Martelize Brink praat met die voormalige Suid-Afrikaner Johan Oldenburg wat die Poolse grens met Oekraïene besoek om 'n hand te verleen met die vlugtelinge.

Dr. Tertius Cilliers vertel vir Johan Rademan en Martelize Brink hoe suiwelbeoordeling werk, en hoe ‘n suiwelproduk van die jaar uit verskillende katogorieë aangewys word.

Theunis Coetzer vertel vir Johan Rademan en Martelize Brink wat dit behels om “off the grid” te gaan. Dis nie net elektrisiteit nie, maar ook water en riool.

Anna-Mart van der Merwe gee ‘n blik op haar loopbaan, en hoe sy by toneelspel uitgekom het.

Oom Willem van der Watt word vanjaar 78 jaar oud. Hy is al 18 jaar lank die opsigter van Swellendam se skougronde, en woon al jare reg onder die pawiljoen. Haidee Muller-Isaacs het hom gaan ontmoet.

Morné Faulhammer praat oor die implikasies van vuurmaakhout wat tussen provinsies rondgeskuif word.

Daar is wêreldwyd 'n groot tekort aan oorplantbare menslike organe en weefsel. 'n Nuwe benadering het noodsaaklik geword. Moet orgaanhandel as ‘n spesifieke misdaad beskryf word? Wat is van die voorstelle en idees? Prof. Melodie Laubuschaigne van Unisa se Skool vir Regsgeleerdheid is gemoeid met die kwessie. Jacqui January het met haar gepraat.

Martelize verken die LGBTQI+ alfabet in ‘n reeks van 4 insetsels. In die tweede insetsel bespreek die internasionaal gesertifiseerde seksuoloog, dr. Elmari Mulder-Craig, gender en seksualiteit.

Hendrik Pohl vertel vir Martelize Brink van potboomtegnologie, wat onder andere gebruik maak van weefselkultuur om plante te vermeerder in ‘n laboratorium onder steriele omstandighede.