin de semana realiza en Tui, co gallo das festas de San Telmo realiza en Tui a segunda proba do campionato provincial no que se darán cita campións de España e outros afeccionados. Será mañá sábado a partir das 16h co “I Torneo Slot Festas de San Telmo”. Amais o luns celebrarase o Campionato Popular de Slot Festas de San Telmo. Así nolo explicaron hoxe Manuel Mariño, presidente, e Emilio Rodríguez, vocal, de MosSlot.

Mañá sábado remata a VIII Semana de Teatro Afeccionado San Telmo. O grupo de teatro Santiago de Malvas estrea o sábado 20.15 “A verdadeira historia de carapuchiña vermella”. Entrada 1,5€. Elena Mansinho é unha das actrices da obra.

Hoxe venres a partir das 23.30 celébrase no Bar El Pilar de Tui o Campionato de Tute Festas de San Telmo, que este establecemento organiza dende hai 30 anos. Durante algo máis de dúas horas os participantes buscarán as mellores bazas para levarse o premio que serán racións de meixón. A inscrición está aberta ata comezo do campionato

Hoxe ás 21.15h na VIII Semana de Teatro Afeccionado San Telmo no Teatro Municipal de Tui o grupo de teatro Mesturanzas de Areas estrea “Ah...que familia”. As entradas poranse á venda media hora do comezo das función no despacho de billetes ao prezo de 1,5€. Ubaldo Estévez e Esteban Alonso, director e actor do grupo, déronnos conta de todos os detalles.

Esta fin de semana celébrase no pavillón de Goián a 13ª Mostra de Cultivos do Baixo Miño. Xornadas técnicas, presentación das innovacións do sector, 30 expositores, ... e moitas máis actividades conforman o programa previsto do que hoxe nos falaron Sandra González, alcaldesa de Tomiño, e José Cosmed, presidente de Acubam.

Ás 21.15h o grupo de teatro Atalaia do Centro Sociocomunitario de Tui porá en escena “A miña tía e as súas cousas” baixo a dirección de Arsenio Gállego Chacón. Os dez actores da obra levarannos ata a historia dunha tía e a súa sobriña que lembran anualmente a desaparición do marido da tía na Rusia da División Azul. As entradas poranse á venda media hora do comezo das función no despacho de billetes ao prezo de 1,5€. Da mesma faláronnos hoxe Arsenio Gállego e Maximino Fernández.

Hoxe ás 18h o salón de sesións da Casa do Concello de Tui acolle a charla “Pautas para pais, nais e educadores sobre o uso seguro de internet e móbiles” a cargo de Manuel Martínez, do Servizo Fiscal e de Fronteiras da Garda Civil, e especializado neste tema. Esta actividade forma parte das xornadas “Educar para protexer” organizadas polo Concello de Tui e o Colexio Rural Agrupado Mestra Clara Torres. Manuel Martínez avanzou na nosa sintonía algunhas cuestións nas que afondará esta tarde.

Este venres 1 de abril, no recinto do IES San Paio, terá lugar a feira agroalimentaria. Juan Carlos Blanco e Gabriel Martínez, organizadores da cita, contaron que a inauguración será este venres ás 17h, haberá un corte de cinta realizado polo alcalde de Tui, Enrique Cabaleiro con posterior discurso. A feira estará aberta até o luns de San Telmo, en horario de 11h a 20h e a entrada para a mesma custa un euro. A feira contará con 35 postos con venda de alimentos, artesanía e animación.

O luns, 4 de abril, luns de San Telmo celébrase na rúa Loureiro en San Bartolomé a Feira dos Cabalos de San Telmo. Dende primeir ahora da mañá haberá compra e venda de gando, pero tamén a partir das 12.30h exhibicións de doma, por vez primeira "Aires de doma clásica" con cabalos de pura raza galega, pero tamén pases de monta antiga, de doma clásica ou de doma en liberdade, xunto a outras actividades. Contáronnolo Jesús González e Xacobo Pérez Paz.