Driesestig

RSG Aktualiteit se Mètzi van der Merwe gesels oor haar loopbaanhoogtepunte. Sy tree vanjaar af.

Bun Booyens gesels oor Troep!, sy boek waarin hy ‘n middeweg probeer vind om mense se dienspligervarings weer te gee.

Amanda Strydom vertel van haar produksie, The Incredible Journey of Tinkerbell van Tonder, en hoe sy 29 jaar gewag het om dit weer verhoog toe te bring.

Rolanda Marais en Charl-Johan Lingenfelder vertel van die produksie, Hedda Gabler, waar die karakter praat sonder om haar woorde te filter, en Charl-Johan vertel van die musiek wat die dramaturg vir sy produksies voorskryf.

Lynthia Julius en Danie Marais gesels hulle Woordfees-produksie, Asem deur die oor.

Vernette Wessels gesels oor die Coffee Snobs se musiek, en vertel van Trein na Pretoria, hulle produksie by die Toyota US Woordfees.

Theunis Strydom vertel van sy pad met Capitec as kliënt, en die proses om sy nuwe boek, Capitec: Stryd met die grotes, te skryf.

Pietman Geldenhuys vertel hoe hy nugter ‘n dronkrol aangepak het, en hoe hy sy kreatiewe idees op die pad vasvang.

Annerie Senekal vertel van die botaniese kuns- en fotografie-uitstalling wat vanjaar te sien is by die Stellenbosch Universiteit Botaniese Tuin.

Antoinette Kellermann en Chris van Niekerk gesels oor die uitdagings wat die tragikomedie, Die Stoele, bied en hoe hulle mekaar se vangnet is op die verhoog.