Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se nuwe reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. Geldverwante begrippe onder die letter D word deur Riaan Lindeque en Eduan Basson, albei verbonde aan HGG Finansiële Groep se Welvaart-sake-eenheid, bespreek.

Lika Gorokhowa het as ‘n 22-jarige haar BA-graad in Afrikaans verwerf onder dr. Monika Urb van die Departement Afrikastudies aan die Moskou Staatsuniversiteit. Sy het ná een besoek aan Suid-Afrika besluit om as die eerste Russiese vrou, ‘n boek oor haar reiservaring in die land te skryf en publiseer. Johan Rademan het met Lika tydens ‘n tweede besoek aan Suid-Afrika gesels. Dié inwoner van Moskou beweer daar is baie ooreenkomste tussen Russiese en Suid-Afrikaanse gasvryheid.

Anderkant Malmesbury het Haidee Muller-Isaacs se pad gekruis met dié van Sophie Isaacs. Sophie het daar by die plaasskooltjie begin as ‘n kinderoppasser, en vandag is sy die ontwikkelingsbestuurder by Goedgedacht Trust. Sy vertel vir Haidee hoekom jongmense so diep in haar hart lê.

Bernacia Mullins, waarnemende adjunkdirekteur: kleinskaalse visserybestuur by die Departement van Bosbou, Omgewingsake en Visserye, gee konteks oor die hersiening van Weskus-kreefkwotas.

Met die somer om die draai, is dit tyd om in jou tuin of buite in die natuur te wees! Die tema vir vanjaar se Somerstuinskou in Johannesburg is Tuine vir die siel. Jacqui January het in dié besondere tuine gana stap, en hoor van praktiese idees wat bekostigbaar is vir groot en klein tuine.

Dr. Ingrid de Wet van die Country Animal Clinic op Somerset-Wes gesels oor hondsdolheid.

Martelize Brink gesels met modeontwerper Hershall Lee Davids oor sy opleiding, agtergrond en liefde om pragstukke vir sangers te ontwerp.

Heidi-Mari Oosthuizen het al aan vier gimnastiek wêreldkampioenskappe en die Statebondspele deelgeneem. Sy is met ‘n Kroasiër getroud, maar hulle gesin bly in Suid-Afrika. Johan Rademan het met haar oor haar opwindende lewe gesels.

Linda Costa verduidelik hoe om jou eie olywe in te lê.

Gabriella Carolus, ‘n opvoedingspesialis, praat oor die sielkundige faktore wat mense suksvol maak, al dan nie.