Driesestig

Die streng Covid-inperkings van 2020 het die Suid-Kaapse onderneming laat vou waar Henley Cloete gewerk het. Deesdae is hy ‘n bobbejaanmonitor in Nature's Valley. Mariska Spoormaker het hom in een van die strate raakgeloop en met hom gesels.

Tannie Lokkie van Zyl van Velddrif vertel van die streek se stories en die vissermanne wat eens op ‘n tyd baie bedrywig in Bokkomlaan was.

Dr. Linda Meyer vertel vir Martelize Brink wat 'n werkgewer in gedagte moet hou wanneer 'n werknemer bedank.

Mansoor Jaffer en Tersia Harley vertel vir Martelize Brink van die Cape Cultural Collective en hulle Rosa-koor.

Petra Jerling praat oor toksiese positiwiteit.

Marshall Rinquest vertel vir Martelize Brink van Greyton Transition Town se projekte in voedselsekuriteit, afvalbestuur, menslike opvoeding en omgewingsopvoeding.

Haidee Muller-Isaacs gesels met Piet Delport, ‘n regsman wat messe versamel. Piet het sowat 500 verskillende soorte messe. Hy vertel hoe hy ‘n mes kies en hoe duur hierdie stokperdjie kan wees.

Gaye Boshoff praat oor tuinmaak volgens 'n maankalender en die klimaatsones van Suid-Afrika.

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. Geldverwante begrippe wat onder die letter O val, word bespreek deur Stephan van der Watt en Eduan Basson van HGG se Welvaart-sake-eenheid, en Karen Pnematicatos van Helderberg Insurance Brokers, ‘n eenheid van HGG Finansiële Groep.

Dr. Linda-Louise Geldenhuys gesels met Johan Rademan en Martelize Brink oor selfbeperkende denke en jou loopbaan.