Día a Día

Hoxe falamos tamén con Jacobo Santana, gañador da edición de 2015 da Big Ride, quen loitará por estar o máis arriba na clasificación na proba da Eurocidade, logo do sexto posto logrado na primeira proba do Open celebrado en Ojén. Desta competición destacou o lugar por onde transcorren os tramos que cualificou de espectaculares para a práctica da bicicleta.

Máis de 200 corredores daranse cita esta fin de semana na Eurocidade Tui-Valença, no Big Ride, Open de España de Enduro, que se disputará con catro tramos no Monte Aloia e no Monte Faro. Figuras destacadas a nivel nacional e internacional competirán pola vitoria. O paddock e a meta estarán situados na Macoca, no Aloia. Guti Martin, de Sherpa Project organizadores do evento, deunos conta de todos os detalles.

Falamos con Elena Baz, concelleira de Cultura do concello da Guarda, quen nos explica en qué consistirán as actividades que se celebrarán co gallo do día das Letras Galegas.

Javier Bascoy, director da Agrupación Musical do Rosal, explica os actos que terán lugar no concello co gallo das Letras Galegas que este ano adícanse ao poeta Manuel María.

A praza do Seixo de Tomiño acolle mañá unha Feira do Libro para celebrar o Día das Letras Galegas. Amais ao longo do día haberá distintos obradoiros e actuacións musicais. Do programa deunos conta Cristina Martínez, concelleira de Cultura de Tomiño

Pedro Tapias é un dos cen pilotos que participa no II Rallie da Eurocidade. Farao cun Mitsubishi buscando estar o máis arriba posible na clasificación. Hoxe contounos que ten todo preparado e falounos tamén do percorrido desta proba. O seu obxectivo é rematar o rallie e facelo entre os vinte primeiros.

300 deportistas danse cita este domingo no III Desafío Terras de Turonio de BTT organizado pola firma Team Relay en colaboración co Concello de Tomiño.

A Praza do Seixo será o punto de saída e meta, desde o cal os ciclistas deberán afrontar un trazado de 110 quilómetros. Javier Sánchez forma parte da organización deste evento deportivo.

O Paseo da Corredoira acollerá o próximo martes, 17 de maio, Día das Letra Galegas a XIX Feira do Libro Galego. Ás tres librarías tudenses, Iris, Espazo Lector Nobel e Valverde, montarán 22 postos de libros en galego cun 10% de desconto. A inauguración será ás 12h e dende entón haberá un amplo programa de actividades que hoxe detallaba a concelleira de Ensino e Cultura, María José González.

O director guardés Xurxo González ven de ser galardoado pola súa curtametraxe Jeanett. A obra, levada a cabo en colaboración cos alumnos do IES da Sangriña, da Guarda, acaba de gañar o premio á mellor curta no Festival Internacional de Cine Independiente de Cosquín, na localidade arxentina de Córdoba. Hoxe falamos con Xurxo González.

Hoxe pecha o prazo de inscrición para a XIII Andaina Solidaria Tudense que se vai celebrar este sábado. Lembramos que fará un percorrido aproximado de 26 quilómetros. Sairá ás 10.30h dende o Centro Interfederado para subir por Frinxo ata o cumio do Parque Natural do Monte Aloia, onde está previsto o xantar. Pola tarde retomarán a camiñada, pasando polo Alto do Coello, para regresar ao punto de partida onde haberá carreira de aros e chouriza. José Martínez Tato, membro da organización explicaba que teñen xa 150 inscritos, pero agardan moitos máis. Os interesados teñen ata ás doce da noite para anotarse.