Driesestig

Chrisna Steenkamp vertel van haar belewenis van skisofrenie, en hoe belangrik dit vir jou ondersteuningsnetwerk is om ingelig te wees.

Kansas City kry volgende jaar die wêreld se eerste barbeque-museum.

In 1890 kom ‘n Afro-Amerikaner met sy vrou en die Virginia Jubilee Singers in Suid-Afrika toer. Tien jaar gelede het David Kramer se musiekblyspel oor dié man, Orpheus in Africa, groot byval gevind in die destydse Fugardteater. David en sy geselskap neem die produksie nou saam met Kaapstad Opera na ‘n nuwe vlak. Johan Rademan het van die laaste repetisies van Orpheus McAdoo bygewoon, en ‘n opgewonde David Kramer daar aangetref.

Hetta van Deventer-Terblanche praat oor die geskiedenis van beskuit.

Die gebruik van Ozempic is ‘n uitdaging vir Amerikaanse trourokmakers. Aanstaande bruide verloor soveel gewig dat hulle rokke meer verstellings nodig het, maar daar word nie ekstra betaal vir die meer werk nie.

Corli Leonard vertel vir Martelize Brink van haar beroepskuif van bedryfsingenieur na bloemiste, en wat ‘n lewe met plante vir haar beteken.

Johan Rademan hoor dat die rooibosteeplant en die mier soos vinkel en koljander is.

Prof. Donita Africander praat oor vroulike hormone, spesifiek die gebruik van menopouse-hormone.

Sean Greasley van Las Vegas het ‘n nuwe Guiness Wêreldrekord verbeter toe hy in 22 uur, 57 minute en 2 sekondes die ekwiwalent van die hoogte van Berg Everest (8 848,86 meter) met trappe die vinnigste op en af geklim het.

Kim Syster gesels oor haar grootword in die Mamre-omgewing, en aksiefilms wat haar inspireer het om ‘n aktrise te word. Kim is ambassadeur vir die Kaapstad Vlieërfees wat die aandag op geestesgesondheid vestig.