Vicky Grobler vertel vir Martelize Brink hoe sy skaars Barbiepoppe vir versamelaars invoer.

Katie Taylor het haar eie oorskot vel gelooi tot leer, en gaan dit uitstal as kunswerk om deel te vorm van haar doktorsgraad in beeldende kunste.

Jacqui January het gaan tee drink by Lina Kapp op die Vrystaatse platteland. Lina vertel van haar skuif na die rustigheid van Philippolis, en van inwoners uit die verlede - die San-mense, die Griekwas en sir Laurens van der Post. Die dorp is vandag 'n reënbooggemeenskap met ruimte vir 'n Van der Post-tuin en Karookunstenaars.

Joernalis en musiekkenner Danie Marais vertel vir Martelize Brink van Sinead O' Connor se lewe vol hartseer, en haar rebelse houding teen die verwagtinge van die musiekbedryf.

Die Baai se binnestedelike sendingstasie, Vistarus wat met groot welslae verstotenes, verslaafdes en weerloses op ’n nuwe lewenspad help kom,vier sy 25e bestaansjaar. Dit is 'n besonderse mylpaal, want die meer as 200 siele in Vistarus word sonder enige staatsubsidie gehuisves, gevoed, gerehabiliteer en lewensvaardighede aangeleer. Mariska Spoormaker het gaan kuier, en met die intrapslag Zettie Magielies, hoofsjef van Vistarus raakgeloop.

Lydia von Wielligh-Steyn vertel vir Martelize Brink van Julius Robert Oppenheimer, die vader van die atoombom, op wie se lewe die film, Oppenheimer, geskoei is.

‘n Lid van Oekraïne se parlement is in die Maldives opgemerk terwyl amptenare nié die land mag verlaat nie. Die voorval word ondersoek, en indien hy skuldig bevind word, kan hy drie jaar tronkstraf kry.

Chanette Paul gesels oor haar loopbaan as skrywer, en haar aanslag tot skryf. Haar 50e boek sien vanjaar die lig.

Milly Saunders was jare lank tot haar aftrede, die teedame by 'n groot vissersmaatskappy. Vandag is sy huiswerker om die pot aan die kook te hou. Sy het ’n reuse hart vir haar gemeenskap, en vertel vir Haidee Muller-Isaacs hoe sy en 'n vriendin op eie stoom na Malawi is om daar te gaan hand bysit.