Hoewel Riaan van Zyl se kunswerke wêreldwyd in versamelings opgeneem is, is sy wortels sterk in Suid-Afrika. Hy woon tans in die Riebeekvallei, en werk met skroot en ou olie. Hy is versot op die beweging wat ou filmprojektors bied. Johan Rademan het in sy ateljee, 90 km buite Kaapstad, op Riebeek-Kasteel gaan inloer.

Het jy geweet afgebakende areas in openbare parkeergebiede vir rolstoel gebruikers is uitsluitlik vir bestuurders wat ‘n rolstoel gebruik? Jy mag dus nie die parkeerplek gebruik as jy iemand in ‘n rolstoel vervoer nie. Jacqui January het gaan uitvind hoe dit werk by Erica du Toit van die Vereniging van en vir Persone met Gestremdhede.

Rolanda Marais gesels met Johan Rademan en Martelize Brink oor die konsep van plantouers.

Tamryn Angel vertel van Covid-19 en die kwessies waarmee kliniese maatskaplike werkers nou te doen het.

Hennie Steyn en Philip Bromley vertel hoe Swellendam se Erfenisvereniging brûe bou in die gemeenskap met 'n projek van familiewapens teen hulle lamppale.

Wilhelm von Schutz vertel vir Martelize Brink van die land se oudste seewedvaart, wat die naweek tussen Simonstad en Mosselbaai plaasgevind het.

Haidee Muller-Isaacs gesels met oud-polisieman en speurder Pieter van Wyk. Hy vertel van sy 27 jaar as polisieman op Laingsburg in die jare tagtig en later ook in Soweto. Toe Pieter as hofordonnans in die landdroshof op Oudtshoorn gewerk het, het hy intens begin belangstel in die regte. En toe hy as polisiekaptein aftree het hy, in sy veertigs, weer gaan studeer om advokaat te word. In 2014 is hy tot die Wes-Kaapse Balie toegelaat. Haidee het saam met hom op Oudtshoorn koffie gedrink.

Prof. Renata Schoeman gesels met Martelize Brink oor diskriminasie teen ouer persone.

Landskapargitek Neal Schoof gesels met Martelize Brink oor habitatte op Wêreld Habitatdag.

Anita (81) en Vic (69) Pretorius is saam 150 jaar jonk, en roei 150 myl op die Vaaldam en Vaalrivier ten bate van die Nasionale Seereddingsinstituut.