Huiskopers in Engeland is verras met ’n daggakwekery tydens hulle eerste besoek aan hulle nuwe huis.

Francé Beyers en Liesl van der Walt vertel vir Johan Rademan van ‘n projek op Stellenbosch om die Eikestad se eikebome te herplant nadat die stomkopkewer onder die bome gemaai het.

Die Bosoorlog, ook bekend as die Grensoorlog, en sy nalatenskap is onlosmaaklik steeds met ons. Ongeveer 500 000 dienspligtiges is gedurende die 23 jaar van die oorlog deur die SA Weermag opgelei, en bykans elke huishouding is daardeur geraak. Om die jong soldate van destyds se onskatbare bydrae tot Suid-Afrika se geskiedenis te vier, asook om fondse vir sy werksaamhede in te samel, bied die SA Weermagtevereniging en die Klein Karoo Camino die 60e herdenking van die begin van die Bosoorlog aan. Hierdie byeenkoms vind van 24 tot 27 September 2026 op Oudtshoorn plaas. Haidee Muller-Isaacs praat hieroor met Johann du Preez van die SA Weermagtevereniging en Ockie Cloete van die Klein Karoo Camino.

Dieetkundige Valpré Huisamen praat oor gesond eet op ‘n knap begroting.

Charles Smith van Australië het op 91 jaar en 209 dae die eerste keer oupa geword. Hy het nou die Guiness-wêreldrekord as die oudste man om die eerste keer oupa te word. Sy seun, Ashley, het op 55 pa geword.

Toutrekafrigter Morné Visser vertel vir Johan Rademan van HTS Drostdy se 560 kg-seunsspan wat op die nasionale kampioenskappe goud gewen het. Kaptein Francois Keyser en onderkaptein Brendon de Beer gesels oor hulle voorbereiding vir die wêreldkampioenskappe later vanjaar op Mosselbaai.

Dr. Mandie Uys vertel vir Johan Rademan van die Bisantynse Ryk wat gestig is toe die Romeinse Ryk in twee verdeel het.

Enkellopendes kom deesdae in pubs bymekaar, waar ‘n vriend of vriendin hulle met ’n PowerPoint-aanbieding bekendstel as iemand om mee uit te gaan. Hulle noem dit Date My Mate.

Riana van der Westhuizen vertel vir Ignatius Vlok hoeveel van die wêreld sy al gesien het in die 14 jaar wat sy op plesierskepe werk.

Kom ons noem dit ‘n versnit van tyd - 120 jaar en ‘n ou droom, afgerond met ‘n "doughnut".