လက်ထဲမှာ ငွေရှိနေတိုင်း ငွေကြေးနဲ့ ကောင်းမွန်တဲ့ဆက်ဆံရေးရှိတယ်လို့ မဆိုနိုင်ပါဘူး။ ငွေကြေးနဲ့ ဆက်ဆံရေးမကောင်းဘူး ဆိုတာကတနည်းနည်းနဲ့ ငွေရေးကြေးရေး မပြေလည်တာကို ဆိုလိုပါတယ်။ သုံးနိုင်ဖြုန်းနိုင်တဲ့ဝင်ငွေရှိနေပေမယ့်လည်း ငွေကြေးနဲ့ ဆက်ဆံရေးက ဆိုးရွားနေနိုင်ပါတယ်။  လူအများစုက ငွေကြေးနဲ့ပတ်သက်ပြီး ရှားပါးပြတ်လပ်တဲ့ ဆက်ဆံရေးမျိုးပဲရှိကြပါတယ်။ ဘယ်တော့မှ လုံ လောက်တယ် ဆိုတာ မရှိပါဘူး။ ဒီလိုပူပင်နေရတာကိုသတိထားမိမယ်ဆိုရင် ငွေကြေးရှားပါးမှုကို ကျော်လွန်ပြီး ကောင်းမွန်ကြွယ်ဝတဲ့ ဆက်ဆံရေးကိုတည်ဆောက်နိုင်ဖို့ အခွင့်အလမ်းပိုများလာနိုင်ပါတယ်။ ငွေသုံးလိုက်တိုင်းမှာအပြစ်ရှိသလို ခံစားနေရတာက ငွေကြေးနဲ့ ဆက်ဆံ ရေးမကောင်းတဲ့ လက္ခဏာတစ်ခုပါပဲ။ဝယ်ယူလိုက်တဲ့ အရာတစ်ခုခုနဲ့ပတ်သက်ပြီး ငွေသုံးလိုက်ရတဲ့အပေါ် မှာ အပြစ်ရှိသလို ခံစားနေရတာ၊ဒီအကြောင်း ပြောလို့မပြီးနိုင်တာတွေ တွေ့ရလေ့ရှိတဲ့ လက္ခဏာတွေပါ။                                                               

အမှတ်တရဟောင်းတွေနဲ့ အတိတ်က အကြောင်းအရာတွေဟာလူတစ်ယောက်ရဲ့ ဘဝအပေါ်မှာ သက်ရောက်မှု ကြီးမား ပါတယ်။ တစ်ချို့သော အမှတ်တရတွေက ပျော်ရွှင်ကြည်နူးစရာကောင်းပေမယ့် တချို့တွေကတော့ စိတ်ဓာတ်ကို ချုံးချုံးကျ သွားစေနိုင်ပါတယ်။                                                                                                                                                   ဘယ်သူမှ နာကျင်ခံစားရတဲ့ အခိုက်အတန့်တွေ၊ အကြောင်းအရာတွေကိုတစ်ခါပြန်တွေ့ကြုံခံစားချင်မှာ မဟုတ်ပါဘူး။ နာကျင် ခံစားခဲ့ရတဲ့ အတိတ်တွေဟာ မေ့ပစ်ဖို့ခက်ခဲသလို ပြန်စဉ်းစားမိလိုက်တိုင်း လက်ရှိစိတ်ခံစားမှုတွေပေါ်ကို သက်ရောက်မှု ရှိပါတယ်။နာကျင်စရာအတိတ်တွေကို မေ့ပစ်ချင်တယ်ဆိုရင် ပတ်ဝန်းကျင်ကလူတွေကိုသေချာစိစစ်ဖို့ လိုပါတယ်။ အတိတ်ကို ပြန် တူးဆွတတ်သူတွေကို ဝေးဝေးရှောင်ပါ။ ကိုယ့်စိတ်ကိုရွှင်လန်းတက်ကြွစေနိုင်မယ့် လူတွေနဲ့ ဝန်းရံထားပါ။                              

မနက်မိုးလင်းတော့ အိပ်ရာထဲမှာ ဒါမှမဟုတ်ကော်ဖီသောက်ရင်း ဒီနေ့အတွက် ဘာတွေလုပ်ရမလဲ၊ ရှေ့ဆက်ဖို့ အနာဂတ်အတွက် ဘာတွေလုပ်ရမလဲဆိုပြီး အတွေးတွေ မပီပြင်ဝိုးတဝါးဖြစ်နေတဲ့ အချိန်တစ်ခုကိုရောက်နေတယ်ဆိုရင် ဘာဆက်လုပ်မယ်လို့ တွေးခဲ့ဖူးပါသလား။                                                                                                                                                  အားတင်းပြီး ရင်ဆိုင်နေတာကို ရပ်လိုက်ပါ။ ပထမဆုံး လုပ်ရမယ့်အရာကတော့စိတ်ထဲမှာ ဖြစ်နေတဲ့ ဘာလုပ်ရမလဲ တွေးမရဘူး၊ မဆုံးဖြတ်နိုင် တော့ဘူး၊ ဘာမှလုပ်ချင်စိတ်မရှိဘူးဆိုတဲ့စိတ်တွေကို လက်ခံလိုက်ပါ။ ဘယ်သူသိသိ မသိသိ ဒါတွေက အရေးမကြီး ပါ ဘူး။ဒီလိုလက်ခံပြီးတဲ့အချိန်မှာ စိတ်သက်သာရာရပြီး နေလို့ပိုကောင်းသွားပါလိမ့်မယ်။ဘာမှတွေးမရဘူး၊ လုပ်မရဘူးဆိုတာ တွေ ဖြစ်လာရတယ်ဆိုတဲ့ အကြောင်းဟာ ဦးနှောက်က အနားယူဖို့ လိုနေတဲ့လက္ခဏာလည်း ဖြစ်နိုင်ပါတယ်။ ဒါကို လက်မခံဘဲ တစ်ခုခုတော့လုပ်မှဖြစ်မယ်ဆိုပြီး ဇွတ်လုပ်နေရင်တော့ အဲဒီနေ့က ပျော်စရာ ကောင်းတဲ့နေ့ဖြစ်လာမှာမဟုတ်သလို စိတ်ဖိစီးမှု တွေသာ ပိုတိုးလာမှာ သေချာပါတယ်။ နောက်ဆုံးဘာမှလုပ်စရာမရှိလို့ စိတ်ဓာတ်ကျနေတယ်ဆိုရင်တောင် စိတ်ပင်ပန်းခံပြီး တွေးမနေပါနဲ့။အိပ်ရေးဝအောင်သာ အိပ်လိုက်ပါ။                                                                                                                      

မိမိကိုယ်ကိုယ်ယုံကြည်မှုရှိသူတွေက တကယ်လုပ်နိုင်မှ လက်ခံလေ့ရှိတယ်။အရာတိုင်းကို ခေါင်းညိတ်လက်ခံတတ်တာက အလေ့ အကျင့်ကောင်းတစ်ခုမဟုတ်ပါဘူး။မလုပ်ချင်တဲ့အရာ၊ မလုပ်နိုင်တဲ့အရာတစ်ခုခုကို လက်ခံလိုက်တာက ဝန်ထုပ်ဝန်ပိုး တစ်ခုဖြစ်လာစေပါ တယ်။ အမှန်တကယ်လုပ်နိုင်တဲ့အရာ၊ လုပ်ချင်တဲ့အရာကိုပဲ လက်ခံပါ။မလိုအပ်တာတွေကို ငြင်းပယ်တတ်ပါစေ။                 

ဘဝမှာ ဘာပဲလုပ်လုပ် အဆင်မပြေဘူးလို့ ထင်နေမိပါသလား။ကိုယ့်အနေနဲ့ တစိုက်မတ်မတ်လုပ်နေမိတဲ့ အချက်တွေထဲမှာ ရော ဘဝရဲ့အဆင်မပြေမှုတွေအပေါ် ဘာတွေများသက်ရောက်မှုရှိတယ်လို့ ထင်ပါလဲ။ ကိုယ်က အောင်မြင်မှုကို လိုလားပေမယ့် ကိုယ့်ရဲ့ အမူအကျင့်များကတော့ အောင်မြင်စေမယ့် အမူအကျင့်များ မဟုတ်ရင်တော့အောင်မြင်မှုနဲ့ ပြဒါးတစ်လမ်း၊ သံတစ်လမ်းပါပဲ။ Comfort Zone ထဲမှာနေတာကစိတ်သက်သာမှုကို အပြည့်အဝ ရရှိစေပါတယ်။​ ဒါပေမဲ့ အနေကြာလာတဲ့အခါ မသုံးတော့တဲ့ ဓား တစ်လက်လို သံချေးတက်သွားပြီး ဟောင်းနွမ်းကာ အသွားထက်တော့မှာ လည်း မဟုတ်ပါဘူး။ အသွားထက်တဲ့ဓားတစ်ချောင်းလို အသစ်အတိုင်း ဖြစ်နေချင်တယ်ဆိုရင် အမြဲတမ်း သွေးထားဖို့လိုအပ်ပါမယ်။ ပုံမှန်လည်း အသုံးပြုပေးရပါမယ်။ ဓားအသစ် တစ် ချောင်းလို အမြဲတမ်းထက်နေဖို့ဆိုရင် ကိုယ့်ရဲ့ Personal Development အတွက်လေ့လာစရာ ရှိတာများကို လေ့လာပါ။ လေ့လာ ထားတာတွေကို လက်တွေ့ ပြန်လည်အသုံးချပါ။ဒါဆိုရင်တော့ လုပ်သမျှအရာရာတိုင်းသည် အောင်မြင်အဆင်ပြေ လာမှာပဲ ဖြစ်ပါ တယ်။                                                                                                                                                                       

ဘဝမှာ ဘာပဲလုပ်လုပ် အဆင်မပြေဘူးလို့ ထင်နေမိပါသလား။ကိုယ့်အနေနဲ့ တစိုက်မတ်မတ်လုပ်နေမိတဲ့ အချက်တွေထဲမှာ ရော ဘဝရဲ့အဆင်မပြေမှုတွေအပေါ် ဘာတွေများသက်ရောက်မှုရှိတယ်လို့ ထင်ပါလဲ။ ကိုယ်က အောင်မြင်မှုကို လိုလားပေမယ့် ကိုယ့်ရဲ့ အမူအကျင့်များကတော့ အောင်မြင်စေမယ့် အမူအကျင့်များ မဟုတ်ရင်တော့အောင်မြင်မှုနဲ့ ပြဒါးတစ်လမ်း၊ သံတစ်လမ်းပါပဲ။ ဒီနေ့ပြီးရမယ့် အလုပ်ကိုအချိန်ရှိပါသေးတယ်ဆိုပြီး နေ့ရွေ့လိုက်၊ ညရွေ့လိုက်နဲ့ တဖြည်းဖြည်းရွေ့ဆိုင်းနေမယ်ဆိုရင်တော့ အချိန် တွေ ကုန်လွန်သွားတာပဲ အဖတ်တင်ပါလိမ့်မယ်။ကုန်လွန်သွားတဲ့အချိန်တွေကို ဘယ်လောက်ပဲ​ ပိုက်ဆံတွေ ပုံအောပြီး ပေးနေပါ စေ၊ကုန်ဆုံးသွားတဲ့အချိန်တွေကို ပြန်မရနိုင်ပါဘူး။ နောင်တဆိုတာ နောင်မှရတတ်တာဖြစ်ပါတယ်။ တချိန်ချိန်မှာ အသက်အရွယ် ကြီးလာမှ နောင်တရမယ့်အစားအချိန်ရှိတုန်းမှာ လုံ့လစိုက်ထုတ်မယ် ဆိုရင် တစ်ချိန်ချိန်မှာ အောင်မြင်မှုအသီးအပွင့်ကို ခံစားရရှိ မှာပဲ ဖြစ်ပါတယ်။

လူတိုင်းက အကြောင်းအမျိုးမျိုးကြောင့် စိတ်ဓာတ်ကျဖူးတယ်။ ကြိုးစားခဲ့တာတောင် အရာမထင်လို့၊ အချစ်မခံရလို့၊ ရုပ်မလှလို့၊မျှော်လင့်သလို ဖြစ်မလာခဲ့လို့ စသဖြင့်ပေါ့။ လူတိုင်းက သူ့နည်းသူ့ဟန်စိတ်ဓာတ်ကျနေတာပါပဲ။ အဓိကကတော့ သိမ်ငယ်နေတဲ့ စိတ်ကိုအပြည့်ဝ မလွှမ်းမိုးစေဖို့ပဲ။လဲကျလိုက်၊ ပြန်ထလိုက်က ဘဝပါပဲ ။ ကြိုးစားထားတာတွေ ကျရှုံးသွားတဲ့အခါ နောင်တရတဲ့ စိတ်ကိုဖက်တွယ်ပြီး အချိန်ပြည့်ငိုနေမလား။ ရတယ် ဘာမှမဖြစ်ဘူး၊ အစက ပြန်လုပ်မယ်၊ အသစ်ကပြန်စမယ်လို့သာ တွေးလိုက် ပါ။                                                             ကြိုးစားဖို့အချိန်မမှီတော့ဘူးလို့ တွေးမိနေတာလား။ ဘယ်တော့မှ နောက်မကျခဲ့ပါဘူး။ကြိုးစားဖို့ဆုံးဖြတ်ချက် အခိုင်မာချနိုင်တဲ့ နေ့ဟာ အချိန်ကောင်းပါပဲ ။ ချက်ချင်းစတင်လိုက်ပါ။                                                                                                       

သူတစ်ပါးပျော်နေတာကိုမြင်ပြီး စိတ်ဆင်းရဲဖူးလား? အဓိကဘာကြောင့်လဲဆိုရင် ဘာသာရေးအသိအမြင်ရော psychology အသိ အမြင်ရော အားနည်းလို့ဖြစ်ရတာပါ ဘာသာရေးအမြင်အရဆိုရင်တော့မုဒိတာမထားနိုင်တာပေါ့ သူများသုခကို ကိုယ့်သုခလို့ မသတ် မှတ်နိုင်တဲ့အခြေအနေမျိုးပေါ့ ကိုယ့်ရဲ့ innerမှာcompassion အားနည်းနေတာမျိုးလို့ဆိုရပါမယ်။Psychologyရှုထောင့်ကဆိုရင်လည်း Inferiority complexရှိတယ်လို့သတ်မှတ်လို့ရတယ်။ မြန်မာမှုပြုရင် အငုံ့စိတ်လို့ဆိုရပါမယ်။သူများပျော်နေတာများမြင်ရင် ကိုယ့်အငုံ့စိတ်က ပိုကြီးထွားလာပြီးပူလောင်နေရတာမျိုးပေါ့ သူတစ်ပါးကိုရော ကိုယ့်ကိုယ်ကိုယ် ရောပျော်ရွှင်မှုအသေးအမွှားလေးတွေ မဖန်တီးပေးတတ်တာကြောင့်လည်းဆိုင်ပါတယ်။ကိုယ်ကိုယ်တိုင်လည်း မပျော်ရသလို သူများကိုလည်း ပျော်ခွင့်မပေးချင်ဘူး သူများကို ပျော်ရွှင်မှု အသေးအမွှားလေးတွေ ဖန်တီးပေးရတာကို အရမ်းခက်တယ်လို့ ထင်ကြတယ်။ တကယ်တမ်းက အဲလိုမဟုတ်ပါဘူး။                                                                                                                         

ဘာကြောင့် မချမ်းသာရတာလဲဆိုတဲ့ မေးခွန်းအတွက် အဖြေက အတိအကျမရှိတဲ့ အဖြေတစ်ခုဖြစ်ပါတယ်။ တကယ်တော့ စီးပွား ရေး၊ ငွေကြေး၊ လူမှုဆက်ဆံရေး ဘယ်နယ်ပယ်မှာပဲဖြစ်ဖြစ် အောင်မြင်မှုရဲ့ လျို့ဝှက်ချက်တွေဆိုတာ မရှိပါဘူး။ ကြိုတင်ပြင်ဆင် ခြင်း၊ အလုပ်ကြိုးစားခြင်းနဲ့ ကျရှုံးမှုတွေကနေ သင်ခန်းစားယူပြင်ဆင်ခြင်းတို့ရဲ့ ရလဒ်တွေသာ ဖြစ်ပါတယ်။ လူအများစုက ရည်မှန်း ထားသမျှတွေဖြစ်လာဖို့ဖြတ်လမ်းနည်းတွေကို အမြဲတမ်းရှာဖွေနေတတ်ကြပါတယ်။ အားစိုက်ထုတ်မှု အနည်းဆုံးနဲ့အခက်အခဲမရှိ ဖြစ်ချင်တာကတော့ လူသားသဘာဝပါပဲ။  လူတချို့က ချမ်းသာကြွယ်ဝရေးလမ်းကြောင်းကိုကြိုးစားလျှောက်လှမ်းကြပါတယ်။ ဒါပေမယ့် အခက်အခဲတွေနဲ့ ရင်ဆိုင်ရတဲ့အခါလက်လျှော့အရှုံးပေးသွားကြပါတယ်။ တချို့ကလည်း လုပ်ရင်းလည်း ရလဒ်ကောင်းတွေမရတဲ့အခါ ဆက်မကြိုးစားကြတော့ပဲ ဒုံရင်း အတိုင်းပဲ လည်နေတတ်ပါတယ်။                                                                                                                                         

စိတ်ဒဏ်ရာက ဘယ်လောက်ဆိုးရွားလဲဆိုတာ ခံစားဖူးသူသာအသိဆုံးပါ။ Sexual Abuseလုပ်ခံရဖူးတဲ့ ကလေးတစ်ယောက် ဟာအသက်ကြီးလာတဲ့အထိ နောက်ကနေ ပုခုံးလေးပုတ်လိုက်တာ ခါးလေးတို့လိုက်တာမျိုး Body partတစ်ခုခုကို အမှတ်မထင် ကိုင်လိုက်တို့လိုက်တာမျိုးတွေကိုတောင် ခံနိုင်ရည်စွမ်းအားမရှိကြတော့ပါဘူး။ နောက်တစ်ကြိမ်များ အရင်လို ထပ်ဖြစ်လာဦးမလား ဆိုတဲ့ ကြောက်စိတ်ကြီးက အမြဲလိုလိုဘဝမှာ ကြီးစိုးနေတတ်ပါတယ်။                                                             ခွေးကိုက်ခံရဖူးတဲ့သူက ခွေးကိုကြောက်ကိုကြောက်ပါတယ်။ ခွေးကဘယ်လောက်လိမ္မာပါတယ် မကိုက်တတ်ပါဘူးလို့ ပြော ပြော သူကိုယ်က ခွေးမြင်ရင် ကို လန့်နေတာပါ ခွေးကိုက်ခံရဖူးတဲ့ ခံစားချက်ကလည်း ပေါ့သေးသေးတော့မဟုတ်လှပါဘူး။ တကယ်ကို shockရစရာ ကောင်းပါတယ်။ အဲ့လိုပဲရေနစ်ဖူးတဲ့သူကလည်း ရေကိုကြောက်ကိုကြောက်တယ်။ စိတ်ဒဏ်ရာက ရခဲ့ဖူးပြီး အပြီး တိုင် မပျောက်ခဲ့ရင် တစ်ဘဝလုံးကိုကြောက်နေရတာ မဆုံးတော့ဘူး။