Día a Día

Mañá ás 18h a Sala Félix Rodríguez da Área Panorámica acollerá a charla “Educación sexual e a educación en igualdade” a cargo de Encarnación Sueiro Domínguez, doutora en psicoloxía e licenciada en pedagoxía, e psicóloga clínica do Centro de Orientación Familiar “Nóvoa Santos” do SERGAS

Dende o Consorcio de Augas do Louro informan de que continúan co axuste das redutoras de presión instaladas fai varias semanas. O Xefe de Servizo do Consorcio, Ramiro Gutiérrez pediu aos veciños que se poidan ver afectos que se poñan en contacto co servizo de asistencia a través do teléfono 900 810 103.

Tras as pintadas que apareceron o domingo á tarde na porta da Catedral de Tui onte técnicos en restauración fixeron un primeiro análise dos danos, e parece que non será tan complicado a limpeza da porta. Así o explicaba o dean da Catedral, José Dieguez Diepa.

O grupo tomiñés Can de Palleiro que vén de presentar o seu primeiro disco de estudo. Así, co obxectivo de actualizar o son da música tradicional galega e divulgala dende unha nova perspectiva naceu Agharra a pata, conta con temas propios do grupo amais de cancións tradicionais que foron adaptadas aos novos tempos. Unha música feita para divertirse, en palabras dos membros do grupo.

O voceiro do PP na corporación municipal de Tui, Antonio Fernández Rocha, fixo balance do ano transcorrido dende as eleccións municipais e sinalaba que ata o de agora non ve froitos deste case ano de xestión do novo goberno.

Sobre a modificación de créditos para a apertura da rúa Ourense, que se leva este xoves a pleno co proxecto que él fixera en 2011 actualizado, avanzaba que no futuro tentaran que se fagan melloras e o voto a favor do seu grupo.

En canto ao traballo do seu grupo dicía que teñen que acostumarse a ser oposición e hai que ser oposición leal e pensando en Tui. Falou tamén das que consideran son prioridades para Tui e da situación do partido en Tui.

Acitui organiza este sábado a I Festa do Peregrino na que se venderán productos de artesanía e gastronomía local, amais de contar con actividades para os máis pequenos e a actuación do grupo de gaitas do Conservatorio de Tui. Comezará as 12 da mañá no parque a carón da Ponte Tripes en Tui.

O cineasta tudense Alberto Estevez Piña é, xunto con Rogelio Amigo, o director homenaxeado polo Festival Internacional de Cine de Vigo que se celebrará dende este xoves e até o domingo 29 de maio. Estevez Piña recibe así o recoñecemento polas súas obras documentais “Romería da morte”, unha reportaxe sobre a Romería de Santa Marta de Ribarteme, no Concello das Neves, e “Después del silencio”, documental sobre as eleccións lexislativas de 1977. O cineasta quixo agradecer esta mañá o recoñecemento.

Este sábado celébrase, tras ter que adiarse en dúas ocasións pola choiva, a I festa da árbore organizada polas Comunidades de Montes de Randufe, Areas, Malvas e Pexegueiro.

A cita será ao longo de todo o día na área recreativa de Chans en Randufe. Ramón Martínez Ramos, Susi Pérez déronos conta hoxe do previsto. Tamén falamos con Santi Rodríguez, novo adestrador do Randufe Futsal da xornada de portas abertas que realizan dende mañá martes no pavillón de Randufe.

A igrexa de San Domingos de Tui acollerá mañá martes ás oito da tarde un concerto organizado polo conservatorio de Tui. Na actuación interpretaranse pezas musicais de carácter barroco por parte do Conservatorio de Tui e mais da Escola da Música. Un concerto que Rubén López anunciou como punto de partida para a instauración dunha orquestra no municipio.

O alcalde de Tui, Enrique Cabaleiro, fixo balance esta mañá da xestión municipal do seu Goberno cando cúmprese un ano das eleccións municipais. O alcalde, quen quixo agradecer a labor do persoal do concello, anunciou a posta en marcha dos proxectos no que se estivo traballando durante este ano, entre os que salienta o remate da obra da rúa Ourense.