လူမှုဆက်ဆံရေး ကောင်းခြင်း မကောင်းခြင်းသည်အလုပ်အကိုင် ပေါ်မှာ များစွာ အကျိုးသက်ရောက်မှု ရှိပါတယ်။ လူမှု ဆက်ဆံ ရေးမကောင်းဘူး၊ အသင်းအဖွဲ့ စိတ်ဓာတ်လည်း မရှိဘူးဆိုရင်တော့ ဘယ်သူကမှ အတူတူ လက်တွဲ ပြီးအလုပ်လုပ်ချင်မှာ မဟုတ်ပါဘူး။                                                                                                                             အဆက်အသွယ်ကောင်းဆိုတာကတော့ Visiting Card လေး လဲလှယ်လိုက်ရုံနဲ့ ပြီးသွားတဲ့ ကိစ္စမဟုတ်ပါဘူး။ အဲ့ဒီလောက်လည်းမလွယ်ကူပါဘူး။ အဆက်အသွယ်ကောင်းတွေ ရရှိဖို့အတွက် ကိုယ်တိုင်ကလည်း အခြားသောအဆက်အသွယ်ကောင်းတွေနဲ့ ချိတ်ဆက်ပေးခံရတဲ့အထိ ယုံကြည်မှု ရရှိပိုင်ဆိုင်ထားဖို့လိုအပ်ပါတယ်။ ဒီလူက ယုံကြည်ရတယ်ဆိုမှလည်း အခြားတစ်ဖက်က နောက်ထပ် လူတစ်ယောက်နဲ့မိတ်ဆက်ပေးနိုင်မှာ မဟုတ်လား။                                                                                        

သူငယ်ချင်း ဆိုတာ ကျွန်တော်တို့ဘဝမှာဒုတိယမိသားစုဝင်တွေလို့ ပြောရင်မှားနိုင်မယ် မထင်ပါဘူး။ သူငယ်ချင်း တွေ အများကြီးရှိတာထက် ကိုယ့်အကြောင်းကို ကောင်းကောင်းနားလည်ပြီး ဘေးမှာ ဘဝရဲ့အနိမ့်အမြင့်အတက်အကျ အလိုက်အမြဲအတူ ရှိနေ နိုင်တဲ့ သူငယ်ချင်းကောင်းတွေအချို့ ရှိရင်ပဲကံကောင်းတယ်လို့ ပြောလို့ ရပါပြီ။ အောင်မြင်ချိန်မှာ ရင်ထဲကနေ လှိုက်လှိုက် လှဲလှဲဝမ်းသာဂုဏ်ယူပေးနိုင်သူ ၊ လဲပြိုချိန်မှာ ကမ်းပေးမယ့် လက်စုံဖြစ်နိုင်သူတွေသာလျှင်ဘယ်တော့မှ အဆုံးအရှုံးမခံသင့်တဲ့ သူငယ်ချင်းကောင်းတွေ ဖြစ်ပါတယ်။

 သူငယ်ချင်းကောင်းတွေ ပိုင်ဆိုင်ရဖို့ကလည်း နည်းနည်းတော့ ခက်သားပါ။အချို့က သင့်အနားမှာ အတုအယောင် မျက်နှာဖုံးတွေနဲ့ ရှိနေတက်တဲ့ သူငယ်ချင်းတွေလည်းအများကြီး ရှိပါတယ်။ အရေးကြီးတာကတော့ သူငယ်ချင်း ဆက်ဆံရေးဖြစ်ဖြစ် ၊ မိသားစု ဆက်ဆံရေးဖြစ်ဖြစ်၊ သမီးရည်းစားဆက်ဆံရေးဖြစ်ဖြစ် တစ်ယောက်ကို တစ်ယောက်အပြန်အလှန် လေးစားမှုကိုနားလည် တန်ဖိုးထားပြီး ပေါင်းကြဖို့ပါ။ အကယ်က အပြန်အလှန် လေးစားမှု မရှိရင်အဲ့ဒီဆက်ဆံရေးဟာ အနှေးနဲ့အမြန် နိဂုံးချုပ်သွားနိုင် ပါတယ်။

အခြားသူတွေထက် ခြေတစ်လှမ်း သာ ချင်တယ်ဆိုရင် ဘာတွေပြုလုပ်ဖို့ လိုမလဲဆိုတာ သိပြီးပါပြီ လား။ များများစားစားတော့ မလိုအပ်ပါဘူး။  အရင်ဆုံးပျင်းရိတတ်တဲ့ စိတ်ကို လုံ့လ ဝီရိယ စိုက် ထုတ်တတ်တဲ့ စိတ်နဲ့ အစားထိုးပါ။အောင်မြင်နေတဲ့ လူ အများစုကို ကြည့်လိုက်မယ်ဆိုရင် သူတို့ ဟာ သူတို့လိုချင်တဲ့အရာ ကို မရ မချင်း တစိုက်မတ်မတ်နဲ့ ဇွဲ ရှိရှိ လုပ်တတ်ကြပါတယ်။အောင်မြင် ဖို့အတွက် ယတြာ တွေ ထိုင်လုပ်နေကြတဲ့အစား သူတို့သည် ဝီရိယနဲ့ ဇွဲ လုံ့လစိုက်ထုတ်ကာ ကြိုးစားအားထုတ် ကြပါ တယ်။ အရှုံးနဲ့ ရင်ဆိုင်ရလို့လည်း လမ်းတစ်ဝက်မှာလက်လျော့သွားတာမျိုး မလုပ်ကြဘဲ အရှုံးထဲကနေ သင်ခန်းစာယူကာ ကိုယ့်ရဲ့  ရည်မှန်းချက် ပန်းတိုင်ကို အောင်မြင်အောင် ဆက်လက်ချီတက်ကြပါတယ်။ ပျင်းရိတတ်တဲ့စိတ်၊ အချိန်ဆွဲတတ်တဲ့ စိတ်တွေကို ဖယ်ရှားကာကိုယ့်စိတ်ကိုယ် နိုင်အောင် ထရိန်းကာ ကိုယ်လိုချင်တဲ့ပန်းတိုင်ဆီ မရောက်မချင်းအားမလျော့ဘဲ တစ်စိုက်မတ်မတ် အာရုံစိုက်ကာ ရှေ့ဆက်ကြပါတယ်။                                                                                                                                   

တကယ်လို့ ကိုယ်သာကိုယ့်ရဲ့ ပျင်းရိတတ်တဲ့စိတ်၊ အချိန်စွဲတတ်တဲ့ စိတ်၊ အများနဲ့ လိုက်ပြိုင် ပြီး မနာလို တတ်တဲ့စိတ်တွေကို အနိုင်ယူနိုင်မယ်ဆိုရင်တော့ အောင်မြင်မှုက ကိုယ့်အတွက်ပါပဲ။ 

ကိုယ့်ကိုယ်ကိုယုံကြည်မှု မြင့်မားလာစေဖို့ဘာလုပ်ရမလဲ? Self-confidence ဆိုတဲ့ကိုယ့်ကိုယ်ကိုယုံကြည်မှု က ဘဝမှာ ထင်ထား တာထက် အရေးပါကြောင်း ကို ကြုံခဲ့ရတဲ့အကြိမ်တွေ အများကြီး ရှိပါတယ်။ လူကြီးသူမတွေ ဆုပေးကြတဲ့ “သူများနဲ့ပြိုင် နိုင် ပါစေ၊ သူများနဲ့ပြော ချောပါစေ” ဆိုတာမျိုးကိုခဏခဏကြားဖူးပါလိမ့်မယ်။ အဲဒီလို ပြိုင်တဲ့အခါနိုင်ဖို၊ ပြောတဲ့အခါ ချောမွေ့ဖို့ ဆိုရင်ကိုယ့်ကိုယ်ကိုယုံကြည်မှုက ရာခိုင်နှုန်းတွေ အများကြီး အထောက်အကူပေးနေတာကိုတွေ့ရပါတယ်။ ကိုယ့်ကိုယ်ကိုယုံကြည်မှုမြင့်မားတဲ့သူတွေရယ်လို ပြောလိုက်ရင်မျက်လုံးထဲမှာ ဘယ်လိုပုံစံပေါ်လာသလဲ။ စမတ်ကျကျ ဝတ်စား ဆင်ယင်ထားပြီးလူတွေကို သိပ်မကြောက်တတ်တဲ့ပုံစံမျိုးကို မြင်ယောင်လာတယ် မဟုတ်လား။ ဒါဟာ ဖျတ်ခနဲစဉ်းစားလိုက်တဲ့ အခါမှာ မျက်လုံးထဲမှာ ၊ မှတ်ဉာဏ်ထဲမှာပေါ်လာတဲ့ပုံရိပ် ဖြစ်ပါတယ်။ဒီလိုပုံရိပ်ပေါ်လာတယ်ဆိုရင် ကျွန်တော်တို့ fixလုပ်ဖို လိုတာတွေရှိလာပါပြီ။ ဘာကြောင့်လဲဆိုရင်ကျွန်တော်တို့အခုမျက်လုံးထဲမှာ၊ဉီးနှောက်ထဲမှာပုံဖော်လိုက်တဲ့ပုံရိပ်ကလူတစ်ယောက် ရဲ့ ပြင်ပအသွင် အပြင်ကိုပုံဖော်ပြီးမြင်လာလိုက်တာဖြစ်ပါတယ်။ သူ့ရဲ့ ပြင်ပဝတ်စားဆင်ယင်ပုံနဲ့ပုံပန်းသဏ္ဍာန်ကို မြင်ယောင် လိုက်တာဖြစ်ပါတယ်။ ဒီလိုမြင်တဲ့အတွက် self-confidence ဟာ ပြင်ပကဖြစ်တည်လာတဲ့အရာ၊ တစ်နည်းအားဖြင့် ရုပ်ပိုင်း ဆိုင်ရာပေါ်မူတည်နေတဲ့အရာရယ်လို အမှတ်တမဲ့ တွေးမိတတ်ပါတယ်။ ဒါဟာ စိတ်ထဲမှာကိုယ်တိုင်တောင်သတိမထားလိုက်မိဘဲ ဖျတ်ခနဲဝင်သွားလိုက်တဲ့ အတွေးတစ်ခုဖြစ်ပါတယ်။  

မမျှော်လင့်ပဲ Relationship တစ်ခုရပ်တန့်သွားတာဟာ ဘဝမှာ အရမ်းကို ဆိုးဝါးပြီး နာကျင်မှုတွေ ခံစားကြရတဲ့အချိန်အခါလို့ ပြောလို့ ရသလို ဘဝမှာ တကယ့်ကို စိန်ခေါ်မှု Challenge တွေနဲ့ ပြည့်နှက်နေတဲ့ အချိန်အခါတွေလို့ ပြောရင်လဲ မမှားပါဘူး။ ဒါပေမဲ့ဒီအတွေ့အကြုံကနေ ကိုယ့်ကိုယ်ကို ပြန်လည် ရှာဖွေ Self-Discovery လုပ်ဖို့အချိန်ကောင်း တစ်ခုလို့  ပြောလို့တော့ရပါတယ်။                                                                                                                                                  ကိုယ့်ရဲ့ ပြီးခဲ့တဲ့ Relationship နဲ့ ပတ်သက်ပြီး ပြန်လည် သုံးသပ်ပါ။ ဒီထဲက ကိုယ် ဘာတွေသင်ခန်းစာ ရခဲ့လဲ, ဘာတွေ Learned လုပ်ခဲ့ရလဲ ဆိုတာသေသေချာချာ Reflect လုပ်ရမှာပဲ ဖြစ်ပါတယ်။ Reflect လုပ်တဲ့ အခါ ကိုယ် အသုံးမကျလို့ ဖြစ်ရတာ, ကိုယ့်မှာအားနည်းချက်တွေရှိလို့ ဖြစ်ရတာ, ကိုယ့် အမှားတွေကြောင့် ဖြစ်ရတာ ဆိုပြီး တစ်ဖက်သတ်ကိုယ့်ကိုယ်ကို အပြစ်တင်တဲ့ ပုံစံမျိုးတွေ မတွေးပါနဲ့။ ကိုယ့်ကိုယ်ကိုခွင့်လွှတ်ပေးဖို့ လိုအပ်သလို တစ်ဖက်လူကိုလဲ ခွင့်လွှတ်ပေးလိုက်ပါ။ ကိုယ့်မှာ ပြုပြင်စရာမကောင်းတဲ့ အကျင့်တွေ ရှိတယ် ဆိုရင်တော့ ပြင်ဆင်ဖို့ လိုအပ်ပါ လိမ့်မယ်။ ဒါ့အပြင် ကိုယ့်ကို Physically, Mentally,Emotionally အားဖြင့် အကူအညီ အထောက်အပံ့ Support လုပ်ပေးနိုင် မည့် လူတွေနဲ့ ဝန်းရံထားနိုင်ဖို့လဲ အရေးကြီးပါတယ်။

မမျှော်လင့်ပဲ Relationship တစ်ခုရပ်တန့်သွားတာဟာ ဘဝမှာ အရမ်းကို ဆိုးဝါးပြီး နာကျင်မှုတွေ ခံစားကြရတဲ့အချိန်အခါလို့ ပြောလို့ ရသလို ဘဝမှာ တကယ့်ကို စိန်ခေါ်မှု Challenge တွေနဲ့ ပြည့်နှက်နေတဲ့ အချိန်အခါတွေလို့ ပြောရင်လဲ မမှားပါဘူး။ ဒါပေမဲ့ဒီအတွေ့အကြုံကနေ ကိုယ့်ကိုယ်ကို ပြန်လည် ရှာဖွေ Self-Discovery လုပ်ဖို့အချိန်ကောင်း တစ်ခုလို့  ပြောလို့တော့ ရပါတယ်။                                                                                                                                                  ကြေမွ ပျက်စီးသွားတဲ့ ဆက်ဆံရေးတွေကနေ Move On လုပ်နိုင်ဖို့  Healing လုပ်နိုင်ဖို့ ဆိုရင် အချိန်ယူဖို့ လိုအပ်သလို ကိုယ်တိုင် က ဒီအခြေအနေထဲကရုန်းထွက်လိုစိတ်နဲ့ ကြိုးစား အားစိုက်ထုတ်မှုတော့ ရှိဖို့ လိုအပ်ပါတယ်။ ကိုယ့် ခံစားချက်တွေအတိုင်း မျှောပြီးနေရင် အချိန်တွေ ပိုကြာတာပဲ အဖတ်တင်ကာ အဆင်မပြေမှုတွေ ကြားထဲကရုန်းထွက်နိုင်မှာ မဟုတ်ပါဘူး။                             

လူတွေက ကိုယ့်ကိုယ်ကို အချစ်ဆုံးလို့ ထင်တတ်ကြတယ်။ ဒါပေမယ့်နည်းမှန်လမ်းမှန်နဲ့ ကိုယ့်ကိုယ်ကို ဘယ်လို ချစ်ရမယ်ဆိုတာ သေသေချာချာ မသိကြပါဘူး။ ကိုယ့်ကိုယ်ကိုချစ်ခြင်း 𝗦𝗲𝗹𝗳 𝗟𝗼𝘃𝗲 ဆိုတာ အများကြီးကျယ်ပြန့်လွန်းပါတယ်။                      

ကိုယ့်ကိုယ်ကိုချစ်တာက အလွယ်လေး ဆိုပြီး အပေါ်ယံ လွယ်လွယ်ကူကူ ပြောတာမျိုး မဟုတ်ပဲ မိမိရဲ့ ရုပ်ပိုင်းဆိုင်ရာရော စိတ်ပိုင်းဆိုင်ရာ ကောင်းကျိုးတွေကိုပါ သေသေချာချာဂရုစိုက်ပြီး မိမိကိုယ်မိမိ ကောင်းမွန်တဲ့ စောင့်ရှောက်ခြင်းမျိုးနဲ့ ချစ်ခြင်းဖြစ်ပါတယ်။ ဘယ်သူတွေ ဘာဖြစ်ဖြစ် ကိုယ်ကောင်းရင် ပြီးရောဆိုတဲ့တစ်ကိုယ်ကောင်းဆန်တဲ့ အတ္တစိတ်ကလာတဲ့ ချစ်ခြင်းမျိုး မဟုတ်ပါဘူး။ မိမိကိုယ်မိမိရောအများကိုပါ အတ္တမပါတဲ့ ချစ်ခြင်းမေတ္တာ တရားနဲ့ ပြည့်ပြည့်ဝဝ ချစ်ပေးတာမျိုးကိုပြောတာပါ။ အခြားလူကို ချစ်ပေးနိုင်ဖို့ဆိုတာ ကိုယ့်အတွင်းမှာအရင်ဆုံး ချစ်ခြင်းမေတ္တာတရားတွေနဲ့ ပြည့်ဝနေဖို့ လိုပါတယ်။ ကိုယ့်ကိုယ်ကိုမှကောင်းကောင်း ဂရုမစိုက်တတ်ရင် အခြားသူကိုလဲ မှန်မှန်ကန်ကန် ဂရုမစိုက်ပေးတတ်ပါဘူး။ ဒါ့ကြောင့်မိမိကိုယ်မိမိ သေသေချာ ချာ ချစ်တတ်ဖို့ သေသေချာချာ ဂရုစိုက်တတ်ဖို့ ကနေ စတင်ရပါမယ်။

ကိုယ့်ကိုယ်ကို တန်ဖိုးရှိအောင် နေပါ။ ကိုယ့်ကိုယ်ကိုသေသေချာချာ ချစ်တတ်အောင် သင်ယူပါ ဆိုတဲ့ စကားတွေက အလကား မဟုတ်ပါဘူး။ လူတွေက တန်ဖိုးရှိတဲ့ပစ္စည်းဆိုရင် ပိုလိုချင်ကြတယ်။ တန်ဖိုးရှိတဲ့ ပစ္စည်းတွေဆိုရင် သေသေချာချာ တယုတယသုံးတယ်။ ထားတယ်။ စောင့်ရှောက်တယ်။ အစွန်းအထင်းအပွန်းအပဲ့ မခံချင်ဘူး။ အခြားလူလဲ လာထိလို့ မရဘူး။ တသသနဲ့။ တန်ဖိုးမရှိတဲ့အရာတွေဆိုရင်တော့ ဟိုနားထား၊ ဒီနားထား၊ ဖုန်တတ် ချင်တတ်၊ လွတ်ကျ ချင်ကျပါပဲ။       

အရာရာကို တကယ်တန်ဖိုးသိတဲ့ သူကပဲ တန်ဖိုးထားတတ်တာပါ စိန်အကြောင်း၊ ကျောက်အကြောင်း နားမလည်တဲ့သူရှေ့မှာ ဒါကြီးက ဘယ်လောက် တန်ဖိုး ရှိပါတယ်လို့ သွားပြောနေလဲ သူ Level နဲ့ သူ နားလည်မှာ မဟုတ်ပါဘူး။ ဒီတော့ လူတွေမှာလဲအဲ့ဒီလိုပါပဲ။ အရင်ဆုံး ကိုယ့်ကိုယ်ကို တန်ဖိုးရှိအောင်နေတတ်ဖို့ရယ် ကိုယ့်တန်ဖိုးကို နားလည်တဲ့ လူတွေ အနားမှာရှိနေဖို့ရယ်က အရေးကြီးပါတယ်။ ကိုယ့်တန်ဖိုး မသိတဲ့ လူတွေကို ဘာတွေပဲ ကိုယ်ကလုပ်ပေးနေ လုပ်ပေးနေ သူတို့က တန်ဖိုးသိမှာ မဟုတ် လို့ပါပဲ။

မိမိကိုယ် မိမိချစ်ခြင်း၊ ဂရုစိုက်ခြင်း Self – Love, Self-Care လုပ်ဖို့အတွက်ဆိုလျှင် ရုပ်ပိုင်းဆိုင်ရာ ကျန်းမာရေးအတွက် လိုအပ် ရင် လိုအပ်သလို စိတ်ရောကိုယ်ပါ အနားယူပေးပါ။ လုံလောက် ပြည့်ဝတဲ့ အိပ်စက်မှုမျိုး ရှိပါစေ။ ကျန်းမာရေးအတွက် လေ့ ကျင့်ခန်း တစ်ခုခုလုပ်ပါ။ အာဟာရ ပြည့်ဝသော အစားအစာများကို အချိန်မှန် စားပါ။ ယောဂကျင့်တာမျိုး၊ Breath Work အသက်ရှုလေ့ကျင့်ခန်း တွေ လုပ်တာမျိုး တွေလဲ လုပ်လို့ရပါတယ်။                                                                                                  မိမိ စိတ်ချမ်းသာ စေဖို့အတွက် ကိုယ့်ကိုပြုံးပျော်စေနိုင်မည့် လူ အကောင်းမြင်စိတ်ရှိသည့်လူ ပျော်ပျော်နေတတ်တဲ့လူတွေ အနား မှာနေပါ ကိုယ့် နှလုံးသားကိုပျော်ရွှင်စေမည့် အရာတွေကို လုပ်ပါ။ ကိုယ် ဝါသနာပါတဲ့ အရာတွေ လုပ်ကြည့်ပါ။ ကိုယ် စိတ်ဝင်စား တဲ့ အရာ၊ ကိုယ် စိတ်ဝင်စားတဲ့ပညာရပ် တစ်ခုခု လေ့လာ၊ သင်ယူကြည့်ပါ။

ကျန်းမာပျော်ရွှင်တဲ့ လူနေမှုဘဝဆိုတာကိုဘယ်လိုအဓိပ္ပာယ်ဖွင့်ဆိုကြမလဲ။ ငွေတွေအများကြီးရှိရင်ကော တကယ်ပျော်ရွှင်ရရဲ့ လား။ကျန်းမာရေးကောင်းရင်ကော တကယ်ပျော်ရွှင်ရရဲ့လား။ ကိုယ့်ရဲ့ကျန်းမာပျော်ရွှင်မှုဟာဘယ်အပေါ်မှာ အမှီပြုနေပါသလဲ။ တကယ်တမ်းကော ကျန်းမာပျော်ရွှင်တဲ့ လူနေမှုဘဝတစ်ခုကိုရနိုင်ရဲ့လား။      လူတစ်ယောက်ဟာ ကိုယ့်ရဲ့ ကျန်းမာခြင်း ၊ ပျော်ရွှင်ခြင်းဟာ တကယ်တမ်းမှာကိုယ်နဲ့ပဲ အဓိက သက်ဆိုင်နေပါတယ်။ ခက်ခဲတဲ့ အခြေအနေမျိုးမှာကျန်းမာပျော်ရွှင်တဲ့အနေအထားတစ်ခုကို တည်ဆောက်ရတာ ခက်ခဲမယ်မှန်းသိပါတယ်။

ဒါပေမယ့်ကျွန်တော် တို့ မတတ်နိုင်တဲ့ အရာတွေကို အာရုံထားပြီး စိတ်ပင်ပန်းမယ့် အစားကိုယ်တတ်နိုင်တဲ့ ပမာဏ အဝန်းအဝိုင်းလေးအတွင်းကနေပဲ ကိုယ့်ရဲ့ ကျန်းမာပျော်ရွှင်တဲ့အနေအထားလေးကို တည်ဆောက်လို့ရပါတယ်။ ကျန်းမာပျော်ရွှင်တဲ့ လူနေမှုဘဝတစ်ခုကိုအရယူဖို့ အတွက်ရုပ်ပိုင်းဆိုင်ရာနဲ့စိတ်ပိုင်းဆိုင်ရာပြုပြင်တည်ဆောက်မှုကလေးတွေ အများအပြားလိုအပ်ပါတယ်။