Die Noordeinde-meer in Gqeberha is een van die kleiner stedelike damme, tog word seiljagregattas daar gehou. Mariska Spoormaker het gaan kyk en daar afgekom op ‘n klomp radiobeheer-geesdriftiges met hulle bootjies se seile wapperend in die wind.

Christo Snyman en ds. Francois Gouws vertel vir Johan Rademan en Martelize Brink hoe die Broers en die dominee begin saamwerk het aan hulle produksie, In die Spore van Jesus.

André Bok vertel vir Martelize Brink van Kingfish Enterprises, Suid-Afrika se grootste seevisplaas op land. Hulle teel met geelstert, kabeljou en Japanese oesters.

Japie Groenewald het besluit om sy aftreehuis te bou met strooibale pleks van bakstene. Haidee Muller-Isaacs het meer gaan uitvind op Bonnievale.

Brandt Coetzee laat proe vir Martelize Brink aan ‘n koffiealternatief wat van die indringer muskietboom se peule gemaak word.

Dr. Koos Holtzhausen vertel vir Martelize Brink van weerlig en weerligafleiers. Hy vertel hoe jy jouself kan beveilig teen dié natuurverskynsel.

Haidee Muller-Isaacs loer in op Rawsonville by Cerina van Niekerk, 'n wynmaker met ’n liefde vir musiek en die gemeenskap. Sy vertel hoe sy musiekprojekte deur haar werk befonds.

Lambert Badenhorst gesels met Martelize Brink oor blinde gholf. Hy neem deel aan sy tweede Suid-Afrikaanse kampioenskap asook aan die Wêreldkampioenskap wat vanjaar op eie bodem plaasvind.

Isabelle Grobler praat oor die impak van goeie asemhalingstegnieke op jou gesondheid en geestestoestand.

Met die droogte wat sy wurggreep bly hou in Nelson Mandelabaai se opvangsgebiede, gaan daar stemme op dat grondeienaars in dié belangrike gebiede bygestaan moet word om belangrike ekostelsels te herstel. Dit moet gedoen word sodat soveel moontlik reën deur die grond geabsorbeer kan word, en nie oor die damwalle see toe loop nie. Mariska Spoormaker het met Pieter Kruger van die plaas Zandvlakte in die Baviaanskloof hieroor gepraat.