Driesestig

Gerrie Heyns gee vir Martelize Brink raad oor hoie om slangbyte te voorkom, en deel ook mites oor slange.

Marinebioloog Maryke Musson vertel vir Martelize Brink van die duisende jellievisse wat op die Kaapse strande uitgespoel het.

In die landbounuus: Die Amerikaanse regering se besluit om Suid-Afrika uit die Agoa-ooreenkoms te skop, lok groot reaksie by landbou-organisasies; Vooruitskatting dui op ‘n daling in steenvrug-uitvoervolumes; Die Departement van Landbou bevestig ‘n geval van Afrika-perdesiekte in die Cederberg-gebied; en Suid-Afrika se 2026 Lamb Champs-reeks sluit op ‘n hoë noot af.

Felix Spies verduidelik vir Martelize Brink hoe die nuwe kankerinentings werk.

Ná ‘n geskil oor die prys van spyseniering tydens die 2022 Meesters Gholftoernooi by Augusta in die SAV het ‘n hof $60 391 aan ‘n restaurant toegestaan. Toe hulle die regskoste van sowat $107 000 eis, word net $1 950 toegestaan.

Menopouse het haar met 'n knal getref. Sy was soos 'n ontploffing wat wag om te gebeur. Toe besluit die Gordonbaaise kunstenaar, Tanya O’Connor, om ’n boek te skryf soos sy praat, kompleet met 'n drieletter swetswoord as deel van die titel. Tydens die skryf daarvan het sy gou besef sy sal 'n brug moet bou om oor haarself te kom...

Kos- en kultuurhistorikus Hetta van Deventer-Terblanche praat oor anyswortel, wat ook boklamvinkel genoem word.

Thomas van Tonder vertel vir Martelize Brink van sy aanslag op 600 aapstawe oor 280 m by die Bloukransbrug, 216 meter bo die grond.

‘n Italiaanse sjef in Australië is sy werk kwyt omdat hy geweier het om pizza met pynappel daarop te maak. Vir hom is dit ‘n belediging vir sy kultuur.

‘n Australiese boer wat as gevolg van sy waternavorsingsboerdery bankrot gespeel het, se seun het sy idees voortgesit, en vandag word dit as studiegeval deur die Australiese regering in opleiding gebruik. Johan Rademan praat met groenboer Corius Visser oor sy ontdekking van regeneratiewe boerdery, wat verder geneem word met sekwensieboerdery.