Iván Alonso vén de gañar na modalidade sénior de K1 a Regata do Río Negro na Arxentina despois da súa segunda participación. O padeeiro do Kaiak Tudense recoñeceu que regata é unha das máis esixentes do mundo, dado que son un total de 274 quilómetros a remar en 6 etapas, aos que se lle debe sumar a calor e a soidade de remar en moitos tramos só no río.

Ás oito desta tarde a casa da Cultura de Salceda de Caselas unha charla sobre as medidas que se poden adoptar no caso de ter palmeiras afectadas polo 'picudo vermello'. Correrá a cargo da enxeñeira agrícola Clara Pousa Ortega, quen explicará as medidas que se poden tomar para paliar os efectos da praga. Clara Pousa falou hoxe do Picudo Vermello na RMT

Este xoves dará comezo o primeiro dos cursos deste novo cuadrimestre na aula UNED de Tui. Trátase de “Introdución á Viticultura” a cargo de Jorge Marcote Gil, especialista en viticultura e enoloxía. Celebrarase dende este xoves, 21 de xaneiro ao 25 de febreiro de 2016, os xoves de 18:00 a 20:00h, e as sesións prácticas os sábados de 10 a 14h. O prezo do curso é 40€.

Jorge Marcote explicou que este curso vai dirixido a un público moi amplo e que teña inquedanzas no mundo da vide, incluso teñan experiencia ou non, xa que sempre se pode mellorar a calidade da uva cunhas boas prácticas.

O Espazo Xove de Tui, na rúa Sanz, é punto de información de interese para a mocidade con convocatorias de bolsas, certames, actividades... A súa directora Mónica Bugarín deunos conta hoxe do concurso para elixir o cartel do Certame Xuventude Crea, e tamén de axudas para estudantes universitarios. Esta información pode ampliase no seu teléfono 886 110 797 ou no seu Facebook.

A Eurocidade Tui-Valença presentarase mañá ás 18h no posto de Turgalicia en Fitur, a Feira Internacional de Turismo que esta semana se celebra en Madrid.

Esta é a primeira da citas co Turismo que ten a Eurocidade neste 2016, á que se sumará o feito de contar con posto de exhibición propio no mes de marzo na BTL de Lisboa

O Mago Berto actúa ás once e media desta noite no White Clover de Tui. O seu é un espectáculo con maxia e humor no que non falta a interacción co público. A entrada é gratuíta. O Mago Berto leva máis de nove anos actuando por toda Galicia e compartindo escenario con grandes artistas como Moncho Borrajo, Carlos Blanco ou Javier Veiga.

O hotel A Torre do Xudeu en Tui é o segundo hotel mellor valorado en Galicia, en relación as opinións dos clientes que usan a aplicación Trivago. Na provincia de Pontevedra, é o que recibe mellores valoracións, cunha puntuación de 92,64 décimas, e a tan só catro do establecemento Alén do Mar, en Fisterra, que encabeza el ránking de toda Galicia.

A xerente do hotel tudense, Ana Isabel Mariño, explicou que abriron este establecemento na cidade sen experiencia previa no sector, hai pouco máis de dous anos. Ana Isabel Mariño expresou o orgullo e satisfacción ao recibir este premio.

O arqueólogo Gustavo Pascual Hermida descubriu nas serras da Groba e Argallo os restos da primeira canle romana que abastecía de auga as minas de ouro do Baixo Miño. Gustavo Pascual incidiu que a zona do Baixo Miño é rica en mineiría e ouro e que grazas a este feito houbo un tráfico comercial moi activo, demostrado nos restos de varios barcos de tipo Mediterráneo na zona de Oia.

Catorce cursos son os que oferta a Aula da UNED de Tui para este primeiro cuadrimestre do ano. Para todas eles está xa aberto o prazo de inscrición na web www.unedpontevedra, na propia Aula no antigo convento de Santo Domingo ou no teléfono 986 60 51 50 polas tardes de 16:00h a 22:00h. Dos mesmos deunos conta a coordinadora da Aula da UNED de Tui, Margarita Pino quen sinalou os bos datos de participación que rexistran as actividades desta aula.

Salceda de Caselas ve máis cerca a construción dun novo centro de saúde para a vila, dado que a Xunta de Galicia desbloqueou o proceso de licitación para construír un novo centro sanitario na parcela cedida polo concello no ano 2011. Marcos Besada, alcalde de Salceda, deu conta ante os nosos micrófonos da reunión que mantivo co conselleiro de Sanidade, Jesús Vázquez Almuíña, onde acordaron dar os primeiros pasos neste ano 2016 para a asunción da parcela por parte da Xunta e tamén da redacción do proceso definitivo.