Herpeteloog Marius Burger gesels oor sy ervarings as paddadeskundige.

Haidee Muller-Isaacs gesels met grimeerkunstenaar Andrea Hurter oor haar oorlede ma Marietjie. Sy was ook 'n grimeerkunstenaar voor haar dood aan kanker sewe jaar gelede. Sy was 53 jaar oud. Andrea was 23 jaar oud met haar ma se dood. Sy vertel ook vir Haidee van haar grimeersessies vir 'n nuwe TV-reeks wat hulde bring aan tien borskanker-oorwinnaars. Dit het ou wonde oopgekrap, maar Andrea is innig dankbaar dat sy hierdie vroue kon optooi en spesiaal laat voel.

Chantell Wittstock vertel vir Martelize Brink van die Prinses Charlene van Monaco Stigting se waterfietsuitdaging ten bate van waterveiligheid.

In Japan is daar nou voorafvoorbereide noedels met kafeïen vir rekenaarspeletjiespelers.

Dr. Sucari Vlok vertel van HearUS , ’n nie-regeringsorganisasie wat kogleêre inplantings by Tygerberg Hospitaal fasiliteer. Hulle gebruik musiek om ander se gehoorherstel te befonds.

Kultuur- en koshistorikus Hetta van Deventer-Terblache kuier aan tafel by die Romeine.

Gert Lubbe was 'n legende op Montagu. Hy was 'n inkommer wat hom oor die dorp se welstand en sy ekonomie en toerisme ontferm het. Gert is oorlede ná Haidee Muller-Isaacs se laaste besoek aan sy Montagu Country Hotel. Haidee het gaan kyk hoe PJ Basson, die oudbestuurder en nuwe eienaar, Gert se nalatenskap laat voortleef. En ja, Gert se geliefde Cadillacs is nog daar.

Montenegro se inwoners het ‘n reputasie van lui wees. Dis glo ‘n mite, maar deesdae hou hulle ‘n kompetisie om te sien wie die luiste inwoner is. Sewe deelnemers voel nog goed uitgerus na 463 ure se lê!

Die Oos-Kaapse tweede senior burger sangfees vind volgende Saterdag op Jeffreysbaai plaas. Orrelis en koorbegeleidster van Jeffreysbaai, Annatjie Smit, sê die fees is getuie van die geneeskragtigheid wat musiek en samesang bied. Mariska Spoormaker het meer gaan uitvind.