Driesestig

Annaline Hopkins vertel vir Martelize Brink hoe sy haar horisonne verbreed nou dat sy byna sestig is. Sy is deesdae aktrise in advertensies, en verleen haar stem in oorklankingsrolle.

Errieda du Toit bring hulde aan Francois Ferreira. Sy gesels onder andere oor die 15 jaar wat sy en Francois as Huiskok Glanskok op RSG te hoor was.

'n Klomp wonderwerke is in die 15-jarige Jaydon Burkett van Kariega saamgebondel, want hy leef ná 'n massabloeding van 6,5 cm by 4,5 cm wat sy brein met 1,5 cm geskuif het. Almal was onbewus van dié lewensbedreigende breinbloeding totdat die optometris, Avendra Subramanien, 'n geweldige swelling agter sy oogsenuwee opgemerk het. Dis ‘n jaar later en Jaydon is só goed op die been dat hy al sy o/18 OP-kleure in rolbal verwerf het. Mariska Spoormaker het gaan kuier.

Susan Wishart vertel van die Kaapse Pappegaai wat 2023 se voël van die jaar is.

Dawie Botha vertel vir Martelize Brink hoe die tonnel onderdeur die Durban-hawemond gebou is.

Denise Stubbs is een van twee Suid-Afrikaanse vroue wat in 2019 die International Enterprising Women-toekenning gekry het as die wêreld se top vroue-entrepreneurs. Denise is die sakeontwikkelingsdirekteur van Diemersfontein en grootbaas van Thokozani, ‘n gasvryheid- en wynbemagtigingsmaatskappy. En daar kry sy toe sowaar weer 'n veer in haar hoed as wenner van Standard Bank Wes-Kaap se TOP WOMEN-toekenning. Hierdie vrou gaan van krag tot krag, en Haidee Muller-Isaacs het weer met haar gaan gesels.

Anita Momberg gesels oor haar ervaring as pleegouer.

Emeritusprofessor Henk Geertsema gesels met Martelize Brink in die eerste van twee gesprekke oor die evolusie van skoenlappers. Hy praat oor skoenlapperfossiele.

Andy de Wet vertel vir Martelize Brink van Blackjack, die plaaslike agapant, wat aangewys is as die Chelsea Blommeskou se beste nuwe plant van die jaar.

Twee geoktroieerde rekenmeesters, Dewaldt Nieuwoudt en Nicola van Niekerk, het op ‘n bloedjong ouderdom die korporatiewe wêreld vaarwel geroep, en vertel aan Johan Rademan hulle verkies nou stedelike binnenshuise vergroening.