Laureano Alonso, concelleiro de Turismo e Deporte do concello de Tui, deu conta hoxe na Rado Municipal de Tui de diversos temas, como a volta do tren turístico que conecta á Eurocidade Tui-Valença para estas datas, os datos de visitantes e turistas que pasaron pola Oficina de Tui no mes de novembro, ou de citas de Nadal coma o Mercado de Nadal deste domingo.

Fortaleza de Chocolate, Duendelandia, Compras con Premios, Tren de Nadal e Festa dos Reis marcan a oferta de Nadal e de Reis de Valença, que se prolongará até o 9 de xaneiro, e que forma parte da Axenda de Nadal presentada en conxunto con Tui. O vereador de Cultura de Valença, José Monte, explicou na RMT que con esta oferta pretenden congregar a moitos visitantes e turistas, implicando á Eurocidade Tui- Valença, ó comercio ou á Fortaleza.

O Mercado de Tomiño prepara actividades de Nadal e é o único de toda a provincia de Pontevedra que ten ocupados todos os seus postos na parte baixa da praza. Así o explicou hoxe a alcaldesa de Tomiño, Sandra González, quen se referiu tamén á licitación de seis postos no primeiro andar que está aberto ata o 15 deste mes.

Hoxe visitou a nosa sintonía o voceiro de Converxencia 21, Carlos Vázquez Padín, dentro da nova rolda de conversas cos partidos políticos que vimos de empezar. Carlos Vázquez Padín manifestou que o grupo de goberno reuniuse co seu partido e co resto dos grupos da oposición para presentarlle as liñas mestras ás que van ir dirixidos os orzamentos para o vindeiro exercicio.

Un ataque informático, por un cryptovirus, mantén dende onte practicamente paralizados distintos departamentos do Concello de Tui. A concelleira Yolanda Rodríguez, explicou en declaracións á Radio Municipal de Tui que onte ao mediodía detectouse o problema nun ordenador e se activou o protocolo de seguridade para estes casos. Técnicos municipai, aos que se sumarán técnicos de Novas Tecnoloxías de Deputación, traballan dende onte para solucionar o problema. Hoxe non funciona nin o rexistro de entrada nin o de saída no Concello. Esta mañá presentarase denuncia por este ataque ante a Unidade de Delictos Informáticos da Garda Civil.

Diego Alfonsín, é un escritor tudense licenciado en Filoloxía Galega e Xornalismo. Dende o ano 2008 estivo vivindo en Alemaña, onde traballou coma lector. No ano 2014 gañou o premio Max Aub de contos e este ano vén de gañar o premio de novela curta Miguel de Unamuno coa súa novela, Lenta Demolición.

#DíaaDía | Hoxe, 1 de decembro, celébrase o Día Mundial da #SIDA. Dende Érguete Baixo Miño, este ano, coincidindo coa celebración deste día, elaboraron unha Campaña co lema “Sen estigmas" para incrementar os coñecementos fronte a infección do VIH e outras ETS sempre promovendo a igualdade de trato e a non discriminación. Así nolo explicou Natalia González, técnica de Érguete Baixo Miño.

A Fundación Provincial Banco de Alimentos de Vigo comunica que na Gran Recollida Solidaria de alimentos en supermercados da provincia de Pontevedra, recolleron preto de 275.000 quilos de comida. Así nolo confirmou durante o Día a Día o coordinador da campaña do Banco de Alimentos de Vigo, Iván Martínez

A xustiza dálle a razón á Comunidade de Montes de Areas sobre a titularidade dunha parte do viveiro forestal de Areas. O presidente da Comunidade de Montes, Manuel Pereira, explica que o Concello de Tui, en 1919, cedeu ao Estado unha porción de Monte Veciñal e Mancomún para a construción dun viveiro forestal. Unha parte deste viveiro xa se lle foi devolta en 1981 e agora fíxoselles entrega da outra parte do viveiro e dos terreos arredores, cun total de 12 hectáreas.

Repasamos con Mónica Bugarín as actividades e cursos que chegan ó Espazo Xove.

Aínda quedan prazas para inscribirse no obradoiro de artesanía Transferencia de Imaxes, que consiste en ornamentar unha caixa de madeira, pasando unha imaxe a este obxecto. Este taller terá lugar o vindeiro venres 11 de decembro, de 17.30h a 20.30h no Espazo Xove.