Co gallo de despedir o ano 2015 e darlle benvida ó 2016, hoxe pasaron polos nosos micrófonos os voceiros da corporación municipal tudense. Esta foi a mensaxe de Nadal para os oíntes da Radio Municipal de Tui de Manuel González Vázquez, voceiro de Ciudadanos Tudenses.

A concelleira de Cultura, María José González, quixo convidar a todos aqueles que teñen dúbidas de se asistir ou non ao Concerto de Nadal de hoxe que o fagan, xa que vai sorprender a combinación da Banda de Música Popular de Tui coas voces do coro de Mistura Vocal e os bailaríns da Escola de Paula Cobián, xunto coa montaxe técnica.

As entradas para este evento musical están xa á venda, ao prezo de 3,5€ e 2,5€, en www.culturatui.info ata hoxe ás 13h. Poderán mercarse tamén esta tarde dende as 19.30h no despacho de billetes.

O Coro Mistura Vocal, xunto coa Banda de Música Popular de Tui e bailaríns da Escola de Danza de Paula Cobián, actuarán ás 21h no Teatro Municipal de Tui no Concerto de Fin de Ano.

O Coro Mistura Vocal, dirixido por Aloia Martínez, naceu en outubro de 2014 ofrecendo o seu primeiro concerto hai agora un ano. Neste tempo tense consolidado coma un coro independente no que os seus integrantes inician unha nova etapa con enerxías renovadas e ambicións de futuro. Durante dúas das pezas que interpretará o Coro Mistura Vocal actuarán bailaríns da Escola de Danza Paula Cobián. Aloia Martínez declarou na nosa sintonía que interpretarán obras principalmente do século XX e XXI a capela, tentando sempre conectar co público.

Hoxe ás nove da noite celébrase no Teatro Municipal de Tui o Concerto de Fin de Ano, Correrá a cargo da Banda de Música Popular de Tui e o Coro Mistura Vocal.

A Banda de Música Popular de Tui afunde as súas raíces a finais do século XIX. Mantén unha actividade estable e continuada dende os anos 80 tendo na Escola de Música e no Conservatorio Profesional de Música de Tui o berce de moitos dos seus músicos. Dirixe esta agrupación Adolfo Besada e precisamente o seu director explicou na RMT cal vai ser o repertorio para esta noite

Este xoves 31 de decembro, celébrase no Rosal a II Carreira Popular San Silvestre, composta por unha carreira de cinco km, e unha andaina dun km, e na que hai máis de 300 persoas inscritas.

María del Carmen Alonso Alonso, concelleira de Animación Sociocultural do Rosal, deu conta das dúas citas deportivas que sairán dende a Praza do Calvario, a carreira ás 11h e a andaina ás 11.30h. Os corredores rematarán na Praza de Fornelo.

O alcalde de Tui, Enrique Cabaleiro, felicitou hoxe as festas na Radio Municipal de Tui.

Marcos Besada, alcalde de Salceda, deixounos hoxe a súa felicitación de Nadal.

O alcalde do Rosal, Jesús Mª Fernández Portela, deixou hoxe na RMT a súa felicitación de Nadal.

A alcaldesa de Oia, Cristina Correa, felicitou hoxe as festas na nosa sintonía.

A alcaldesa de Tomiño, Sandra González, felicitou hoxe as festas na Radio Municipal de Tui.