Wat is beter? ‘n Digitale kredietkaart of die tradisionele plastiekweergawe? Gabriël Swanepoel van Mastercard praat oor die voor- en nadele van digitale kaarte teenoor die tradisionele plastiekkaarte.

Die idee van Wêreld Teedag het by vakbonde begin om die volhoubare produksie van tee te verseker. Die Verenigde Nasies het 21 Mei gekies om bewusmaking te skep vir die lang geskiedenis, eeuoue kultuur, tradisies en die ekonomiese belang van tee. Jacqui January gesels met ‘n student wat pas haar doktorale studies voltooi het oor ‘n lang vergete kruietee van die Sederberge. Sy hoor ook kortliks van die geskiedenis van tee in Suid-Afrika.

Jaap Lourens vertel vir Martelize Brink van die jare wat hy ‘n ogie oor RSG se senders gehou het, eers by die SAUK en toe by Sentech. Daardie tyd kom nou haas tot ‘n einde.

Die regering se besluit om gebaretaal as die twaalfde amptelike landstaal te verklaar, maak ‘n nuwe wêreld van geleenthede oop, sê Ananda van der Walt, ouddosent in gebaretaal aan die Vrystaatse- en Noordwes-Universiteite. Ananda, ‘n gebaretaal-tolk, sê dat gebaretaal as amptelike landstaal, ‘n waardigheid na die dowe mens bring. Mariska Spoormaker het met haar gepraat.

Martelize Brink gesels met Francois (Jazz) Adams, die Wes-Kaap se verkoopsbestuurder van Halewood Wines & Spirits SA, oor hoe whiskey gemaak word, asook die ryk geskiedenis en tradisie daarvan.

Daniel Strauss gesels met Martelize Brink oor hoe om die land ‘n beter plek te maak, sy wêreld van beleggings, en hoe hy mense help om soos ‘n miljardêr te dink.

Ons het onlangs met die digitale klavierstemmer, Gawie Wolmarans, gesels. Gewoonlik skep tegnologie nuwe geleenthede, maar in hierdie geval moes die siggestremde klavierstemmers voor die moderne tegnologie swig.

Michael Jonas vertel vir Martelize Brink van die planne om 100 jaar van Afrikaans as amptelike taal te vier.

Dawie Botha vertel vir Martelize Brink van die onsigbare rol van infrastruktuur by KwaZulu-Natal se sport- en ontspanningsgeriewe - van die haaitenk by uShaka Marine World tot die Moses Mabhida-stadion.

Haidee ontmoet die nimlike Antie Loui Boezak van Carnavon. Sy het pas 90 jaar oud geword, is steeds dol oor gemeenskapswerk en is nog aan die gang. Antie Loui vertel van haar grootwordjare, hoekom sy nooit getrou het nie en selfs al het sy self nie kinders nie, is sy die een wat al die familiekinders se trourokke maak.