Driesestig

Dawie Botha vertel vir Martelize Brink van die steenkoolspoorlyn van Broodsnyersplaas in Mpumalanga tot by Richardsbaai.

Hemp en cannabis word nog dikwels deur leke verwar. Die regering het reeds meer as 90 lisensies toegestaan vir medisinale gebruik en navorsing, maar ‘n misterie en sluier hang nog oor die inhoud en die verskille in inhoud van die plante, wat verwant is aanmekaar. Johan Rademan het op Montagu met Brenda Marx oor die vordering in navorsing in dié bedryf gesels.

Dieetkundige Mariza van Zyl vertel vir Martelize Brink wat die verskil is tussen energiedrankies en hidrasiedrankies, en hoe dit werk.

Antionnette Steyn vertel vir Martelize Brink wat dit behels om 'n troetelvark aan te hou, en waarom soveel troetelvarke by die Pigs ’n Paws toevlugsoord beland.

Haidee Muller-Isaacs gesels met Brita Nathan oor die besonderse poppe wat sy maak. Brita het modeontwerp studeer en nooit die bedryf betree nie, maar haar poppe dra net die beste.

Dr. Ernst Baard praat oor biodiversiteit in die landbou-omgewing. Hy lig die voordele van diversiteit vir boere uit.

Matrikulant Karijn Kooy vertel vir Martelize Brink van haar ervaring as een van vyf hoërskoolleerders, wat onlangs ‘n staptog van 250 km op die Drakensberge voltooi het.

Wat is beter? ‘n Digitale kredietkaart of die tradisionele plastiekweergawe? Gabriël Swanepoel van Mastercard praat oor die voor- en nadele van digitale kaarte teenoor die tradisionele plastiekkaarte.

Die idee van Wêreld Teedag het by vakbonde begin om die volhoubare produksie van tee te verseker. Die Verenigde Nasies het 21 Mei gekies om bewusmaking te skep vir die lang geskiedenis, eeuoue kultuur, tradisies en die ekonomiese belang van tee. Jacqui January gesels met ‘n student wat pas haar doktorale studies voltooi het oor ‘n lang vergete kruietee van die Sederberge. Sy hoor ook kortliks van die geskiedenis van tee in Suid-Afrika.

Jaap Lourens vertel vir Martelize Brink van die jare wat hy ‘n ogie oor RSG se senders gehou het, eers by die SAUK en toe by Sentech. Daardie tyd kom nou haas tot ‘n einde.