Elzette Barnard vertel vir Martelize Brink van haar versameling van 4 500 Barbiepoppe.

Cobus Toerien vertel waar die veiligste sitplek in ‘n vliegtuig is.

Skrywer en joernalis Ilza Roggeband gesels oor die oop harte van die Melkbosstrand-gemeenskap waar sy, 'n gebore Johannesburger, nou al byna 20 jaar lank nesgekop het. Haidee Muller-Isaacs het daar gaan kuier waar sy ook vir Karen Dreyer ontmoet het, met haar hart vir die kinders uit agtergeblewe gemeenskappe.

Die Barbie-film maak ‘n indruk op die wêreld. In Brasilië is daar selfs burgers op die mark met skreeupienk sous.

Uit Nelson Mandelabaai kom die storie van drie generasies vroue van dieselfde gesin, stowwerige trommels in die motorhuis, die Anglo-Boereoorlog, en die emeritus-professor wat aan die werk gespring het. Dié professor is Tilla Olivier, en Mariska Spoormaker het by haar gaan kuier.

Lydia von Wielligh-Steyn vertel vir Martelize Brink van Suid-Afrika se kernwapenprogram, waarvan haar pa, Nic, deel was. Hy het gehelp met die bou én aftakeling van die kernwapens.

In Amerika gebruik dokters lyksakke met ys om pasiënte met ernstige hitte-uitputting af te koel.

Aktrise, model en TV-aanbieder Marciel Hopkins gesels oor hoe om geleenthede te skep, en hoe dit rigting gegee het aan haar verskillende loopbane.

Haidee Muller-Isaacs loer weer in by dr. Fanie Marais, afgetrede dominee en 'n kunstenaar uit eie reg. Fanie is die pa van die ewe talentvolle aktrise Rolanda Marais, en het voorheen ook kunsterapie aangebied vir gevangenes. Haidee het by hom gaan tee drink en gaan kyk waarmee hy in sy tuisateljee besig is sedert sy aftrede as leraar.

JJ Fischer vertel vir Martelize Brink wat die onderhoud van sonkragstelsels behels.