Karike Norval vertel vir Johan Rademan en Martelize Brink van die Hollandse Bakkery wat van 1970 af Nederlandse gebak vir Suid-Afrikaners voorsit.

Covid-19 het Huis Najaar op Despatch vroeër vanjaar amper platgeslaan toe 18 van die bejaarde inwoners binne enkele dae daaraan gesterf het. Omdat geen nuwe inwoners ingeneem mag word nie, het dit geldelik bars gegaan, tot die beroemde voormalige Springbok, Danie Gerber, ook bekend as die Doring van Despatch, tot hulle redding gekom het. Mariska Spoormaker het Danie by Huis Najaar ontmoet, maar eers skets die voorsitter van die ouetehuis se raad, Belinda van der Bank, die agtergrond.

Marnus Hatting vertel vir Johan Rademan en Martelize Brink hoe die brandstofverbruik van voertuie deur voertuigvervaardigers bepaal word, en waarom dit so verskil van die werklike verbruik.

Abi Bruwer het in sy loopbaan met sagteware gewerk, maar sy liefde vir hardeware het ná sy aftrede sterk geloop. Johan Rademan het tydens ‘n besoek aan die Riebeekvallei op dié juweeltjie afgekom.

Dieetkundige Irene Labuschagne praat oor Voedingsweek en vanjaar se fokus op kindervoeding.

Dewald Olivier gesels met Johan Rademan en Martelize Brink oor diere-biosekuriteit in Suid-Afrika.

Reagen Lemmetuis van Oudtshoorn is op 38 een van die jongste kapteine aan die stuur van 'n mynskip van een van die wêreldse grootste diamantmaatskappye. Hierdie Karooseun wys sy staal op 'n skip in die Atlantiese Oseaan, en sê hy kon vinnig aanpas in die maritieme wêreld vanweë 'n streng opbrengs in 'n militêre huis'. En, dis een van sy grootste drome wat toe uiteindelik waar geword het.

Dr. Wilhelm Lichtenberg vertel vir Martelize Brink van die Young Hearts Africa-inisiatief om hartoperasies op kinders te befonds. Queen-legende Brian May, Broadway-superster Kerry Ellis en die Soweto Gospel Choir doen ook hulle deel vir die inisiatief met ‘n heropname van die Queen treffer, Who wants to live forever.

Prof. Marlize Terblanche-Smit vertel vir Martelize Brink hoe strategiese korporatiewe kummunikasie ingespan word om skade aan ‘n onderneming se reputasie te beperk.

Sura Swart vertel vir Martelize Brink van ‘n emosionele welstand-bewusmakingveldtog in skole.