Dokumentarar

Krista og Katrin vóru fyrst í 50unum, tá tær fingu staðfest Alzheimer. Sjúkan kámar minnið og etur burtur allar førleikar.

Tað leggur stórar byrðar á makarnar, sum noyðast at taka sær av øllum heima og ansa eftir konunum, ið gerast meira og meira óhjálpnar.

Dagmar Joensen-Næs hevur lagt til rættis, og Rógvi Rasmussen hevur tikið upp og sett saman.

Íslendingar hava í mong ár fingið ein stóran part av orkuni, teir brúka, úr undirgrundini. Tann heita keldan Geysir hevur gjørt Ísland kent um allan heim, hon hevur verið eitt tekin um ta nógvu orkuna, sum íslendska undirgrundin goymir. í sendingini verður sagt frá, hvussu íslendingar nýta tað heita vatnið til upphiting og ravmagnsframleiðslu.

Íslendingar hava í mong ár fingið ein stóran part av orkuni, teir brúka, úr undirgrundini. Tann heita keldan Geysir hevur gjørt Ísland kent um allan heim, hon hevur verið eitt tekin um ta nógvu orkuna, sum íslendska undirgrundin goymir. í sendingini verður sagt frá, hvussu íslendingar nýta tað heita vatnið til upphiting og ravmagnsframleiðslu.

Høgni Kunoy Dávason hevur lívshættisligu sjúkuna cystisk fibrose. Miðal livialdurin hjá teimum, sum hava cystisk fibrose er ikki høgur, og tí tekur 11 ára gamli drongurin omanfyri 160 tablettir um dagin.

Men tað er eitt heilt serligt seiggj í Høgna. Hann hevur búð nógv ár í Singapore, tí pápin arbeiddi har. Har fekk Høgni svarta beltið í taekwondo, og stríðsítróttin hjálpir honum móti sjúkuni.

Høgni Kunoy Dávason hevur lívshættisligu sjúkuna cystisk fibrose. Miðal livialdurin hjá teimum, sum hava cystisk fibrose er ikki høgur, og tí tekur 11 ára gamli drongurin omanfyri 160 tablettir um dagin.

Men tað er eitt heilt serligt seiggj í Høgna. Hann hevur búð nógv ár í Singapore, tí pápin arbeiddi har. Har fekk Høgni svarta beltið í taekwondo, og stríðsítróttin hjálpir honum móti sjúkuni.

Sjónvarpssending um sjúkuna Parkinson í Føroyum. Vit fylgja Elisi Poulsen og John Williami Joensen, ið báðir hava fingið staðfest Parkinson. Teir hava hvør sína avbjóðing við sjúkuni.

Elis missir røddina, ið hevur stóran týdning fyri hann sum útvarpsmann, og sum stjóri, hevur John William trupult við at røkja sítt arbeiði til fulnar, tí sjúkan tekur meira og meira ræði á honum.

Hvussu er tað at hava Parkinson? Hvat er hetta fyri ein sjúka, og hví fáa so nógvir føroyingar Parkinson? Tað eru nakrir av spurningunum, vit seta í sendingini.

Lagt til rættis: Kári Sólstein.

Sjónvarpssending um sjúkuna Parkinson í Føroyum. Vit fylgja Elisi Poulsen og John Williami Joensen, ið báðir hava fingið staðfest Parkinson. Teir hava hvør sína avbjóðing við sjúkuni.

Elis missir røddina, ið hevur stóran týdning fyri hann sum útvarpsmann, og sum stjóri, hevur John William trupult við at røkja sítt arbeiði til fulnar, tí sjúkan tekur meira og meira ræði á honum.

Hvussu er tað at hava Parkinson? Hvat er hetta fyri ein sjúka, og hví fáa so nógvir føroyingar Parkinson? Tað eru nakrir av spurningunum, vit seta í sendingini.

Fáum unnist at gerast so avhildin og fólkslig, at tey verða nevnd bara við fornavni. Nólsoyingurin Ove Joensen er eitt undantak.

Ove var maðurin, sum í 1986 útinti stóra bragdið at rógva einsamallur úr Føroyum til Danmarkar í lítlum árabáti. Fólk vóru ovfarin og hugtikin. Mannfjøldin, sum fagnaði Ova, tá hann kom at landi á Longulinju, var tann størsta, sum nakrantíð var savnað í Keypmannahavn at heiðra einstøkum persóni.