James Howells oorweeg dit om ‘n aanbod op ‘n stortingsterrein te maak. In dié stortingsterrein is ‘n hardeskyf met Bitcoin ter waarde van £600 miljoen, wat sy eksmeisie per ongeluk weggegooi het.

Jurina Aucamp vertel vir Martelize Brink hoe sy diere in haar verhale gebruik om lesse aan kinders oor te dra.

Ons hoor hoe Christa Havenstein, 'n pianis en orrelis, narratiewe terapie begin studeer het. Johan Rademan het in die middel van die Suid-Atlantiese oseaan op St. Helena, 2 000km van die naaste Afrikakuslyn, met haar gesels toe sy danksy moderne kommunikasie haar klasse kon bywoon.

‘n Slangvanger in Sydney is ingeroep toe sowat ses giftige slange in ‘n tuin gesien is. Toe hy hulle begin vang, is hy met 102 slange daar weg!

Koshistorikus Hetta van Deventer-Terblache praat oor basiliekruid met sy verskeie spesies en verskillende geurprofiele.

Die piepklein Sandhills-biblioteek in die Hexriviervallei is plaaseienaar Mara Le Roux se droom om kinders en mense wat nie so bevoorreg is nie, vlerke te gee. Want deur te lees en om mense lief te maak vir lees, kan jy hulle wegneem uit ‘n harde wêreld van werklikheid en net vir daai klein tydjie in daardie droomwêreld laat leef waarin hulle kan vergeet. Dit bied ook die geleentheid om te verbeter in dit wat hulle wil doen, of kan doen, want sonder lees kan ons kinders nie gaan leer nie.

Die Royal Mail vier 50 jaar sedert ACDC se album, High Voltage, vrygestel is met nuwe ACDC-seëls.

Marike de Villiers vertel vir Martelize Brink van die uitsonderlike Bentley S1 van 1956, wat die naweek te sien is by die George Oumotor-skou.