Hendrik Jumboe is op Barrydale gebore. Hy moes al vroeg die skool verlaat om te gaan werk. Hy vertel dat hy al op 7 jaar op die plaas tuinwerkies begin doen het. Hy het wel later leer lees en skryf, en was toe op die ou end meer as 36 jaar lank die kroegman by die eens gewilde Swellengrebel Hotel op Swellendam. Die hotel se deure is nou toe, en die gebou is verkoop. Hendrik vertel vir Haidee Muller-Isaacs hoe hy daar beland het, en sy liefde vir die gaste wat van heinde en ver gekom het. En hoe hy leer Engels praat het…

Fritz Oosthuizen vertel vir Martelize Brink van sy karateloopbaan en die virtuele kompetisies waar hy koning kraai.

Boerdery is ‘n uiters stresvolle en soms moeilike beroep. Landelike gebiede waar gemeenskapsboerdery ‘n werklikheid is, het verdere uitdagings. Dit bied egter die geleentheid om te boer, spesifiek vir vroue. Jacqui January het een so ‘n vrou, Bettie Jass Milford, op Kommagas in die Namakwaland raakgeloop.

Bekroonde sjef Jan-Hendrik van der Westhuizen gesels uit Parys oor sy rol as een van die nuwe beoordelaars van die Eat Out-toekennings, watter neigings hy voorspel, en sy dankbaarheid dat restaurante weer kop oplig twee jaar ná die begin van die pandemie.

Natalie Bossi vertel van ALATEEN, ‘n aanlyn-ondersteuningsgroep vir kinders wat blootstelling het aan 'n alkoholis.

Peter Mascher vertel vir Johan Rademan en Martelize Brink van die karikature wat hy by troues skets.

Cecile Niewoudt verduidelik hoe om jou kind se luistervaardighede te ontwikkel.

Nelmari Kemp vertel van die Stigting vir die Bemagtiging deur Afrikaans se boek met idiome oor water, wat in drie tale saamgestel is.

Koskenner Herman Lensing gesels met Johan Rademan en Martelize Brink oor sy grootwordjare, loopbaanhoogtepunte en sy rol in ‘n rolprent.

Melanie Burke vertel vir Johan Rademan en Martelize Brink hoe Street Smart help om kinders van die straat af hou.