Het jy geweet bokmelk bevat meer proteïene en minerale as koeimelk? Een van Suid-Afrika se top bokrasse is die Saanen. Jacqui January gesels met Nicky Janse van Vuuren, ‘n boer en bokmelkkaasmaker van KwaZulu-Natal. Hulle is die enigste in hulle omgewing wat bokmelkkaas maak.

Herman van der Westhuizen vertel vir Martelize Brink van die besoedelingsuitdagings in die Seinerivier in Parys, waar van die Olimpiese oopwaterswem- en driekampitems aanstaande jaar gehou moet word.

In die VSA word ‘n salmfees gehou. Vanjaar sal daar egter geen salm bedien word nie, want die vis in die rivier is te min.

Willem Olivier vertel vir Martelize Brink van die ondergrondse werk by die myne.

Johan Rademan vertel vir Martelize Brink waarna jy kan uitsien in die regstreekse huldigingsgeleentheid ter viering van Diana Ferrus se 70e verjaarsdag.

Haidee Muller-Isaacs het voorheen by die pragtige Nicela Naude gaan kuier toe sy vier jaar oud was. Nicela ly aan 'n baie seldsame siekte, wat die een kant van haar lyfie affekteer en misvorm. In weerwil van nege operasies en vele mediese prosedures, is sy deesdae 'n sprankelende, positiewe en baie intelligente meisie van nege jaar oud. Sy weet presies wat sy uit die lewe wil hê, en sal dit sonder twyfel bereik. Haidee het weer gaan inloer, en met Nicela se ouers, Madeleine en Jacques, gesels oor hoe dit deesdae met die jonge juffer gaan.

‘n Uitgebrande dop van ‘n 1954 Ferrari is vir $2-miljoen verkoop!

Jacolien Brits praat oor haar deelname aan die Tentpegging Wêreldbeker, wat vandeesweek op George plaasvind. Dié Protearuiter was deel van die span wat in 2018 die Vroue Wêreldbeker gewen het.

Zenobia Kloppers het met haar eerste kortfilm, Rieldans, in Frankryk pryse losgeslaan. Haar tweede kortfilm, Helmhart, verskyn vandeesweek op die silwerskerm. Johan Rademan het met Zenobia gesels oor haar ma se invloed in beide films.

Dr. Winifred Bowman en Carolyn Martin vertel vir Martelize Brink van Creation in die Hemel-en-Aardevallei, wat aangewys is as die vierde beste wynplaas ter wêreld om te besoek.