လုပ်ငန်းခွင်ဝင်နေရတဲ့သူတွေ ၊နေ့တစ်ဓူဝလှုပ်ရှားသွားလာနေရတဲ့သူတွေအတွက် စိတ်ထွက်ပေါက်တစ်ခုဆိုတာ လိုအပ်ပါတယ်။စိတ်ထွက်ပေါက်မရှိတဲ့အခါ အချိန်ကြာလာတာနဲ့အမျှ လုပ်ကိုင်ရတာပျော်ရွှင်မှုမရှိတော့ပဲ စိတ်ဖိဆီးတာ ၊ စိတ်ပင်ပန်းတာတွေ ဖြစ်လာနိုင်ပါတယ်။ဒါပေမယ့် လိုအပ်တာထက် ပိုပြီး အချိန်တွေကုန်လွန်စေတာဟာလည်း ကိုယ့်ရဲ့နေ့စဉ်ဆောင်ရွက် ချက်တွေကို ထိခိုက်ပျက်ယွင်းစေပါတယ်။ကိုယ့်ဟာကိုယ် သတ်မှတ်ထားတဲ့ အချိန်ပမာဏထက် ပိုလွန်ပြီး အချိန်တွေ ကုန်ဆုံးစေတာ ၊အကျိုးမရှိစေတဲ့ နေရာတွေကိုအချိန်တွေ ပေးမိတာက ကိုယ်တစ်ဖက်မှာလုပ်ကိုင်စရာရှိတာတွေ နှောင့်နှေးကြန့်ကြာစေတာကို လည်းသတိပြုမိဖို့လိုအပ်ပါလိမ့်မယ်။                                                                                                                            တစ်ခါတစ်ရံမှာ ကျွန်တော်တို့ဟာ အာရုံတွေထဲ နစ်ဝင်နေတဲ့အခါမှာကိုယ့်ကိုကိုယ် သတိပြုမိဖို့ မေ့လျော့သွားတတ်ကြပါတယ်။ ဒီနေရာမှာ ကိုယ်ဟာဘယ်လိုအနေအထားနဲ့ သွားလာနေတယ် ၊ ဘာတွေဖြစ်နေတယ်ဆိုတာကို သတိပြုမိကြမှာမဟုတ်ပါဘူး။ကိုယ့်ရဲ့အလုပ်ခွင်ပတ်ဝန်းကျင် ၊ မိသားစု ၊ သူငယ်ချင်းတွေဟာ ကိုယ့်ကို မြင်ရတဲ့အခါသူတို့က ကိုယ်သတိမပြုမိတဲ့ ဟာကွက်တွေ ၊ အားနည်းချက်တွေ ၊ လိုအပ်ချက်တွေကို သတိပြုမိတတ်ကြပါလိမ့်မယ်။သူတို့ အကြံပေးလာတဲ့ အကြံပေးမှုတွေကို နားထောင်ပြီးကိုယ့်ဘာသာပြန်လည်သုံးသပ်ကြည့်ဖို့ဟာလည်း အင်မတန်ကို အရေးကြီးပါတယ်။အဲ့လိုမှမဟုတ်ပဲ ကိုယ်ဟာ နားမထောင်ပဲ လစ်လျူရှု့ပြီး လုပ်ချင်ရာလုပ်မယ်ဆိုရင်တော့အချိန်ကြာလာတာနဲ့အမျှ ကိုယ်လည်း ပင်ပန်းသလို ဟာကွက်တွေ ၊ အားနည်းချက် တွေများစွာကျန်ရစ်လာပါလိမ့်မယ်။

ကျွန်တော်တို့ရဲ့ အချို့သော ဖြစ်တည်မှုတွေကကိုယ်ပြောင်းလဲလို့ မရနိုင်တာတွေရှိတယ်။ မိဘရဲ့ ဂျင်း မှာကိုကအရပ်မမြင့်တဲ့အခါ  ကိုယ်လိုချင်သလောက်အရပ်မရှည်တာကိုလည်း ကျေနပ်ရတယ်။ မျိုးရိုးမှာကိုက အသားမဖြူကြတဲ့အခါ ခပ်ညိုညိုအသားရည် ကို လှတဲ့မျက်စိနဲ့ကြည့်ရတယ်။ ပြောင်းလဲလို့ရတာကို ပြောင်းလဲပြီးပြောင်းလဲလို့ မရတာကို အပြည့်ဝလက်ခံရတယ်။ ကိုယ် ပိုင်ဆိုင် တဲ့ ကိုယ့်အရာရာကိုကျေနပ်လက်ခံပြီး နှစ်သက်နိုင်မှသာ စိတ်ချမ်းသာရမယ်။                                                                      တခါတလေ ကြီးမားတဲ့ ဆုံးရှုံးမှုတွေလည်း ကြုံရနိုင်တယ်။ ကြိုးစားခဲ့သလောက်အရာမထင်တာတွေလည်း ရှိလာမှာပဲ။ ဆုံးရှုံးသွား တဲ့ အရာဆီကန သင်ခန်းစာယူပြီးထပ်ကြိုးစားလို့ရတဲ့ အခွင့်ရေးတွေ ရှာတွေ့လာတယ် ။ ဘယ်အရာဖြစ်ဖြစ် ကျေနပ်လက်ခံ လိုက် ရင် အခြားလမ်းတစ်ခုကရှာတွေတာပါပဲ ။ ဒါကြောင့် ပိုကောင်းဖို့ ဖြစ်လာတာပါဆိုတဲ့ စိတ်နဲ့ လက်ခံဖို့သာ ကြိုးစားပါ ။

ပျော်စရာတွေကို ဘယ်အချိန်ရှာတွေ့သလိုဆို ဖြစ်သမျှအကောင်းဆိုး ၊ အကြောင်းကျိုး အလုံစုံ နှင့် ကိုယ့်ဘဝရဲ့ တည်ရှိမှု မှန်သမျှ ကိုကျေနပ်လက်ခံနိုင်တယ်ဆိုတဲ့ စိတ်ကလေး ထားတတ်လာတဲ့ အချိန်မှာ ရှာတွေ့တယ်။ကျေနပ်လက်ခံတယ်ဆိုတာ ကိုယ်ဟာ ဘယ်နေရာ ၊ ဘယ်အဆင့်မှာ ဘယ်လိုလူဖြစ်နေနေကျေနပ်တာမျိုးပါ ။ လူတွေကြား ဘောင်ဝင်ဖို့ အတင်းမကြိုးစားဘူး ၊မတတ်နိုင် တာကိုမလိုချင်ဘူး မရနိုင်တာကို မမျှော်လင့်ဘူး။ မဖြစ်နိုင်တာကို အတင်းကြပ်မလုပ်ဘူး။မနေချင်သူကို ဆွဲမထားဘူး  ဆိုတဲ့ကျေနပ်တတ်မှုလေးပါ။ ကျေနပ်တယ်ဆိုတိုင်းလိုအင်ဆန္ဒမရှိတာ … နုံအတာမျိုး မဟုတ်ပဲ အခုဖြစ်နေတဲ့အခြေနေကို လက်ခံတယ် ၊အမြဲကြိုးစားနေပြီး အနာဂတ်မှာ အကောင်းဆုံးဖြစ်လာမယ်လို့ ယုံကြည်ချက်ထားခြင်းဖြစ်တယ် ။ အရာရာကို အလိုက်သင့်လေးသာ လက်ခံပြီး အတ္တတွေကို လျော့ပြီး နေထိုင်တဲ့အခါဘဝက အထိခိုက်နည်း​လာစေတယ်။ ပြန်မချစ်နိုင်တာတွေကိုလည်း လက်ခံလိုက်တယ်၊ကိုယ့်ကြောင့်မို့ လုပ်ရက်ကျသူတွေကိုလည်း ခွင့်လွှတ်လိုက်တယ် ။ အရာရာတိုင်းကိုလိုချင်လို့ မရဘူး ၊ ကောင်းတာတွေချည်း ဖြစ်ချင်နေလို့ မရဘူးဆိုတဲ့ အသိကို ရတဲ့အခါဘဝဟာ နေသာထိုင်သာရှိလာတယ် ။ ဒါက ငါ့ဘဝပဲ ငါပါပဲ ငါ့နေရာပါပဲ လို့ ကျေကျေနပ်နပ် လက်ခံလိုက်တဲ့အခါ လွတ်ငြိမ်းမှုကိုရှာတွေ့တယ် ။ ဒီလွတ်ငြိမ်းမှုပဲ ကိုယ်နဲ့တန်တဲ့အရာတွေ ၊ ကိုယ့်စိတ်နဲ့အံဝင်ခွင်ကျဖြစ်တဲ့ အရာတွေ ၊ သက်တောင့်သက်သာရှိစေတဲ့ ဆက်ဆံရေးတွေကို ရှာတွေ့စေတယ်။

မျှော်လင့်ချက်ဆိုတဲ့နေရာမှာ ကောင်းသောမျှော်လင့်ချက် နှင့် မကောင်းသော မျှော်လင့်ချက်ဆိုပြီး ရှိပါတယ်။ ကောင်းသောမျှော်လင့်ချက်ဆိုတာ မိမိအပေါ်ထားသော မျှော်လင့်ချက်ကို ခေါ်ပါတယ်။ တစ်နေ့မှာကိုယ့်အိပ်မက်တွေဆီရောက်ရမယ် ၊ ငါဟာ တစ်နေ့မှာ ဘယ်လိုလူဖြစ်နေရမယ် ဆိုတဲ့မျှော်မှန်းချက်မျိုးပေါ့။ ဒီအရာဟာ ကိုယ့်ကိုကိုယ် အရှုံးမပေးအောင် အားသစ်တွေ ပေး ပါတယ် ၊ ဒါဟာကောင်းသော မျှော်လင့်ချက်ပဲ။                                                                                                         မကောင်းတဲ့ မျှော်လင့်ချက်ကတော့ တစ်ဖက်လူအပေါ်ထားတဲ့မျှော်လင့်ချက်တွေပေါ့။ တစ်ပါးသူအပေါ် မျှော်လင့်ချက်ထားတဲ့ အခါကိုယ့်ယုံကြည်မှုတွေပါထည့်ပေးရတယ်။ လူတစ်ယောက်ကို ချစ်ခင်မိတာနဲ့ ဒီလူဟာကိုယ့်အပေါ် အမြဲကောင်းလိမ့်မယ်လို့ မျှော်လင့်ကြတယ် ။ ရုတ်တရက် ပြောင်းလဲသွားရင်နာကျင်ခံစားရရော။ ဒါဟာ မျှော်လင့်ချက်ထားခဲ့မိတဲ့ကိုယ့်စိတ်ကြောင့် ဖြစ် တာပဲ ။ ဒါ့ကြောင့် ချစ်ခင်သူတွေအပေါ်မျှော်လင့်ချက်မထားခြင်းဟာ ပိုကောင်းပါလိမ့်မယ်။

ဘဝမှာ လူအမျိုးမျိုးနဲ့တွေ့ကြုံရမှာပဲ ။ ခဏတာအလည်လာတဲ့သူတွေ ၊ ကိုယ့်ဘဝထဲ မုန်းတိုင်းတွေ သယ်ဆောင်ခဲ့သူ ၊ ပန်းတွေ ပွင့်စေသူ ၊ဒဏ်ရာတွေပေးတဲ့သူ ပုံစံအမျိုးမျိုးနဲ့လူတွေက အချိန်နဲ့အမျှ ဝင်လိုက်ထွက်လိုက်လုပ်နေမှာပဲ ။ ဘဝရဲ့ လမ်းဆုံ ၊ လမ်းခွ ဘယ်နေရာမှာမဆို တွေ့ဆုံကြရပြီး ၊ ဘဝရဲ့အနိမ့်မြင့် တွေတိုင်းမှာ ခွဲခွါကြရမယ်။ ဒါဟာ ဘဝပဲ။                        

 လူတွေအမျိုးမျိုးနဲ့တွေ့ဆုံရနိုင်ပေမဲ့ ဘဝရဲ့ အဆိုးဆုံးအချိန်တွေမှာတောင် ပစ်မထားခဲ့နိုင်သူတွေကတော့တန်ဖိုးအထားသင့်ဆုံး လူစားတွေပဲဖြစ်တယ်။ ဘာပိုင်ဆိုင်မှုမှမရှိတဲ့အခါ၊ဆင်းရဲနုံချာတဲ့အခါ ဘေးမှာ အေးအတူပူအမျှရှိနေသူဟာ ကိုယ့်အတွက် စစ်မှန် တဲ့သူပါ ။နားမကျန်းဖြစ်တဲ့အခါ ၊ ကျရှုံးမှုတွေကြုံတဲ့အခါ ပစ်ပယ်မထားပဲ အနားမှာနေပေးတာဟာစစ်မှန်တဲ့ ချစ်ခြင်းမေတ္တာပါ။                

သာမန် ပုထုဇဥ်တွေအနေနဲ့ လောကမှာ ဘယ်သူတွေကမှန်တယ်၊ဘယ်သူတွေကတောဖြင့် မမှန်ဘူး။ ဟိုလူကတော့ စိတ်ကောင်း တယ်၊ ဒီလူကတော့စိတ်ထားမပြည့်ဘူး၊ ဒီလူအုပ်ကြီးကတော့ ဒီလမ်းကိုသွားနေကြတယ်၊ ဟိုလူအုပ်ကြီးကတော့ဒါမျိုးတွေလုပ် နေကြတယ် ဆိုပြီး မိမိတို့ရဲ့ခေါင်းထဲမှာ မှတ်ချက်တွေ၊ အမြင်တွေ၊အတွေးတွေ တစ်ပုံတစ်ခေါင်းကြီးနဲ့ရှုမြင်ပြီး နေ့စဥ်ဘ၀ကို ရွက် လွှင့်နေကြတယ်။ဒီရဲ့နောက်ကွယ်မှာ သိနိုင်တဲ့အတိအကျအဖြေဆိုလို့ အတိအကျ ဘာမှမသိတာပဲဖြစ်နေတယ်။အတွေး အမြင် တွေ မှတ်ချက်တွေပေးရတာလွယ်တယ်။ အပြင်ကို project-ထုတ်လွတ်လိုက်တဲ့အခါ စိတ်ကျေနပ်မှုပေးစေတယ်၊ ခေတ္တခဏက လွဲလို့ပေါ့…။ပြီးရင်ဒီအရှုပ်ထုတ်တွေ၊ အမှိုက်တွေနဲ့ သံသရာလည်နေတတ်ကြပါတယ်။                                                             

 လူတွေကအမှားအမှန်တွေကိုသာရှာလေ့ရှိပြီး စစ်မှန်မှု (အမှန်တရား)ကိုရှာဖွေဖို့မေ့နေတတ်ကြတယ်။ စစ်မှန်မှု (သို့) အမှန်တရား ဆိုတာဟာ ဘာကိုဆိုလိုတာလဲ?စစ်မှန်မှုဆိုတာ မပြောခင် စစ်မှန်မှုကို သီအိုရီရှု့ထောင့်များစွာနဲ့ချဥ်းကပ်ပြီးပြောကြလေ့ရှိတယ်။ သက်ဆိုင်ရာ သီအိုရီရဲ့ ဘာသာစကားအရ ဒါဟာအမှန်၊ ဒါဟာမမှန်ဘူးဆိုပြီး မှတ်ချက်ပြုဆုံးဖြတ်ကြပါတယ်။

ဒီကမ္ဘာပေါ်မှာ လူတိုင်းကချမ်းသာချင်ကြတာချည်းပါပဲ။ သို့သော်လည်း အကြောင်းအမျိုးမျိုးကြောင့်  ချမ်းသာ ကြွယ်ဝခြင်းကိုလူတိုင်းမပိုင်ဆိုင်နိုင်ကြပါဘူး။ ဒါပေမဲ့ အနာဂတ်မှာ ချမ်းသာ ကြွယ်ဖို့ဆိုတာမဖြစ်နိုင်တဲ့ အိပ်မက်တစ်ခုတော့ မဟုတ်ပါဘူး။ မီလျံနာ တစ်ယောက်ဖြစ်ဖို့ကြိုးစားအားထုတ်မှုနဲ့ နည်းစနစ်တကျနဲ့ အချိန်တစ်ခု ရင်းနှီးမြှပ်နှံပြီးတချို့သောလိုက်နာကျင့်သုံးရ မယ့်အချက်တွေလည်းရှိပါတယ်။                                                                                                                            အကြွေးမယူပါနဲ့။ မလိုအပ်တဲ့အရာများမှာ ငွေကြေးများ သုံးစွဲခြင်းနဲ့ ခေတ်ရေစီးကြောင်း အနောက်ကို လိုက်ခြင်းကငွေကြေး ကြပ်တည်းမှုတွေကြုံတွေ့ရနိုင်ပါတယ်။ ဒါ့အပြင် ကိုယ်ပိုင်ဝင်ငွေနဲ့ ထွက်‌ငွေ မမျှတဲ့အခါအကြွေးတင်လာနိုင်ပါတယ်။ ပြုပြင် ပြောင်းလဲပြီးအကြွေးထဲ နစ်နေပါက ငွေကြွေးကြွယ်ဝနိုင်ဖို့ မလွယ်ကူပါဘူး။ ဒါကြောင့်ငွေကြေးပိုင်းဆိုင်ရာ ဝန်ထုတ်ဝန်ပိုး ဖြစ်လာနိုင်တဲ့ အကြွေးယူခြင်းကိုရှောင်ကြဉ်ပါ။ ကိုယ်ပိုင်ဝင်ငွေကို စနစ်တကျ စီမံခန့်ခွဲပြီး အသုံးပြုပါ။

ဘ၀မှာ သမမျှတစွာနေထိုင်နိုင်ဖို့နဲ့အဓိပ္ပါယ်ရှိစွာနေထိုင်ဖို့ ဆိုရင် ကျွန်တော်တို့လူသားတွေဟာ လုပ်စရာရှိတာတွေနဲ့လုပ်သင့် လုပ်ထိုက်တဲ့အရာတွေကို လုပ်သွားကြရမှာဖြစ်ပါတယ်။ မိမိတို့ကဘဲတစ်ဖက်သတ်ပေးနေတာမျိုး၊ တစ်ဖက်သတ်ကြီး ယူနေ တာမျိုးမဟုတ်ပဲ အပေးအယူ၊ အပြန်အလှန်နဲ့ကိုယ့်တာ၀န်၊ သူ့တာ၀န်တွေကို ကျရာ နေရာကနေယူခဲ့မယ်ဆိုရင် ကမ္ဘာကြီးဟာ လည်းသာယာလှပါလာနိုင်မှာ အသေအချာပါပဲမဟုတ်လား။                                                                                မိမိတို့ဘ၀မှာ လူဖြစ်လာတဲ့အခါဆာလောင်မှုတွေပါလာကြပါတယ်။ဘာကိုအငမ်းမရဆာလောင်မှု ရှိနေတာ လဲ? အိပ်ဖို့နဲ့စားဖို့သောက်ဖို့ချည်းမဟုတ်ပဲရရှိပိုင်ဆိုင်ထားတဲ့ဘ၀အတွင်းမှာကိုယ်ဖြစ်ချင်ရချင်တဲ့အရာတွေ၊တောင်းတ ချင်တဲ့အရာတွေ အပေါ်မှာ ရရှိဖို့ဆိုရင် ငတ်မွတ်မှုရှိနေရပါမယ်။ ဒီတော့မှအနောက်ကနေလုပ်ချင်ကိုင်ချင်တဲ့ စိတ်တွေ ပေါ်လာမှာဖြစ်ပါတယ်။ လိုချင်စိတ်မရှိရင်ဘယ်လိုပဲ အခွင့်အရေးကောင်းတွေဘေးမှာရှိလင့်ကစား မယူဖြစ်ပါဘူး။ဒီတော့နောက်တစ်ဆင့်တက်ချင်ရင် အငမ်းမရတဲ့စိတ်ထားပါ။ ကိုယ့်အတွက်တိုးတက်ချင်တဲ့အရာတွေကို ဆာလောင်မှုရှိစွာနဲ့လုပ်ပါ။

ဘ၀မှာ သမမျှတစွာနေထိုင်နိုင်ဖို့နဲ့အဓိပ္ပါယ်ရှိစွာနေထိုင်ဖို့ ဆိုရင် ကျွန်တော်တို့လူသားတွေဟာ လုပ်စရာရှိတာတွေနဲ့လုပ်သင့် လုပ်ထိုက်တဲ့အရာတွေကို လုပ်သွားကြရမှာဖြစ်ပါတယ်။ မိမိတို့ကဘဲတစ်ဖက်သတ်ပေးနေတာမျိုး၊ တစ်ဖက်သတ်ကြီး ယူနေ တာမျိုးမဟုတ်ပဲ အပေးအယူ၊ အပြန်အလှန်နဲ့ကိုယ့်တာ၀န်၊ သူ့တာ၀န်တွေကို ကျရာ နေရာကနေယူခဲ့မယ်ဆိုရင် ကမ္ဘာကြီးဟာ လည်းသာယာလှပါလာနိုင်မှာ အသေအချာပါပဲမဟုတ်လား။

 စကြာ၀ဠာရဲ့ သဘောတရားက အပေးအယူကြီးဆိုတဲ့ ဖြစ်စဥ်ပေါ်မှာ မူတည်နေပါတယ်။ Action is Reaction ဆိုသလို သက် ရောက်မှုတိုင်းမှာတန်ပြန်သက်ရောက်မှုရှိပါတယ်။ ကိုယ့်ဘက်က အယူချည်းပဲရှိနေတဲ့အခါ ပြတ်လတ်မှုတွေနဲ့သာကြုံဆုံရနိုင် ပါတယ်။ လူတွေကလည်း ကိုယ့်ဆီကနေထွက်ခွာသွားနိုင်ပါတယ်။ ဒီတော့ကိုယ့်ဘက်ကနိုင်သလောက်ပြန်ပြီး ကိုယ့်ဘေးက လိုအပ်နေတဲ့လူတွေအတွက်တဖန်ပြန်လည်ကူညီပေးဖို့လိုအပ် ပါတယ်။ ကျွန်တော်တို့တွေက ပေးတဲ့အခါမှာ ကြီးမားနေမှ၊သာလွန်နေမှ၊ ကောင်းမွန်နေမှဆိုပြီး တထစ်ချမှတ်ယူ ထားကြပါတယ်။ တကယ်တော့ကျွန်တော်တို့ရဲ့ “ပေးချင်တဲ့” စိတ်လေး ကိုယ်၌က မြင့်မြတ်နေပြီးသားမို့ မိမိပေးတဲ့အရာတွေ၊ပစ္စည်းတွေက ကောင်းမွန်သာလွန်နေမှဆိုတဲ့အတွေးလေးတွေကို ဖြုတ် နိုင်အောင် ကြိုးစားသင့်ပါတယ်။ ဆိုတော့ရှိတာလေးတွေနဲ့ နိုင်တာလေးတွေနဲ့ပေးသွားဖို့သာ အရေးကြီးပါတယ်။  

ကျန်းမာပျော်ရွှင်တဲ့ လူနေမှုဘဝဆိုတာကိုဘယ်လိုအဓိပ္ပာယ်ဖွင့်ဆိုကြမလဲ။ ငွေတွေအများကြီးရှိရင်ကော တကယ် ပျော်ရွှင် ရရဲ့လား။ကျန်းမာရေးကောင်းရင်ကော တကယ်ပျော်ရွှင်ရရဲ့လား။ ကိုယ့်ရဲ့ကျန်းမာပျော်ရွှင်မှုဟာဘယ်အပေါ်မှာ အမှီပြုနေ ပါသလဲ။ တကယ်တမ်းကော ကျန်းမာပျော်ရွှင်တဲ့ လူနေမှုဘဝတစ်ခုကိုရနိုင်ရဲ့လား။  လူတစ်ယောက်ဟာကိုယ့်ရဲ့ ကျန်းမာခြင်း ၊ ပျော်ရွှင်ခြင်းဟာ တကယ်တမ်းမှာ ကိုယ်နဲ့ပဲ အဓိကသက်ဆိုင်နေပါတယ်။ ခက်ခဲတဲ့ အခြေအနေမျိုးမှာ ကျန်းမာပျော်ရွှင်တဲ့ အနေအထားတစ်ခုကိုတည်ဆောက်ရတာ ခက်ခဲမယ်မှန်းသိပါတယ်။ ဒါပေမယ့် ကျွန်တော်တို့ မတတ်နိုင်တဲ့ အရာတွေကိုအာရုံထားပြီး စိတ်ပင်ပန်းမယ့် အစား ကိုယ်တတ်နိုင်တဲ့ ပမာဏ အဝန်းအဝိုင်းလေး အတွင်းကနေပဲ ကိုယ့်ရဲ့ကျန်းမာပျော်ရွှင်တဲ့ အနေအထားလေးကို တည်ဆောက်လို့ရပါတယ်။ ကျန်းမာပျော်ရွှင်တဲ့လူနေမှု ဘဝတစ်ခုကိုအရယူဖို့အတွက်ရုပ်ပိုင်းဆိုင်ရာနဲ့စိတ်ပိုင်းဆိုင်ရာပြုပြင်တည်ဆောက်မှု ကလေးတွေ အများအပြားလိုအပ်ပါတယ်။