Driesestig

Dr. Karen Nel vertel vir Martelize Brink van Mensa, die grootste en oudste hoë IK-vereniging ter wêreld.

’n Boom, wat uit ‘n 1 000 jaar oue saad gegroei het, het na 14 jaar nog nie geblom nie. Die spesie is andersins uitgesterf. Toetse wys dat die boom medisinale eienskappe het, en heel moontlik gebruik is om ‘n medisinale balsem te maak waarna daar in historiese tekste verwys word.

Mark Murray vertel van die lewe in Florida in die VSA. Dis die stilte, kort voor orkaan Milton, die tweede orkaan in twee weke, hulle bereik.

Om ‘n binnestedelike gebied, wat haglik en gevaarlik geword het onder die konstante aanslag van verslaafdes, vandaliste en misdadigers, weer na sy ou glorie te herstel, verg ’n vasbyt waaroor min mense beskik. Steve de Beer, ‘n Baaise sakeman, is een van dié soort vasbyters met die Russelweg-herlewingsprojek. Hy is onlangs deur die plaaslike Herald-koerant met die toekenning vir gemeenskapsaktivisme vereer. Mariska Spoormaker het met hom gepraat.

Die Panneman, David Coetzee, vertel vir Martelize Brink sy plaas het afgebrand, maar ‘n boer maak ‘n pan! Sy beskuitpanne is al die wêreld vol. ’n Kwarteeu jaar later het hy al 600 ton se sink tot beskuitpanne en -drukkers verwerk.

Ná 31 jaar kom ‘n skattejag tot ’n einde, toe ‘n wenner 12 raaisels opgelos het om sy hande op ‘n goue uil, ter waarde van €150 000 te lê.

Riaan van Zyl verduidelik hoe gefermenteerde olifantmis gebruik word om onder andere kremetartbome teen olifante te beskerm, wat die bome se bas eet.

Bokkoms is ‘n soort visbiltong. Daar is nie so iets soos ‘n bokkomvis nie, sê Gert Aggenbach van Velddrif. Hy verduidelik watter soort vis gebruik word om bokkoms te maak.

Liesl Blomerus vertel hoe kinders se geestesgesondheid in die skoolstelsel hanteer word.

‘n Brief wat 48 jaar gelede gepos is, is terugbesorg aan die sender. Dit was ‘n werksaansoek om ‘n motorfietswaaghals te word. Die dame het egter ‘n interessante lewe gelei, van slanghanteerder tot akrobatiese vlieënier en vlieginstrukteur.