In Indië is twee restaurantgroepe haaks, en in die hof, oor wie nou eindlik eerste botterhoender gemaak het. Nou soek hulle getuies wat kan help. Het jy dit al in die 1930’s in Pashawar geëet, of eers ná 1947 in Delhi?

Michael “Muis” Roberts gesels oor sy jare in die saal. Hy is was onder andere 11 keer Suid-Afrika se kampioenjokkie en een keer Britse kampioenjokkie. Hy is die afrigter van SEE IT AGAIN, die gunsteling perd om die 2024 Cape Town Met te wen.

Haidee Muller-Isaacs kuier op stel by die talentvolle grimeerkunstenaar en stilis, Mari Conradie. Sy vertel hoe sy karakters in haar kop bou, en hulle dan daarvolgens omskep met die regte kleure met haar grimeerkwas.

Sir Winston Churchill se valstande is binnekort te koop op ’n veiling, waar dit na verwagting £8000 sal haal. In 2010 is die einste tande vir £15200 op ‘n veiling verkoop.

Dawie Botha gesels in SO IS DIE LAND GEBOU oor die Appeltrein van die Langkloof, en die Gautrein-spogprojek.

Dr. Cobus Oosthuizen vertel vir Martelize Brink wat ‘n hoërsertifikaat behels. Dis 'n alternatief tot ’n matrieksertifikaat, om toegang tot naskoolse studie te kry.

Biodiversiteit en bewaringsekologie kry toenemend wêreldwyd aandag. Dis egter al vir meer as 150 jaar dat plantkundige akademici vergader om dié onderwerp deur te trap. Die volgende byeenkoms is in Julie vanjaar. Professor Stephen Boatwright van die Departement Biodiversiteit en Bewaringsekologie van UWK gaan dit bywoon. Op die agenda is nuwe navorsing oor alle velde van plantkunde en die wyse waarop plante benoem word. Jacqui January het met hom gepraat.

‘n Ongelukkige kliënt het ‘n afleweringsdiens se kunsmatige intelligensie-kletsbot gekry om die einste afleweringsdiens sleg te sê.

Therdon Duminy gesels oor die EARS-donkietoevlugsoord op Genadendal, wat ook mediese- en ondersteuningsdiense lewer aan nagenoeg 400 perde in vyf dorpe.

Eskom se kragvoorsieningskrisis veroorsaak omtrent 'n stormloop na sonkragenergie, maar nou is dit ongelukkig ook so dat onkundige kansvatters die mark betree. Waarna moet die huiseienaar of sakeman oplet wanneer sonkrag geïnstalleer word, en hoe hou jy dié duur belegging in goeie werkende toestand? Mariska Spoormaker praat hieroor met Michael Stratton, wie se elektrisiteitsonderneming getaak is om sonkragtoerusting wat sukkel of onklaar geraak het, te diens of te vervang.