Día a Día

Este venres comeza na Aula da UNED de Tui o curso “Máximo desenvolvemento en intelixencia emocional e liderado” impartida polo tudense Manuel Conde, editor, coach e adestrador de Fútbol, con el falamos esta mañá en Día a Día.

As clases serán os venres de 17 a 20h ata o 3 de xuño cun total de 15 horas lectivas. O prezo da matrícula é de 38 euros e inclúe o libro "Las recetas emocionales de mi hermana" de Manuel Conde.

O Auditorio de Goián acolle mañá sábado ás 20h o I Festival de Vontade coa actuación de The Charrans, Xerock, Playback, grupo de Zumba e Baile Moderno a cargo de Espazo en Forma, Mónologo, Sorteo. A entrada custa 3€ para financiar a viaxe de fin de curso dos usuarios de Vontade. Do mesmo falounos Fina Pereira, monitora ocupacional de Vontade.

O deste domingo será o último pase do Restaurante Silabario - Estrella Michelín - en Tui. O seu chef Alberto González afronta un novo proxecto na Coruña onde ampliará nun novo restaurante o número de comensais e apostará por facer unha oferta para todo tipo de público baixando tamén os prezos pero mantendo a aposta por unha cociña comprometida. En Tui chegan cambios coa segunda marca do Silabario, La Pizarra, que acomenterán nos próximos meses porque a marca "Silabario" será estando presente na cidade. Así o explicaba o propio Alberto González.

Mañá sábado ás 11.15h estréase na nosa sintonía un novo programa de radio "Receitas con historia". Será conducido por Alejandro Dacuña, autor do libro solidario "Receitas con historia". Neste tempo de radio buscará recompilar novas receitas para un segundo libro tamén con fins benéficos.

Gastronomía e tradicións danse cita esta fin de semana en Valença cos Sabores de Aldeia e as maias. Así nolo contou o vereador de Cultura, José Monte. Explicou que toda a Fortaleza será decorada con maias, e elaboraron a maior maia de Portugal. Amais as 16 freguesías valencianas presentan os seus mellores pratos en Sabores de Aldeia. Non faltará a animación musical.

Pilar Blázquez Ballesteros do Centro de Terapia Ocupacional Pediátrica “Os Bambáns” impartirá ás seis desta tarde na Sala Félix Rodríguez a charla “Como desenvolver a autonomía e os hábitos de estudo”. Esta mañá fixo un pequeno adianto na nosa sintonía.

Esta actividade forma parte das xornadas “Educar para protexer” organizadas polo Concello de Tui e o Colexio Rural Agrupado Mestra Clara Torres.

Este sábado, 30 de abril, celébrase a II Xuntanza Benéfica Virxe do Camiño en Rebordáns organizada pola Comisión de Festas coa colaboración do motoclub Os de Sempre, o Banco de Tapóns do Baixo Miño e SOS Tomiño-Baixo Miño. Julio Araujo Alfaya, responsable da organización, e José Quinteiro, presidente de SOS Tomiño-Baixo Miño, déronnos todos os detalles desta actividade na que haberá rutas en motas, xogos, concertos, gastronomía, e tamén recollida de tapóns, alimentos e roupa.

A situación actual do Teatro Principal, foi hoxe abordada na nosa sintonía polo presidente da súa Fundación, José Antonio Quiroga.

Play-Doc bateu record de público na edición deste ano con 8.232 espectadores, son 700 máis que en 2015. Esta é a mellor cifra de público da súa historia. A este público hai que sumar os espectadores que están a descubrir Play-Doc no resto da xeografía española a través da xira do ciclo de Charles Burnett. Ángel Sánchez, director do festival xunto a Sara García, amosaba a súa satisfacción por estas cifras pero tamén pola repercusión lograda nesta edición.

Este domingo, 1 de maio, sae dende as Portas do Sol, na Fortaleza de Valença o Trilho da Fortaleza que forma parte do Circuíto de Andainas Saudables da Eurocidade. Terá unha distancia de 6 quilómetros e dificultade baixa. Marina Carvalho, de Celtas do Minho, deunos conta das características desta andaina.

A inscricións - que inclúe degustación gastronómica- pódese facer en [email protected], ou no móbiles 00351.934.440.770 e 607.785.601. O prezo é de 5€ por persoa e 3€ para menores de 12 anos.