Driesestig

George Ferreira vertel vir Martelize Brink hoe houtskool en brikette vir die braai gemaak word.

Daar is groot verligting onder veral Baaise bewaringsbewustes noudat die departement van bosbou, visserye en omgewing ‘n tydelike visvangverbod rondom ses sleutel pikkewynkolonies aangekondig het. Groot kommer is vroeër uitgespreek oor Algoabaai se brilpikkewyngetalle wat drasties gedaal het. Mariska Spoormaker het met die omgewingswetenskaplike, Ronelle Friend van Algoa Bay Conservation, oor die visvangverbod gepraat.

Grant Timms vertel vir Martelize Brink van die vliegtuie wat hy die naweek by die eerste Saldanhabaai-lugskou sal vlieg - van ‘n straalvliegtuig tot ‘n Tweede Wêreldoorlogera Tiger Moth.

Kaptein Vernon Keller praat op Wêreld Maritieme-dag oor veiligheid aan langs die kus, en die rol wat die Suid-Afrikaanse Maritieme Veiligheidsowerheid hierin speel.

Nadine Blom vertel vir Johan Rademan en Martelize Brink van die Londoloza-projek teen geslagsgebaseerde geweld.

Ronel Pistorius vertel vir Johan Rademan en Martelize Brink van Suid-Afrika se oudste kwilt, wat in 1790 gemaak is en by die Nasionale Kwiltfees te sien sal wees.

Die uitdrukking dat ‘n mens eers moet kruip voor jy kan loop, is algemeen bekend. Twee studies oor die boustene van die ontwikkeling van jong kinders het dit weer beklemtoon. Johan Rademan het met Danel Snyman, ‘n arbeidsterapeut, hieroor gesels.

Dawie Botha gesels oor die raakpunte wat die geboude omgewing het met erfenis, toerisme en boomplantdag wat in September gevier word.

Vandag is Nasionale Toerismedag. Haidee Muller-Isaacs het gaan inloer op Stellenbosch by Amazink in Kayamandi. Daar het sy meer gehoor oor die Bags for Bread-inisiatief en gesien hoe die vroue 'n bestaan kan voer en die omgewing kan bewaar. Hulle hekel items met plastiek broodsakkies.