In Kanada het korwe met 5 miljoen bye van ‘n vragmotor afgeval. Vrywillige byevangers moes die situasie beredder.

Keramiekkunstenaar Mervyn Gers vertel vir Martelize Brink van sy pad tot by keramiek, en die stryd wat hy met lang-Covid gehad het.

E-Flora Suid-Afrika is ‘n projek wat in 2013 begin is met die doel om ‘n aanlyn hulpmiddel te skep. Dis ’n uitvloeisel van die World Flora Online Plant List, wat toegangklik is vir professionele plantkundiges én Jan en San publiek. Jacqui January gesels hieroor met dr. Marianne Le Roux van die Suid-Afrikaanse Nasionale Biodiversiteitsinstituut. Sy is al vir langer as ‘n dekade besig om die ryk diversiteit van Suid-Afrika op hierdie wêreldplatvorm in te skryf en op datum te hou. Sy vertel hoe dit alles begin het.

Roy van der Merwe vertel vir Martelize Brink van sy betrokkenheid by die Eurovision-liedjiekompetisie oor baie jare, en sy herinneringe van die sterre agter die verhoog.

In ‘n poging om die geboortesyfer ’n hupstoot te gee, het ‘n streek in China besluit om 1 000 joean aan paartjies te gee wat trou, mits die bruid 25 of jonger is.

Dawie Botha vertel vir Martelize Brink hoe al die verskillende dissiplines saamwerk in die bouproses.

Noël Schreuder vertel vir Martelize Brink van feeste.net waar feeste gratis geadverteer kan word, en jy kan sien wat in jou omgewing aan die gang is.

‘n Plaas in Engeland het kennisgewings opgesit om mense te waarsku dat naaktheid in die publiek nie aanvaarbaar is nie, want mense neem naakfoto’s tussen die sonneblomme.

Vita Wilkens vertel vir Martelize Brink van die uitdagings van aasvoëls, Vulpro se werk en aasvoël-bewusmakingsdag.

Haidee Muller-Isaacs gesels met dr. Niel le Roux oor sy indrukwekkende kunsversameling, wat oor jare opgebou is.