Día a Día

Este domingo trinta e dous equipos disputarán o Campionato de España de Baloncesto Infantil Feminino. A cita, compartida entre Tui e O Porriño comezará o domingo e rematará o vindeiro 18. Tui albergará partidos este domingo 12, o luns 13 e o martes 14, ás 10.00, 12.00, 16.00 e 18.00 horas. Falamos con Manuel Carrera, concelleiro de Deportes do Porriño, e Julio Bernárdez, técnico do concello da Louriña.

Este domingo ás 11h sairá do Paseo da Corredoira a V Eurocidade 10 organizada polo Club Atletismo Tui-Thermalia e Eurocidade Tui-Valença. Inscribíronse 420 atletas que completarán os 10 quilómetros de percorrido que os levaran ata Valença e de regreso ao Paseo da Corredoira. O presidente do Club Atletismo Tui-Thermalia, Rafael Pérez, explicaba que está todo preparado para este domingo.

Esta fin de semana celebrase a Romaría do comuneiro da Comunidade de Montes de Randufe. Será no Alto do Coello e ten como obxectivo a convivencia entre comuneiros. Ramón Martínez, presidente da Comunidade de Montes de Randufe, daba conta esta mañá da festa.

As instalacións deportivas Álvarez Durán acollerá do 4 ao 8 de xullo o Campus de Fútbol da Fundación Celta de Vigo en colaboración co Concello de Tui e o Tyde F.C. Vai dirixido a rapazas e rapaces de 4 a 16 anos que teñen ata o 1 de xullo para facer a inscrición na web http://www.fundacioncelta.com/. O prezo é de 130€ e de 115 para os xogadores do Tyde F.C. Hoxe o concelleiro de Deportes, Laureano Alonso, o presidente do Tyde F.C., Elias Vieiro, o director da Fundación Celta de Vigo, Germán Arteta e o responsable das escolas do Celta en Galicia, Diego García, presentaron esta actividade deportiva.

Positivo é o balance que fai deste case ano de goberno a voceira do BNG e concelleira de Patrimonio, Carmen Núñez. Recoñecía iso si a situación delicada o concello pola falla de persoal, pese ao que lograron sacar adiante temas que levaban anos pendentes. Sobre o funcionamento do goberno cuadripartito destacaba que teñen en común a idea do que ten que ser Tui.

O teatro como ferramenta terapéutica e de cambio nas nosas actitudes. Esta é a proposta da UNED de Tui co curso de dramaterapia que se impartirá a próxima semana na cidade. Dirixido a profesionais do eido da educación, a saúde ou o traballo social, pero tamén a estudantes, a intérprete Sara Fernández e a pisóloga María Luisa Mondolfi impartirán este curso de 25 horas lectivas.

Balance positivo dos 12 meses transcorrido dende as eleccións municipais é o que realiza o concelleiro de Son de Tui e membro do goberno cuadripartito, Laureano Alonso, a falla de obras pendentes que están a piques de comezar, co que o balance dicía sería moi positivo.

Salientaba que o Concello de Tui é un exemplo de cómo catro grupos políticos poden convivir e xestionar un concello. Lamentaba por outra parte na carencia de persoal que ten agora o concello, o que está a limitar e ralentizar o traballo diario. Fixo tamén balance dos seus departamentos de Deportes, Turismo e Servizos Sociais.

Mañá ás 20:00 da tarde o Conservatorio Profesional de Música de Tui pechará o curso e o celebrará cun concerto no Teatro Municipal no que actuarán 28 nenos en nenas. Falamos con Rubén López, director do Conservatorio, quen tamén quixo facer balance do seu primeiro ano como director do centro.

A Alcaldesa de Tomiño, Sandra González, deu hoxe conta na Radio Municipal de Tui do Seminario “Cidade dos Nenos” celebrado a pasada semana en Granada e no que participou tomiño amais de 10 concellos da provincia e a Deputación de Pontevedra. Falou tamén dos investimentos en saneamento, da nova biblioteca municipal e mais do novo imposto que quere poñer en marcha o Concello.

O proxecto dos orzamentos de 2016 de Salceda foron rexeitados onte en pleno cos votos en contra do PP e do PSOE. O alcalde de Salceda, Marcos Besada, anuncia que en xunta local de goberno aprobarán mañá ás contas, e no pleno ordinario do 27 deste mes volverán levar o expediente de recoñecemento de créditos para realizar o pago a proveedores. O rexedor de Movemento Salceda foi moi crítico coa oposición.