Hoe kan ek groente smaaklik maak, sonder al die olie, suiker en vet?

In Februarie vanjaar het 'n handjievol Tsitsikamma-inwoners stukkies grond begin skoffel om groente te plant, en gehoop om eendag ‘n inkomste daaruit te kan verdien. Weens die streng Covid-inperkings het Mariska Spoormaker toe telefoniese onderhoude met hulle gevoer. Nou, nege maande later, het sy uitgery na die Tsitsikamma om uit hoor hoe sake vorder, en het daar vir Marnell van Schoor, stuurvrou van die inisiatief, aangetref.

Met die uitgangspunt dat 'n liefde vir lees die begin van alle goeie dinge in 'n kind se lewe is, het die Voorbereidingskool Despatch met 'n voorleesklub begin, sodat leerders hardop voorlees as ‘n buitemuurse aktiwiteit kan geniet. Mariska Spoormaker het die skoolhoof, Madeléne Sachse, besoek om meer te hoor, en toe kry sy in die kantoor ook twee leerders met storieboeke in die hand.

André Bloem, 'n spesialis in arbeidsverhoudinge, praat oor nywerheidsoptrede.

Khayelitsha is ’n gedeeltelik informele township op die Kaapse Vlakte. Die naam is Xhosa vir Nuwe Tuiste. Dit is een van die grootste en vinnigste groeiende townships in Afrika. The Shackbuilders is ‘n nieregeringsorganisasie, met die doel om te help met informele behuising. Hulle is al langer as 15 jaar in die Kaap besig, en het nou internasionale bande begin smee. Jacqui January gesels met die stigter van The Shackbuilders, die opvoedkundige sielkundige Quinton Adams.

Werner van Dyk van die Sustainability Initiative of South Africa (SIZA), 'n platform vir landbourolspelers, verduidelik hoe om etiese- en omgewingsvolhoubare handel te verseker

Almal op Oudtshoorn ken hom as Gerby, maar sy regte naam is Gerbrandt van Deventer. Hy is in die Vrystaat gebore. Haidee Muller-Isaacs het by hom gaan kuier, en hy vertel hoe sy drome van argitek word uiteindelik 'n kosdraai gemaak het. Hy vertel ook hoe hy op Oudtshoorn beland het, en wys haar hoe hy carpaccio maak. Haidee hoor ook van sy kosskoue oorsee, en waar in die wêreld hy die lekkerste disse geëet het.

Marius Koekemoer van Reptile Rescue op Lephalale vertel van sy werk as slangvanger.

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se nuwe reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. Die kundiges wat die begrippe bespreek wat onder C val, is Riaan Lindeque en Eduan Basson, albei verbonde aan HGG se Welvaart-sake-eenheid. hggroep.co.za

Carike Verbooy, 'n loopbaanspesialis by Boston Media House, vertel hoe die pandemie en die inperking die werkplek verander het, en hoe dit in die toekoms sal lyk.