Doxa Deo Auckland Afrikaans

Luister saam in ons nuwe reeks terwyl ons ontdek wat dit beteken om n nuwe skepping in Jesus te wees!

“Ons het gehoop.” Drie klein woorde van twee dissipels wat met gebroke harte van Jerusalem af wegstap. Dan sluit ‘n vreemdeling langs die pad by hulle aan, en alles verander. Hierdie week loop ons saam op die pad na Emmaus en vra ‘n eerlike vraag: wat mis ons? Ons kyk hoe die Skrif Christus openbaar, al verduidelik dit nie altyd hoekom nie, hoe Jesus naby kom nog voordat ons verstaan, en hoe ‘n ontmoeting met die opgestane Here ons verander.

Welgedaan // Jesse Kelly // 25 Okt 8:30

Wat sou jy doen met ‘n miljoen dollar? Die meeste van ons het groot planne vir “eendag, wanneer ek meer het.” Maar in God se koninkryk het elkeen reeds ‘n sak. Hierdie week kyk ons na die gelykenis van die talente en vra ‘n skerper vraag: wat doen jy met wat reeds in jou hande is? Ons ontdek hoe om ‘n rentmeester van jou werk te wees deur uitnemendheid, integriteit en diensbaarheid, en hoekom die teenoorgestelde van getrouheid dikwels net is om niks te doen nie.

Jou lewe is soos 'n huis. Party kamers is netjies vir gaste, en party kamers se deure bly toe. Hierdie week vra ons 'n eerlike vraag: kry Jesus net die sitkamer, of hou Hy die sleutels van elke kamer? Luister saam terwyl ons ontdek hoe Koninkryksrentmeesterskap lyk in jou eie lewe, jou huis, jou kerk en jou stad.

Ons dink rentmeesterskap gaan oor geld. Maar wat as dit eintlik gaan oor elke liewe area van jou lewe? Jou huwelik. Jou werk. Jou verhoudings. Jou tyd. Jou gedagtes. Psalm 24 sê dit duidelik: die aarde en alles wat daarop is — alles behoort aan die Here. As dit waar is, dan is ons nie eienaars nie. Ons is bestuurders. En dit verander alles. Want wanneer jy besef dat jou vrou of jou man aan jou toevertrou is — nie aan jou behoort nie — hanteer jy hom anders. Wanneer jy besef dat jou werk 'n gawe is en nie 'n reg nie, gaan jy anders daarheen. Koninkryks-rentmeesterskap is nie 'n begrotingsoefening nie. Dit is 'n paradigmaskuif — van verbruiker na belegger, van eienaarskap na bestuur. En die Here sê: oor min getrou? Dan stel Ek jou aan oor baie.

Geloof sonder aksie is net informasie. Die vraag is nie net of jy glo nie — die vraag is of jou geloof sigbaar is in die besluite wat jy neem, die mense wat jy bemagtig en die erfenis wat jy agterlaat. Genesis 1 sê ons is geskape na God se beeld — Sy geestelike en morele karakter is al van die begin af in ons ingesit. Dit beteken ons is al klaar geseën om vrug te dra. Al klaar geseën om 'n expressie van Hom in hierdie wêreld te wees. Die vraag is net: leef ons dit uit? Hierdie week praat ons oor werkende geloof — hoe dit in jou bewerk word, hoe jy getrou bly tot die einde toe, en wie jy doelbewus toerus met dit wat jy ontvang het.

Ons samelewing sê: sien is glo. Ek wil eers bewyse sien, dan sal ek glo. Maar die Bybel draai dit om. Hebreërs 11:1 sê geloof is 'n vaste vertroue op dinge wat jy nog nie kan sien nie. Dit beteken geloof is eintlik 'n manier van sien — om in die geestelike dimensie in te kyk en te sien wat God sien. En as jy dit kan sien, begin jou sigbare besluite te verander. Jakobus sê dit reguit: geloof wat nie dade word nie is dood. Dis nie genoeg om te sê jy glo nie. Die vraag is of mense jou geloof kan raaksien sonder dat jy dit vir hulle vertel. Hierdie week neem ons jou op 'n reis van persoonlike geloof na geloof vir 'n gemeente en uiteindelik geloof vir 'n stad.

Wat is my roeping? // Week 3 // Jaques van Wyk1.) TAKE A NEXT STEP //Want to Join the church? https://doxadeonz.churchsuite.com/-/f... Want to join a SmallGroup? https://doxadeonz.churchsuite.com/-/f...Want to Serve in the church? https://doxadeonz.churchsuite.com/-/f... See What’s happening at Doxa Deo: https://www.doxadeo.org/auckland/doxa... (2.) GIVING & GENEROSITY //Financially, here are the ways in which you can continue to give faithfully: https://www.doxadeo.org/auckland/doxa... (3.) MORE ABOUT US AT: https://www.doxadeo.org/auckland/ (4.) CONTACT US //Send us an Email - [email protected](5.) FOLLOW US ON COCIAL MEDIAFacebook:   / doxadeo.nz   Instagram:   / doxadeochurch_auckland   Blessings,The Doxa Deo Auckland Team 😎

Wat is my roeping? // Week 2 // Jaques van Wyk